Read in తెలుగు / ಕನ್ನಡ / தமிழ் / देवनागरी / English (IAST)
ayōdhyāpuranētāraṁ mithilāpuranāyikām |
rāghavāṇāmalaṅkāraṁ vaidēhānāmalaṅkriyām || 1 ||
raghūṇāṁ kuladīpaṁ ca nimīnāṁ kuladīpikām |
sūryavaṁśasamudbhūtaṁ sōmavaṁśasamudbhavām || 2 ||
putraṁ daśarathasyādyaṁ putrīṁ janakabhūpatēḥ |
vasiṣṭhānumatācāraṁ śatānandamatānugām || 3 ||
kausalyāgarbhasambhūtaṁ vēdigarbhōditāṁ svayam |
puṇḍarīkaviśālākṣaṁ sphuradindīvarēkṣaṇām || 4 ||
candrakāntānanāmbhōjaṁ candrabimbōpamānanām |
mattamātaṅgagamanaṁ mattahaṁsavadhūgatām || 5 ||
candanārdrabhujāmadhyaṁ kuṅkumārdrakucasthalīm |
cāpālaṅkr̥tahastābjaṁ padmālaṅkr̥tapāṇikām || 6 ||
śaraṇāgatagōptāraṁ praṇipādaprasādikām |
kālamēghanibhaṁ rāmaṁ kārtasvarasamaprabhām || 7 ||
divyasiṁhāsanāsīnaṁ divyasragvastrabhūṣaṇām |
anukṣaṇaṁ kaṭākṣābhyāṁ anyōnyēkṣaṇakāṅkṣiṇau || 8 ||
anyōnyasadr̥śākārau trailōkyagr̥hadampatī |
imau yuvāṁ praṇamyāhaṁ bhajāmyadya kr̥tārthatām || 9 ||
anēna stauti yaḥ stutyaṁ rāmaṁ sītāṁ ca bhaktitaḥ |
tasya tau tanutāṁ puṇyāḥ sampadaḥ sakalārthadāḥ || 10 ||
ēvaṁ śrīrāmacandrasya jānakyāśca viśēṣataḥ |
kr̥taṁ hanumatā puṇyaṁ stōtram sadyō vimuktidam |
yaḥ paṭhētprātarutthāya sarvān kāmānavāpnuyāt || 11 ||
iti hanumatkr̥ta sītārāma stōtram |
See more śrī rāma stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.