Read in తెలుగు / ಕನ್ನಡ / தமிழ் / देवनागरी / English (IAST)
ayi dēvi sarasvati tvadīyāḥ
stutidhārāḥ parilēḍhumudyatāṁ naḥ |
svayamēva tava stavaṁ duhānāṁ
rasanāṁ mātarimāṁ sanāthayēthāḥ || 1 ||
aruṇādharabimbamambujākṣaṁ
karuṇāvarṣi kaṭākṣakēlilakṣam |
vadanaṁ tava hanta bhārati tva-
-tpathamullaṅghya viśr̥ṅkhalaṁ cakāsti || 2 ||
akalaṅkaśaracchaśāṅkalakṣā-
-pyasadr̥kṣā tava vāṇi vaktrabhaṅgyāḥ |
adharaḥ punaramba pakvabimbī-
-paṭalīpāṭalimāpavādavīraḥ || 3 ||
navapallavadarpavibhramān vā
śaradambhōjavanacchavicchaṭāṁ vā |
parijētumalaṁ bhavatpadaśrī-
-riti vādō:’pyasadr̥kṣadikṣu gaṇyaḥ || 4 ||
tava dēvi na kēvalaṁ mukhēndu-
-rvikalaṅkēṣu viśēṣalēkhanīyaḥ |
api tu sphuṭamaṅghripaṅkajāgrē
viharantaḥ sukr̥tō nakhēndavō:’pi || 5 ||
aṇimā tava hanta madhyabhāgē
mahimānaṁ niruṇaddhi nirvivādam |
paripāṭalimā ca pāṇipādā-
-dharabimbē tanukāntipāṇḍimānam || 6 ||
api maulipadē padaṁ bhavatyāḥ
śaśinā hanta jaḍēna śāntamēnaḥ |
ata ēva bhavatpadābjasēvā-
-virahī nityanirūḍhamaugdhyakārśyaḥ || 7 ||
aviśaṅkitadōṣagandhavārtāṁ
viśadāśēṣaguṇāṁ vicitrabhūṣām |
rasapōṣaviśēṣitāṁ vidhātā
nayanaistvāṁ śravaṇairvayaṁ bhajāmaḥ || 8 ||
jananīṁ rajanīkarāvataṁsāṁ
jagatāṁ jaṅgamapārijātavallīm |
karuṇāpariṇāhinētrayātrāṁ
katicit tvāṁ hr̥dayē vahanti dhanyāḥ || 9 ||
parimaṇḍalakāntibhāranamrāṁ
trijaganmaṅgaladīrghadīpalēśām | (dīpalēkhām)
sukr̥tāṁ rasanāñcalē jvalantīṁ
bhavatīṁ cētasi bhāvayanti dhanyāḥ || 10 ||
bhavatīmavatīrya cittavīthyāṁ
viharantīṁ vividhairvibhūtibhāraiḥ |
bhuvanādbhutavibhramābhirāmāṁ
pulakaiḥ kairapi pūjayanti dhanyāḥ || 11 ||
patatā hr̥di harṣabāṣpamūrtyā
payasā tvāmabhiṣicya kō:’pi hr̥dyām |
pulakāṅkurabhūṣitāṁ vidhattē
sphuṭamātmīyatanūmivārdracētāḥ || 12 ||
madhurasmitadhautaviśvavidyā-
-vibhavōdgārimukhēndusampadaṁ tvām |
paribhāvayatāṁ paraṁ munīnāṁ
nikhilācāryapadāni nirvahantē || 13 ||
kamalēti bhujāntarē murārē-
-rgirikanyēti śivasya vāmapārśvē |
parirājasi bhāratīti dhātu-
-rvadanāmbhōjacatuṣpathē tvamēkā || 14 ||
caturēṣu caturṣu vaktracandrē-
-ṣvadhivāsaṁ bhavatī vidhērvidhattām |
vadanē punaramba mādr̥śānāṁ
kimidaṁ nr̥tyasi nanviyaṁ kr̥pā tē || 15 ||
bhavatīṁ bhavatīvravēdanārtāḥ
paramānandapayōdhivīcimālām |
vacasāmadhidēvatē vayaṁ tē
manasā maṅkṣu vigāhya dhanyadhanyāḥ || 16 ||
jagatāmadhipatni niḥsapatnaṁ
tvayi cittaṁ mama magnamastu mātaḥ |
padayōrdvayamadvayaṁ padaṁ vā
tava jānannapi nāma dhanyadhanyāḥ || 17 ||
nikhilāgamanirvivādagītaṁ
sahajānandataraṅgadanturaṁ tē |
manasaḥ kuharē vayaṁ padaṁ tē
gaganōllaṅghi kathaṁ kathaṁ vahāmaḥ || 18 ||
svarasapratibhāsuraṁ padaṁ yat
sukhasāmrājyamanargalaprasāram |
akhilādbhutamujjhitōpamānaṁ
tadahō nanvasi dhīradhīvilēhyam || 19 ||
atilaṅghitakālabhēdavādaṁ
galitāśēṣadiśāvibhāgagandham |
niravagrahaniścayaprakāśa-
-sphuṭamādhuryamasi tvamamba tattvam || 20 ||
sakalavyavahāradūradūraṁ
sarasaṁ kiñcidakiñcanōpabhōgyam |
hr̥dayaṁ madayanmadīyamuccai-
-rhr̥ṣitaṁ hr̥dyamidaṁ padaṁ nanu tvam || 21 ||
nijayaiva kayāpi hanta kāntyā
dalitadhvāntaparamparōparāgam |
madhurimṇi paraṁ mahimni cōccai-
-rviśadaṁ dhāma viśr̥ṅkhalaṁ khalu tvam || 22 ||
apavargapadāspadaṁ padaṁ ya-
-dyapavargaḥ paśupāśabandhanānām |
apatat tava rūpamadvitīya-
-kṣamamālakṣayatāṁ satāṁ kila tvam || 23 ||
sahajā tava kāpi rūpasampa-
-dvacasāṁ vartmani naiva naiva naiva |
aparā punarāttacitravēṣā
bhuvanaṁ puṣyati bhūmikāvibhūtiḥ || 24 ||
athavā kathayēma taṁ bhavatyā
mahimānaṁ mahatō:’pi bhō mahatyāḥ |
api vāṅmanasādhvani dhvanantīṁ
kathayēt kaḥ khalu cintayēcca tāṁ tvām || 25 ||
na tadasti vināpi yat tvayā syā-
-ccidacidbhyāṁ pravibhāgabhāñji viśvē |
tadahō mahimādbhutaṁ tavēdaṁ
paramasmāt punaramba yāsi sāsīḥ || 26 ||
tadalaṁ padalaṅghini tvadīyē
mukharībhūya muhurvibhūtipūrē |
api vā vinayōktibhiḥ kr̥taṁ tē
śiśusaṁlāpavaśō hi mātr̥vargaḥ || 27 ||
jaya dēvi guṇatrayaikavēṣē
jaya hē dēvi guṇatrayaikabhūṣē |
jaya dēvi tamaḥpravēśadūrē
jaya hē dēvi nijaprakāśadhārē || 28 ||
iti tē stutimauktikādbhutaśrīḥ
svayamagranthata hanta sannidhānāt |
tadiyaṁ tava dēvi kaṇṭhabhūṣā-
-padavīṁ prāpya kr̥tārthatāṁ prayātu || 29 ||
śrīkr̥ṣṇalīlāśukavāksubhikṣaṁ
nakṣatramālēyamabhūtapūrvā |
kr̥ṣṇasya dēvasya giraśca dēvyāḥ
kalāñcalē varṣatu harṣadhārāḥ || 30 ||
iti kr̥ṣṇakēliśukavāṅmayīmimāṁ
matimān janaḥ paricinōtu jihvayā |
urucētasā śravaṇamaṇḍalēna vā
tritayēna vā tribhuvanādbhutāṁ sudhām || 31 ||
iti śrīlīlāśukamuni viracitā śrī sarasvatī nakṣatramālā stavaḥ ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.