Sri Vamana Stotram 4 (Narada Purane Kashyapa Krutam) – ஶ்ரீ வாமந ஸ்தோத்ரம் – 4 (நாரத³புராணே)

Read in తెలుగు / ಕನ್ನಡ / தமிழ் / देवनागरी / English (IAST)

கஶ்யப உவாச ।
நமோ நமஸ்தே(அ)கி²லகாரணாய
நமோ நமஸ்தே(அ)கி²லபாலகாய ।
நமோ நமஸ்தே(அ)கி²லநாயகாய
நமோ நமோ தை³த்யவிநாஶநாய ॥ 1 ॥

நமோ நமோ ப⁴க்தஜநப்ரியாய
நமோ நம꞉ ஸஜ்ஜநரஞ்ஜிதாய ।
நமோ நமோ து³ர்ஜநநாஶகாய
நமோ(அ)ஸ்து தஸ்மை ஜக³தீ³ஶ்வராய ॥ 2 ॥

நமோ நம꞉ காரணவாமநாய
நாராயணாயாமிதவிக்ரமாய ।
ஶ்ரீஶார்ங்க³சக்ராஸிக³தா³தா⁴ராய
நமோ(அ)ஸ்து தஸ்மை புருஷோத்தமாய ॥ 3 ॥

நம꞉ பயோராஶிநிவாஸநாய
நமோ(அ)ஸ்து தே ஹ்ருத்கமலாஸநாய ।
நமோ(அ)ஸ்து ஸூர்யாம்ஶுநிப⁴ப்ரபா⁴ய
நமோ நம꞉ புண்யகதா²க³தாய ॥ 4 ॥

நமோ நமோ(அ)ர்கேந்து³விளோசநாய
நமோ(அ)ஸ்து தே யஜ்ஞப²லப்ரதா³ய ।
நமோ(அ)ஸ்து யஜ்ஞாங்க³விராஜிதாய
நமோ(அ)ஸ்து தே ஸஜ்ஜநவல்லபா⁴ய ॥ 5 ॥

நமோ நம꞉ காரணகாரணாய
நமோ(அ)ஸ்து ஶப்³தா³தி³விவர்ஜிதாய ।
நமோ(அ)ஸ்து தே தி³வ்யஸுக²ப்ரதா³ய
நமோ நமோ ப⁴க்தமநோக³தாய ॥ 6 ॥

நமோ(அ)ஸ்து தஸ்மை ப்⁴ரமநாஶநாய
நமோ(அ)ஸ்து தே மந்த³ரதா⁴ரணாய ।
நமோ(அ)ஸ்து தே யஜ்ஞவராஹநாம்நே
நமோ ஹிரண்யாக்²யவிதா³ரணாய ॥ 7 ॥

நமோ(அ)ஸ்து தே வாமநரூபபா⁴ஜே
நமோ(அ)ஸ்து தே க்ஷத்த்ரகுலாந்தகாய ।
நமோ(அ)ஸ்து தே ராவணமர்த³காய
நமோ(அ)ஸ்து தே நந்த³ஸுதாக்³ரஜாய ॥ 8 ॥

நமஸ்தே கமலாகாந்த நமஸ்தே ஸுக²தா³யிநே ।
ஸ்ம்ருதார்திநாஶிநே துப்⁴யம் பூ⁴யோ பூ⁴யோ நமோ நம꞉ ॥ 9 ॥

ய இத³ம் வாமநஸ்தோத்ரம் த்ரிஸந்த்⁴யம் பட²தே நர꞉ ।
பா³லாரோக்³யார்த²ஸந்தாநை꞉ தஸ்ய நித்யோத்ஸவோ ப⁴வேத் ॥ 10 ॥

இதி ஶ்ரீநாரத³புராணே பூர்வபா⁴கே³ ஏகாத³ஶோ(அ)த்⁴யாயே கஶ்யப க்ருத ஶ்ரீ வாமந ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.