Read in తెలుగు / ಕನ್ನಡ / தமிழ் / देवनागरी / English (IAST)
kailāsācalamadhyagaṁ puraharaṁ śāntaṁ trinetraṁ śivaṁ
vāmasthā girijā praṇamya kavacaṁ bhūtipradaṁ pṛcchati |
devī śrībagalāmukhī ripukulāraṇyāgnirūpā ca yā
tasyāḥ śāpavimukta mantrasahitaṁ prītyā’dhunā brūhi mām || 1 ||
śrīśaṅkara uvāca |
devī śrībhavavallabhe śṛṇu mahāmantraṁ vibhūtipradaṁ
devyā varmayutaṁ samastasukhadaṁ sāmrājyadaṁ muktidam |
tāraṁ rudravadhū viriñcimahilā viṣṇupriyā kāmayuk
kānte śrībagalānane mama ripūn nāśāya yugmaṁ tviti || 2 ||
aiśvaryāṇi padaṁ ca dehi yugalaṁ śīghraṁ manovāñchitaṁ
kāryaṁ sādhaya yugmayukchivavadhū vahnipriyānto manuḥ |
kaṁsārestanayaṁ ca bījamaparā śaktiśca vāṇī tathā
kīlaṁ śrīmiti bhairavarṣisahitaṁ chando virāṭ samyutam || 3 ||
sveṣṭārthasya parasya vetti nitarāṁ kāryasya samprāptaye
nānā’sādhyamahāgadasya niyataṁ nāśāya vīryāptaye |
dhyātvā śrībagalānanāṁ manuvaraṁ japtvā sahasrākhyakaṁ
dīrghaiḥ ṣaṭkayutaiśca rudramahilābījairvinyasyāṅgake || 4 ||
dhyānam –
sauvarṇāsanasaṁsthitāṁ trinayanāṁ pītāṁśukolāsinīṁ
hemābhāṅgaruciṁ śaśāṅkamukuṭāṁ srakcampakasragyutām |
hastairmudgarapāśabaddharasanāṁ sambibhratīṁ bhūṣaṇai-
-rvyāptāṅgīṁ bagalāmukhīṁ trijagatāṁ saṁstambhinīṁ cintayet || 5 ||
viniyogaḥ –
asya śrībagalāmukhī brahmāstramantra kavacasya bhairava ṛṣiḥ virāṭ chandaḥ śrībagalāmukhī devatā klīṁ bījaṁ aiṁ śaktiḥ śrīṁ kīlakaṁ mama parasya ca manobhilaṣiteṣṭakāryasiddhaye viniyogaḥ |
ṛṣyādinyāsaḥ –
bhairava ṛṣaye namaḥ śirasi |
virāṭ chandase namaḥ mukhe |
śrībagalāmukhī devatāyai namaḥ hṛdi |
klīṁ bījāya namaḥ guhye |
aiṁ śaktaye namaḥ pādayoḥ |
śrīṁ kīlakāya namaḥ sarvāṅge |
karanyāsaḥ –
oṁ hrāṁ aṅguṣṭhābhyāṁ namaḥ |
oṁ hrīṁ tarjanībhyāṁ namaḥ |
oṁ hrūṁ madhyamābhyāṁ namaḥ |
oṁ hraiṁ anāmikābhyāṁ namaḥ |
oṁ hrauṁ kaniṣṭhikābhyāṁ namaḥ |
oṁ hraḥ karatalakarapṛṣṭhābhyāṁ namaḥ |
aṅganyāsaḥ –
oṁ hrāṁ hṛdayāya namaḥ |
oṁ hrīṁ śirase svāhā |
oṁ hrūṁ śikhāyai vaṣaṭ |
oṁ hraiṁ kavacāya hum |
oṁ hrauṁ netratrayāya vauṣaṭ |
oṁ hraḥ astrāya phaṭ |
mantroddhāraḥ –
oṁ hrīṁ aiṁ śrīṁ klīṁ śrībagalānane mama ripūn nāśaya nāśaya mamaiśvaryāṇi dehi dehi śīghraṁ manovāñchitakāryaṁ sādhaya sādhaya hrīṁ svāhā |
kavacam –
śiro me pātu oṁ hrīṁ aiṁ śrīṁ klīṁ pātu lalāṭakam |
sambodhanapadaṁ pātu netre śrībagalānane || 1 ||
śrutau mama ripūn pātu nāsikāṁ nāśayadvayam |
pātu gaṇḍau sadā māmaiśvaryāṇyantaṁ tu mastakam || 2 ||
dehi dvandvaṁ sadā jihvāṁ pātu śīghraṁ vaco mama |
kaṇṭhadeśaṁ manaḥ pātu vāñchitaṁ bāhumūlakam || 3 ||
kāryaṁ sādhayadvandvaṁ tu karau pātu sadā mama |
māyāyuktā tathā svāhā hṛdayaṁ pātu sarvadā || 4 ||
aṣṭādhikacatvāriṁśadvarṇāḍhyā bagalāmukhī |
rakṣāṁ karotu sarvatra gṛhe’raṇye sadā mama || 5 ||
brahmāstrākhyo manuḥ pātu sarvāṅge sarvasandhiṣu |
mantrarājaḥ sadā rakṣāṁ karotu mama sarvadā || 6 ||
oṁ hrīṁ pātu nābhideśaṁ kaṭiṁ me bagalā’vatu | [hlīṁ]
mukhivarṇadvayaṁ pātu liṅgaṁ me muṣkayugmakam || 7 ||
jānunī sarvaduṣṭānāṁ pātu me varṇapañcakam |
vācaṁ mukhaṁ tathā padaṁ ṣaḍvarṇāḥ parameśvarī || 8 ||
jaṅghāyugme sadā pātu bagalā ripumohinī |
stambhayeti padaṁ pṛṣṭhaṁ pātu varṇatrayaṁ mama || 9 ||
jihvāṁ varṇadvayaṁ pātu gulphau me kīlayeti ca |
pādordhvaṁ sarvadā pātu buddhiṁ pādatale mama || 10 ||
vināśayapadaṁ pātu pādāṅgulyornakhāni me |
hrīṁ bījaṁ sarvadā pātu buddhīndriyavacāṁsi me || 11 ||
sarvāṅgaṁ praṇavaḥ pātu svāhā romāṇi me’vatu |
brāhmī pūrvadale pātu cāgneyāṁ viṣṇuvallabhā || 12 ||
māheśī dakṣiṇe pātu cāmuṇḍā rākṣase’vatu |
kaumārī paścime pātu vāyavye cāparājitā || 13 ||
vārāhī cottare pātu nārasiṁhī śive’vatu |
ūrdhvaṁ pātu mahālakṣmīḥ pātāle śāradā’vatu || 14 ||
ityaṣṭau śaktayaḥ pāntu sāyudhāśca savāhanāḥ |
rājadvāre mahādurge pātu māṁ gaṇanāyakaḥ || 15 ||
śmaśāne jalamadhye ca bhairavaśca sadā’vatu |
dvibhujā raktavasanāḥ sarvābharaṇabhūṣitāḥ |
yoginyaḥ sarvadā pāntu mahāraṇye sadā mama || 16 ||
iti te kathitaṁ devi kavacaṁ paramādbhutam |
śrīviśvavijayaṁ nāma kīrtiśrīvijayapradam || 17 ||
aputro labhate putraṁ dhīraṁ śūraṁ śatāyuṣam |
nirdhano dhanamāpnoti kavacasyāsya pāṭhataḥ || 18 ||
japitvā mantrarājaṁ tu dhyātvā śrībagalāmukhīm |
paṭhedidaṁ hi kavacaṁ niśāyāṁ niyamāt tu yaḥ || 19 ||
yadyatkāmayate kāmaṁ sādhyāsādhye mahītale |
tattatkāmamavāpnoti saptarātreṇa śaṅkarī || 20 ||
guruṁ dhyātvā surāṁ pītvā rātrau śaktisamanvitaḥ |
kavacaṁ yaḥ paṭheddevi tasyā’sādhyaṁ na kiñcana || 21 ||
yaṁ dhyātvā prajapenmantraṁ sahasraṁ kavacaṁ paṭhet |
trirātreṇa vaśaṁ yāti mṛtyuṁ taṁ nātra saṁśayaḥ || 22 ||
likhitvā pratimāṁ śatroḥ satālena haridrayā |
likhitvā hyadi taṁ nāma taṁ dhyātvā prajapenmanum || 23 ||
ekaviṁśaddinaṁ yāvat pratyahaṁ ca sahasrakam |
japtvā paṭhet tu kavacaṁ caturviṁśativārakam || 24 ||
saṁstambhaṁ jāyate śatrornātra kāryā vicāraṇā |
vivāde vijayaṁ tasya saṅgrāme jayamāpnuyāt || 25 ||
śmaśāne ca bhayaṁ nāsti kavacasya prabhāvataḥ |
navanītaṁ cābhimantrya strīṇāṁ dadyānmaheśvari || 26 ||
vandhyāyāṁ jāyate putro vidyābalasamanvitaḥ |
śmaśānāṅgāramādāya bhaume rātrau śanāvatha || 27 ||
pādodakena spṛṣṭvā ca likhellohaśalākayā |
bhūmau śatroḥ svarūpaṁ ca hṛdi nāma samālikhet || 28 ||
hastaṁ taddhṛdaye datvā kavacaṁ tithivārakam |
dhyātvā japenmantrarājaṁ navarātraṁ prayatnataḥ || 29 ||
mriyate jvaradāhena daśame’hni na saṁśayaḥ |
bhūrjapatreṣvidaṁ stotramaṣṭagandhena saṁlikhet || 30 ||
dhārayeddakṣiṇe bāhau nārī vāmabhuje tathā |
saṅgrāme jayamāpnoti nārī putravatī bhavet || 31 ||
brahmāstrādīni śastrāṇi naiva kṛntati taṁ janam |
sampūjya kavacaṁ nityaṁ pūjāyāḥ phalamālabhet || 32 ||
bṛhaspatisamo vāpi vibhave dhanadopamaḥ |
kāmatulyaśca nārīṇāṁ śatrūṇāṁ ca yamopamaḥ || 33 ||
kavitālaharī tasya bhavedgaṅgāpravāhavat |
gadyapadyamayī vāṇī bhaveddevīprasādataḥ || 34 ||
ekādaśaśataṁ yāvat puraścaraṇamucyate |
puraścaryāvihīnaṁ tu na cedaṁ phaladāyakam || 35 ||
na deyaṁ paraśiṣyebhyo duṣṭebhyaśca viśeṣataḥ |
deyaṁ śiṣyāya bhaktāya pañcatvaṁ cānyathāpnuyāt || 36 ||
idaṁ kavacamajñātvā bhajedyo bagalāmukhīm |
śatakoṭiṁ japitvā tu tasya siddhirna jāyate || 37 ||
dārāḍhyo manujo’sya lakṣajapataḥ prāpnoti siddhiṁ parāṁ
vidyāṁ śrīvijayaṁ tathā suniyataṁ dhīraṁ ca vīraṁ varam |
brahmāstrākhyamanuṁ vilikhya nitarāṁ bhūrje’ṣṭagandhena vai
dhṛtvā rājapuraṁ vrajanti khalu ye dāso’sti teṣāṁ nṛpaḥ || 38 ||
iti viśvasāroddhāratantre pārvatīśvarasaṁvāde viśvavijayaṁ nāma śrī bagalāmukhī kavacam ||
See more śrī bagalāmukhī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.