Read in తెలుగు / ಕನ್ನಡ / தமிழ் / देवनागरी / English (IAST)
śrīnārada uvāca |
navīnanīradaśyāmaṁ nīlēndīvaralōcanam |
vallavīnandanaṁ vandē kr̥ṣṇaṁ gōpālarūpiṇam || 1 ||
sphuradbarhidalōdbaddhanīlakuñcitamūrdhajam |
kadambakusumōdbaddhavanamālāvibhūṣitam || 2 ||
gaṇḍamaṇḍalasaṁsargicalatkāñcanakuṇḍalam |
sthūlamuktāphalōdārahārōdyōtitavakṣasam || 3 ||
hēmāṅgadatulākōṭikirīṭōjjvalavigraham |
mandamārutasaṅkṣōbhavalgitāmbarasañcayam || 4 ||
rucirauṣṭhapuṭanyastavaṁśīmadhuraniḥsvanaiḥ |
lasadgōpālikācētō mōhayantaṁ muhurmuhuḥ || 5 ||
vallavīvadanāmbhōjamadhupānamadhuvratam |
kṣōbhayantaṁ manastāsāṁ sasmarāpāṅgavīkṣaṇaiḥ || 6 ||
yauvanōdbhinnadēhābhiḥ saṁsaktābhiḥ parasparam |
vicitrāmbarabhūṣābhirgōpanārībhirāvr̥tam || 7 ||
prabhinnāñjanakālindīdalakēlikalōtsukam |
yōdhayantaṁ kvacidgōpān vyāharantaṁ gavāṁ gaṇam || 8 ||
kālindījalasaṁsargiśītalānilasēvitē |
kadambapādapacchāyē sthitaṁ vr̥ndāvanē kvacit || 9 ||
ratnabhūdharasaṁlagnaratnāsanaparigraham |
kalpapādapamadhyasthahēmamaṇḍapikāgatam || 10 ||
vasantakusumāmōdasurabhīkr̥tadiṅmukhē |
gōvardhanagirau ramyē sthitaṁ rāsarasōtsukam || 11 ||
savyahastatalanyastagirivaryātapatrakam |
khaṇḍitākhaṇḍalōnmuktāmuktāsāraghanāghanam || 12 ||
vēṇuvādyamahōllāsakr̥tahuṅkāraniḥsvanaiḥ |
savatsairunmukhaiḥ śaśvadgōkulairabhivīkṣitam || 13 ||
kr̥ṣṇamēvānugāyadbhistaccēṣṭāvaśavartibhiḥ |
daṇḍapāśōddhr̥takarairgōpālairupaśōbhitam || 14 ||
nāradādyairmuniśrēṣṭhairvēdavēdāṅgapāragaiḥ |
prītisusnigdhayā vācā stūyamānaṁ parātparam || 15 ||
ya ēvaṁ cintayēddēvaṁ bhaktyā saṁstauti mānavaḥ |
trisandhyaṁ tasya tuṣṭō:’sau dadāti varamīpsitam || 16 ||
rājavallabhatāmēti bhavētsarvajanapriyaḥ |
acalāṁ śriyamāpnōti sa vāgmī jāyatē dhruvam || 17 ||
iti śrīnāradapañcarātrē jñānāmr̥tasārē śrī gōpāla stōtram ||
See more śrī kr̥ṣṇa stōtrāṇi for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.