Read in తెలుగు / ಕನ್ನಡ / தமிழ் / देवनागरी / English (IAST)
విక్రమపాండ్య ఉవాచ-
కల్యాణాచలకోదండకాంతదోర్దండమండితమ్ |
కబళీకృతసంసారం కలయేఽట్టాలసుందరమ్ || ౧ ||
కాలకూటప్రభాజాలకళంకీకృతకంధరమ్ |
కలాధరం కలామౌళిం కలయేఽట్టాలసుందరమ్ || ౨ ||
కాలకాలం కళాతీతం కలావంతం చ నిష్కళమ్ |
కమలాపతిసంస్తుత్యం కలయేఽట్టాలసుందరమ్ || ౩ ||
కాంతార్ధం కమనీయాంగం కరుణామృతసాగరమ్ |
కలికల్మషదోషఘ్నం కలయేఽట్టాలసుందరమ్ || ౪ ||
కదంబకాననాధీశం కాంక్షితార్థసురద్రుమమ్ |
కామశాసనమీశానం కలయేఽట్టాలసుందరమ్ || ౫ ||
సృష్టాని మాయయా యేన బ్రహ్మాండాని బహూని చ |
రక్షితాని హతాన్యంతే కలయేఽట్టాలసుందరమ్ || ౬ ||
స్వభక్తజనసంతాపపాపాపద్భంగతత్పరమ్ |
కారణం సర్వజగతాం కలయేఽట్టాలసుందరమ్ || ౭ ||
కులశేఖరవంశోత్థభూపానాం కులదైవతమ్ |
పరిపూర్ణం చిదానందం కలయేఽట్టాలసుందరమ్ || ౮ ||
అట్టాలవీరశ్రీశంభోరష్టకం వరమిష్టదమ్ |
పఠతాం శృణ్వతాం సద్యస్తనోతు పరమాం శ్రియమ్ || ౯ ||
ఇతి శ్రీహాలాస్యమాహాత్మ్యే విక్రమపాండ్యకృతం అట్టాలసుందరాష్టకమ్ |
మరిన్ని శ్రీ శివ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.