Read in తెలుగు / ಕನ್ನಡ / தமிழ் / देवनागरी / English (IAST)
श्रीविलासप्रभारामचिदानन्दविलासिने
लक्ष्मीमरकतोल्लासि गणनाथाय मङ्गलम् ॥ १ ॥
स्वर्गलोकवसद्देवराजपूजितरूपिणे
लक्ष्मीमरकतोल्लासि गणनाथाय मङ्गलम् ॥ २ ॥
मर्त्यलोकप्राणिकोटिकृतपूजाविमोदिने
लक्ष्मीमरकतोल्लासि गणनाथाय मङ्गलम् ॥ ३ ॥
पाताललोकसंवासिदैत्यसंस्तवनन्दिने
लक्ष्मीमरकतोल्लासि गणनाथाय मङ्गलम् ॥ ४ ॥
समस्तगणसाम्राज्यपालनानन्दमूर्तये
लक्ष्मीमरकतोल्लासि गणनाथाय मङ्गलम् ॥ ५ ॥
वेदोक्तधर्मसञ्चालिजनतानन्ददायिने
लक्ष्मीमरकतोल्लासि गणनाथाय मङ्गलम् ॥ ६ ॥
धार्मिकाञ्चितसर्वार्थ सम्पादकहितैषिणे
लक्ष्मीमरकतोल्लासि गणनाथाय मङ्गलम् ॥ ७ ॥
औचित्यकामनापूर्ण समाराधकरक्षिणे
लक्ष्मीमरकतोल्लासि गणनाथाय मङ्गलम् ॥ ८ ॥
मोक्षसाधनमार्गस्थजनताफलदायिने
लक्ष्मीमरकतोल्लासि गणनाथाय मङ्गलम् ॥ ९ ॥
कर्ममार्गसुकर्माढ्यसुजनोत्सवकारिणे
लक्ष्मीमरकतोल्लासि गणनाथाय मङ्गलम् ॥ १० ॥
उपासनोद्यमासक्त भक्तमानसहंसिने
लक्ष्मीमरकतोल्लासि गणनाथाय मङ्गलम् ॥ ११ ॥
ज्ञानमार्गप्रभाराशि सन्धातृशुभकारिणे
लक्ष्मीमरकतोल्लासि गणनाथाय मङ्गलम् ॥ १२ ॥
सत्यनारायणानन्दसन्धानकरुणात्मने
लक्ष्मीमरकतोल्लासि गणनाथाय मङ्गलम् ॥ १३ ॥
नटेश्वरकविप्रोक्तस्तुतिमानसचारिणे
लक्ष्मीमरकतोल्लासि गणनाथाय मङ्गलम् ॥ १४ ॥
इति श्री मरकत लक्ष्मीगणपति मङ्गलाशासनं सम्पूर्णम् ॥
इतर श्री गणेश स्तोत्राणि पश्यतु ।
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.