Read in తెలుగు / ಕನ್ನಡ / தமிழ் / देवनागरी / English (IAST)
सकलमङ्गलवृद्धिविधायिनि
सकलसद्गुणसन्ततिदायिनि ।
सकलमञ्जुलसौख्यविकाशिनि
हरतु मे दुरितानि सरस्वति ॥ १ ॥
अमरदानवमानवसेविता
जगति जाड्यहरा श्रुतदेवता ।
विशदपक्षविहङ्गविहारिणि
हरतु मे दुरितानि सरस्वति ॥ २ ॥
प्रवरपण्डितपुरुषपूजिता
प्रवरकान्तिविभूषणराजिता ।
प्रवरदेहविभाभरमण्डिता
हरतु मे दुरितानि सरस्वति ॥ ३ ॥
सकलशीतमरीचिसमानना
विहितसेवकबुद्धिविकाशना ।
धृतकमण्डलुपुस्तकमालिका
हरतु मे दुरितानि सरस्वती ॥ ४ ॥
सकलमानससंशयहारिणि
भवभवोर्जितपापनिवारिणि ।
सकलसद्गुणसन्ततिधारिणि
हरतु मे दुरितानि सरस्वति ॥ ५ ॥
प्रबलवैरिसमूहविमर्दिनि
नृपसभादिषुमानविवर्धिनि ।
नतजनोदतसङ्कटभेदिनि
हरतु मे दुरितानि सरस्वति ॥ ६ ॥
सकलसद्गुणभूषितविग्रहा
निजतनुद्युतितर्जितविग्रहा ।
विशदवस्त्रधराविशदद्युति
हरतु मे दुरितानि सरस्वति ॥ ७ ॥
भवदवानलशान्तितनूनपा-
-द्धितकरैङ्कृतिमन्त्रकृतकृपा ।
भविकचित्तविशुद्धविधायिनि
हरतु मे दुरितानि सरस्वति ॥ ८ ॥
तनुभृतां जडतामपहृत्य या
विबुधतां ददते मुदिताऽर्चया ।
मतिमतां जननीति मताऽत्रसा
हरतु मे दुरितानि सरस्वति ॥ ९ ॥
सकलशास्त्रपयोनिधिनौःपरा
विशदकीर्तिधराऽङ्गितमोहरा ।
जिनवराननपद्मनिवासिनि
हरतु मे दुरितानि सरस्वति ॥ १० ॥
इत्थं श्रीश्रुतदेवताभगवती विद्वज्जनानां प्रसूः
सम्यग्ज्ञानवरप्रदा घनतमोनिर्नाशिनी देहिनाम् ।
श्रेयः श्रीवरदायिनी सुविधिना सम्पूजिता संस्तुता
दुष्कर्माण्यपहृत्य मे विदधतां सम्यक् श्रुतं सर्वदा ॥ ११ ॥
इति चिरन्तनाचार्य विरचितं श्री सरस्वती सरसशान्ति सुधारस स्तोत्रम् ॥
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.