Read in తెలుగు / ಕನ್ನಡ / தமிழ் / देवनागरी / English (IAST)
|| pitr̥diṣṭāntaśravaṇam ||
rāmasya vacanaṁ śrutvā bharataḥ pratyuvāca ha |
kiṁ mē dharmādvihīnasya rājadharmaḥ kariṣyati || 1 ||
śāśvatō:’yaṁ sadā dharmaḥ sthitō:’smāsu nararṣabha |
jyēṣṭhaputrē sthitē rājanna kanīyān nr̥pō bhavēt || 2 ||
sa samr̥ddhāṁ mayā sārdhamayōdhyāṁ gaccha rāghava |
abhiṣēcaya cātmānaṁ kulasyāsya bhavāya naḥ || 3 ||
rājānaṁ mānuṣaṁ prāhurdēvatvē sa matō mama |
yasya dharmārthasahitaṁ vr̥ttamāhuramānuṣam || 4 ||
kēkayasthē ca mayi tu tvayi cāraṇyamāśritē |
divamāryō gatō rājā yāyajūkaḥ satāṁ mataḥ || 5 ||
niṣkrāntamātrē bhavati sahasītē salakṣmaṇē |
duḥkhaśōkābhibhūtastu rājā tridivamabhyagāt || 6 ||
uttiṣṭha puruṣavyāghra kriyatāmudakaṁ pituḥ |
ahaṁ cāyaṁ ca śatrughnaḥ pūrvamēva kr̥tōdakau || 7 ||
priyēṇa khalu dattaṁ hi pitr̥lōkēṣu rāghava |
akṣayyaṁ bhavatītyāhurbhavāṁścaiva pituḥ priyaḥ || 8 ||
tvāmēva śōcaṁstava darśanēpsuḥ
tvayyēva saktāmanivartya buddhim |
tvayā vihīnastava śōkarugṇaḥ
tvāṁ saṁsmarannastamitaḥ pitā tē || 9 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē ēkādhikaśatatamaḥ sargaḥ || 101 ||
ayōdhyākāṇḍa dvyadhikaśatatamaḥ sargaḥ (102) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.