Read in తెలుగు / ಕನ್ನಡ / தமிழ் / देवनागरी / English (IAST)
saurāṣṭradēśē viśadētiramyē
jyōtirmayaṁ candrakalāvataṁsam |
bhaktapradānāya kr̥pāvatīrṇaṁ
taṁ sōmanāthaṁ śaraṇaṁ prapadyē || 1 ||
śrīśailaśr̥ṅgē vividhaprasaṅgē
śēṣādriśr̥ṅgē:’pi sadā vasantam |
tamarjunaṁ mallikapūrvamēnaṁ
namāmi saṁsārasamudrasētum || 2 ||
avantikāyāṁ vihitāvatāraṁ
muktipradānāya ca sajjanānām |
akālamr̥tyōḥ parirakṣaṇārthaṁ
vandē mahākālamahāsurēśam || 3 ||
kāvērikānarmadayōḥ pavitrē
samāgamē sajjanatāraṇāya |
sadaiva māndhātr̥purē vasantaṁ
ōṅkāramīśaṁ śivamēkamīḍē || 4 ||
pūrvōttarē prajvalikānidhānē
sadā vasantaṁ girijāsamētam |
surāsurārādhitapādapadmaṁ
śrīvaidyanāthaṁ tamahaṁ namāmi || 5 ||
yāmyē sadaṅgē nagarē:’tiramyē
vibhūṣitāṅgaṁ vividhaiśca bhōgaiḥ |
sadbhaktimuktipradamīśamēkaṁ
śrīnāganāthaṁ śaraṇaṁ prapadyē || 6 ||
mahādripārśvē ca taṭē ramantaṁ
sampūjyamānaṁ satataṁ munīndraiḥ |
surāsurairyakṣamahōragādyaiḥ
kēdāramīśaṁ śivamēkamīḍē || 7 ||
sahyādriśīrṣē vimalē vasantaṁ
gōdāvarītīrapavitradēśē |
yaddarśanātpātakamāśu nāśaṁ
prayāti taṁ tryambakamīśamīḍē || 8 ||
sutāmraparṇījalarāśiyōgē
nibadhya sētuṁ viśikhairasaṅkhyaiḥ |
śrīrāmacandrēṇa samarpitaṁ taṁ
rāmēśvarākhyaṁ niyataṁ namāmi || 9 ||
yaṁ ḍākinīśākinīkāsamājē
niṣēvyamāṇaṁ piśitāśanaiśca |
sadaiva bhīmādipadaprasiddhaṁ
taṁ śaṅkaraṁ bhaktahitaṁ namāmi || 10 ||
sānandamānandavanē vasanta-
-mānandakandaṁ hatapāpabr̥ndam |
vārāṇasīnāthamanāthanāthaṁ
śrīviśvanāthaṁ śaraṇaṁ prapadyē || 11 ||
ilāpurē ramyaviśālakē:’smin
samullasantaṁ ca jagadvarēṇyam |
vandē mahōdāratarasvabhāvaṁ
ghr̥ṣṇēśvarākhyaṁ śaraṇaṁ prapadyē || 12 ||
jyōtirmayadvādaśaliṅgakānāṁ
śivātmanāṁ prōktamidaṁ kramēṇa |
stōtraṁ paṭhitvā manujō:’tibhaktyā
phalaṁ tadālōkya nijaṁ bhajēcca || 13 ||
iti dvādaśa jyōtirliṅga stōtram ||
See more śrī śiva stotras for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.