Read in తెలుగు / ಕನ್ನಡ / தமிழ் / देवनागरी / English (IAST)
pārvatyuvāca |
namastē:’stu trayīnātha paramānandakāraka |
kavacaṁ dakṣiṇāmūrtēḥ kr̥payā vada mē prabhō || 1 ||
īśvara uvāca |
vakṣyē:’haṁ dēvadēvēśi dakṣiṇāmūrtiravyayam |
kavacaṁ sarvapāpaghnaṁ vēdāntajñānagōcaram || 2 ||
aṇimādi mahāsiddhividhānacaturaṁ śubham |
vēdaśāstrapurāṇāni kavitā tarka ēva ca || 3 ||
bahudhā dēvi jāyantē kavacasya prabhāvataḥ |
r̥ṣirbrahmā samuddiṣṭaśchandō:’nuṣṭubudāhr̥tam || 4 ||
dēvatā dakṣiṇāmūrtiḥ paramātmā sadāśivaḥ |
bījaṁ vēdādikaṁ caiva svāhā śaktirudāhr̥tā |
sarvajñatvē:’pi dēvēśi viniyōgaṁ pracakṣatē || 5 ||
dhyānam –
advandvanētramamalēndukalāvataṁsaṁ
haṁsāvalambita samāna jaṭākalāpam |
ānīlakaṇṭhamupakaṇṭhamunipravīrān
adhyāpayantamavalōkaya lōkanātham ||
kavacam –
ōm | śirō mē dakṣiṇāmūrtiravyāt phālaṁ mahēśvaraḥ |
dr̥śau pātu mahādēvaḥ śravaṇē candraśēkharaḥ || 1 ||
kapōlau pātu mē rudrō nāsāṁ pātu jagadguruḥ |
mukhaṁ gaurīpatiḥ pātu rasanāṁ vēdarūpadhr̥t || 2 ||
daśanāṁ tripuradhvaṁsī cōṣṭhaṁ pannagabhūṣaṇaḥ |
adharaṁ pātu viśvātmā hanū pātu jaganmayaḥ || 3 ||
cubukaṁ dēvadēvastu pātu kaṇṭhaṁ jaṭādharaḥ |
skandhau mē pātu śuddhātmā karau pātu yamāntakaḥ || 4 ||
kucāgraṁ karamadhyaṁ ca nakharān śaṅkaraḥ svayam |
hr̥nmē paśupatiḥ pātu pārśvē paramapūruṣaḥ || 5 ||
madhyamaṁ pātu śarvō mē nābhiṁ nārāyaṇapriyaḥ |
kaṭiṁ pātu jagadbhartā sakthinī kṣca mr̥ḍaḥ svayam || 6 ||
kr̥ttivāsāḥ svayaṁ guhyāmūrū pātu pinākadhr̥t |
jānunī tryambakaḥ pātu jaṅghē pātu sadāśivaḥ || 7 ||
smarāriḥ pātu mē pādau pātu sarvāṅgamīśvaraḥ |
itīdaṁ kavacaṁ dēvi paramānandadāyakam || 8 ||
jñānavāgarthadaṁ vīryamaṇimādivibhūtidam |
āyurārōgyamaiśvaryamapamr̥tyubhayāpaham || 9 ||
prātaḥ kālē śucirbhūtvā trivāraṁ sarvadā japēt |
nityaṁ pūjāsamāyuktaḥ saṁvatsaramatandritaḥ || 10 ||
japēt trisandhyaṁ yō vidvān vēdaśāstrārthapāragaḥ |
gadyapadyaistathā cāpi nāṭakāḥ svayamēva hi |
nirgacchanti mukhāmbhōjātsatyamētanna saṁśayaḥ || 11 ||
iti rudrayāmalē umāmahēśvarasaṁvādē śrī dakṣiṇāmūrti kavacam ||
See more śrī śiva stotras for chanting. See more śrī dakṣiṇāmūrti stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.