Sri Vishnu Vijaya Stotram – ஶ்ரீ விஷ்ணு விஜய ஸ்தோத்ரம்

Read in తెలుగు / ಕನ್ನಡ / தமிழ் / देवनागरी / English (IAST)

தே³வா ஊசு꞉ ।
நதா꞉ ஸ்ம விஷ்ணும் ஜக³தா³தி³பூ⁴தம்
ஸுராஸுரேந்த்³ரம் ஜக³தாம் ப்ரபாலகம் ।
யந்நாபி⁴பத்³மாத் கில பத்³மயோநி-
-ர்ப³பூ⁴வ தம் வை ஶரணம் க³தா꞉ ஸ்ம꞉ ॥ 1 ॥

நமோ நமோ மத்ஸ்யவபுர்த⁴ராய
நமோ(அ)ஸ்து தே கச்ச²பரூபதா⁴ரிணே ।
நம꞉ ப்ரகுர்மஶ்ச ந்ருஸிம்ஹரூபிணே
ததா² புநர்வாமநரூபிணே நம꞉ ॥ 2 ॥

நமோ(அ)ஸ்து தே க்ஷத்ரவிநாஶநாய
ராமாய ராமாய த³ஶாஸ்யநாஶிநே ।
ப்ரளம்ப³ஹந்த்ரே ஶிதிவாஸஸே நமோ
நமோ(அ)ஸ்து பு³த்³தா⁴ய ச தை³த்யமோஹிநே ॥ 3 ॥

ம்லேச்சா²ந்தகாயாபி ச கல்கிநாம்நே
நம꞉ புந꞉ க்ரோட³வபுர்த⁴ராய ।
ஜக³த்³தி⁴தார்த²ம் ச யுகே³ யுகே³ ப⁴வாந்
பி³ப⁴ர்தி ரூபம் த்வஸுராப⁴வாய ॥ 4 ॥

நிஷூதி³தோ(அ)யம் ஹ்யது⁴நா கில த்வயா
தை³த்யோ ஹிரண்யாக்ஷ இதி ப்ரக³ள்ப⁴꞉ ।
யஶ்சேந்த்³ரமுக்²யாந் கில லோகபாலாந்
ஸம்ஹேலயா சைவ திரஶ்சகார ॥ 5 ॥

ஸ வை த்வயா தே³வஹிதார்த²மேவ
நிபாதிதோ தே³வவர ப்ரஸீத³ ।
த்வமஸ்ய விஶ்வஸ்ய விஸர்க³கர்தா
ப்³ராஹ்மேண ரூபேண ச தே³வதே³வ ॥ 6 ॥

பாதா த்வமேவாஸ்ய யுகே³ யுகே³ ச
ரூபாணி த⁴த்ஸே ஸுமநோஹராணி ।
த்வமேவ காலாக்³நிஹரஶ்ச பூ⁴த்வா
விஶ்வம் க்ஷயம் நேஷ்யஸி சாந்தகாலே ॥ 7 ॥

அதோ ப⁴வாநேவ ச விஶ்வகாரணம்
ந தே பரம் ஜீவமஜீவமேவ ச ।
யத்கிஞ்ச பூ⁴தம் ச ப⁴விஷ்யரூபம்
ப்ரவர்தமாநம் ச ததை²வ ரூபம் ॥ 8 ॥

ஸர்வம் த்வமேவாஸி சராசராக்²யம்
ந பா⁴தி விஶ்வம் த்வத்³ருதே ச கிஞ்சித் ।
அஸ்தீதி நாஸ்தீதி ச பே⁴த³நிஷ்ட²ம்
த்வய்யேவ பா⁴தம் ஸத³ஸத்ஸ்வரூபம் ॥ 9 ॥

ததோ ப⁴வந்தம் கதமோ(அ)பி தே³வ
ந ஜ்ஞாதுமர்ஹத்யவிபக்வபு³த்³தி⁴꞉ ।
க்ருதே ப⁴வத்பாத³பராயணம் ஜநம்
தேநாக³தா꞉ ஸ்ம꞉ ஶரணம் ஶரண்யம் ॥ 10 ॥

வ்யாஸ உவாச ।
ததோ விஷ்ணு꞉ ப்ரஸந்நாத்மா உவாச த்ரிதி³வௌகஸ꞉ ।
துஷ்டோ(அ)ஸ்மி தே³வா ப⁴த்³ரம் வோ யுஷ்மத் ஸ்தோத்ரேண ஸாம்ப்ரதம் ॥ 11 ॥

ய இத³ம் ப்ரபடே²த்³ப⁴க்த்யா விஜயஸ்தோத்ரமாத³ராத் ।
ந தஸ்ய து³ர்லப⁴ம் தே³வாஸ்த்ரிஷு லோகேஷு கிஞ்சந ॥ 12 ॥

க³வாம் ஶதஸஹஸ்ரஸ்ய ஸம்யக்³த³த்தஸ்ய யத்ப²லம் ।
தத்ப²லம் ஸமவாப்நோதி கீர்தநஶ்ரவணாந்நர꞉ ॥ 13 ॥

ஸர்வகாமப்ரத³ம் நித்யம் தே³வதே³வஸ்ய கீர்தநம் ।
அத꞉ பரம் மஹாஜ்ஞாநம் ந பூ⁴தம் ந ப⁴விஷ்யதி ॥ 14 ॥

இதி பத்³மபுராணோக்தம் ஶ்ரீ விஷ்ணு விஜய ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.