Read in తెలుగు / ಕನ್ನಡ / தமிழ் / देवनागरी / English (IAST)
athātaḥ sampravakṣyāmi mūlamantrastavaṁ śivam |
japatāṁ śr̥ṇvatāṁ nr̥̄ṇāṁ bhuktimuktipradāyakam || 1 ||
sarvaśatrukṣayakaraṁ sarvarōganivāraṇam |
aṣṭaiśvaryapradaṁ nityaṁ sarvalōkaikapāvanam || 2 ||
śarāraṇyōdbhavaṁ skandaṁ śaraṇāgatapālakam |
śaraṇaṁ tvāṁ prapannasya dēhi mē vipulāṁ śriyam || 3 ||
rājarājasakhōdbhūtaṁ rājīvāyatalōcanam |
ratīśakōṭisaundaryaṁ dēhi mē vipulāṁ śriyam || 4 ||
valāripramukhairvandya vallīndrāṇīsutāpatē |
varadāśritalōkānāṁ dēhi mē vipulāṁ śriyam || 5 ||
nāradādimahāyōgisiddhagandharvasēvitam |
navavīraiḥ pūjitāṅghrē dēhi mē vipulāṁ śriyam || 6 ||
bhagavan pārvatīsūnō svāmin bhaktārtibhañjana |
bhavatpādābjayōrbhaktiṁ dēhi mē vipulāṁ śriyam || 7 ||
vasu dhānyaṁ yaśaḥ kīrtiṁ avicchēdaṁ ca santatēḥ |
śatrunāśanamadyāśu dēhi mē vipulāṁ śriyam || 8 ||
idaṁ ṣaḍakṣaraṁ stōtraṁ subrahmaṇyasya santatam |
yaḥ paṭhēttasya siddhyanti sampadaścintitādhikāḥ || 9 ||
hr̥dabjē bhaktitō nityaṁ subrahmaṇyaṁ smaran budhaḥ |
yō japēt prātarutthāya sarvānkāmānavāpnuyāt || 10 ||
iti kumāratantrārgataṁ śrīsubrahmaṇya mūlamantra stavaḥ |
See more śrī subrahmaṇya stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.