Sri Pratyangira Stotram 1 – ஶ்ரீ ப்ரத்யங்கி³ரா ஸ்தோத்ரம் – 1

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ ப்ரத்யங்கி³ரா ஸ்தோத்திரங்கள் → ஶ்ரீ ப்ரத்யங்கி³ரா ஸ்தோத்ரம் – 1

அஸ்ய ஶ்ரீ ப்ரத்யங்கி³ரா ஸ்தோத்ரஸ்ய அங்கி³ரா ருஷி꞉ அநுஷ்டுப் ச²ந்த³꞉ ஶ்ரீப்ரத்யங்கி³ரா தே³வதா ஓம் பீ³ஜம் ஹ்ரீம் ஶக்தி꞉ மமாபீ⁴ஷ்டஸித்³த்⁴யர்தே² பாடே² விநியோக³꞉ ॥

கரந்யாஸ꞉ –
ஓம் ஹ்ராம் அங்கு³ஷ்டா²ப்⁴யாம் நம꞉ ।
ஓம் ஹ்ரீம் தர்ஜநீப்⁴யாம் நம꞉ ।
ஓம் ஹ்ரூம் மத்⁴யமாப்⁴யாம் நம꞉ ।
ஓம் ஹ்ரைம் அநாமிகாப்⁴யாம் நம꞉ ।
ஓம் ஹ்ரௌம் கநிஷ்டி²காப்⁴யாம் நம꞉ ।
ஓம் ஹ்ர꞉ கரதலகரப்ருஷ்டா²ப்⁴யாம் நம꞉ ।

ஹ்ருத³யாதி³ந்யாஸ꞉ –
ஓம் ஹ்ராம் ஹ்ருத³யாய நம꞉ ।
ஓம் ஹ்ரீம் ஶிரஸே ஸ்வாஹா ।
ஓம் ஹ்ரூம் ஶிகா²யை வஷட் ।
ஓம் ஹ்ரைம் கவசாய ஹும் ।
ஓம் ஹ்ரௌம் நேத்ரத்ரயாய வௌஷட் ।
ஓம் ஹ்ர꞉ அஸ்த்ராய ப²ட் ।

த்⁴யாநம் –
க்ருஷ்ணரூபாம் ப்³ருஹத்³ரூபாம் ரக்தகுஞ்சிதமூர்த⁴ஜாம் ।
ஶிர꞉ கபாலமாலாம் ச விகேஶீம் கூ⁴ர்ணிதாநநாம் ॥ 1 ॥

ரக்தநேத்ராமதிக்ருத்³தா⁴ம் லம்ப³ஜிஹ்வாமதோ⁴முகீ²ம் ।
த³ம்ஷ்ட்ராகராளவத³நாம் நேத்ரப்⁴ருகுடிலேக்ஷணாம் ॥ 2 ॥

ஊர்த்⁴வத³க்ஷிணஹஸ்தேந பி³ப்⁴ரதீம் ச பரஷ்யத⁴ம் ।
அதோ⁴த³க்ஷிணஹஸ்தேந பி³ப்⁴ராணாம் ஶூலமத்³பு⁴தம் ॥ 3 ॥

ததோர்த்⁴வவாமஹஸ்தேந தா⁴ரயந்தீம் மஹாங்குஶாம் ।
அதோ⁴வாமகரேணாத² பி³ப்⁴ராணாம் பாஶமேவ ச ॥ 4 ॥

ஏவம் த்⁴யாத்வா மஹாக்ருத்யாம் ஸ்தோத்ரமேதது³தீ³ரயேத் ॥ 5 ॥

ஈஶ்வர உவாச ।
நம꞉ ப்ரத்யங்கி³ரே தே³வி ப்ரதிகூலவிதா⁴யிநி ।
நம꞉ ஸர்வக³தே ஶாந்தே பரசக்ரவிமர்தி³நீ ॥ 6 ॥

நமோ ஜக³த்ரயாதா⁴ரே பரமந்த்ரவிதா³ரிணீ ।
நமஸ்தே சண்டி³கே சண்டீ³ மஹாமஹிஷவாஹிநீ ॥ 7 ॥

நமோ ப்³ரஹ்மாணி தே³வேஶி ரக்தபீ³ஜநிபாதிநீ ।
நம꞉ கௌமாரிகே குண்டீ² பரத³ர்பநிஷூதி³நீ ॥ 8 ॥

நமோ வாராஹி சைந்த்³ராணி பரே நிர்வாணதா³யிநீ ।
நமஸ்தே தே³வி சாமுண்டே³ சண்ட³முண்ட³விதா³ரிணீ ॥ 9 ॥

நமோ மாதர்மஹாலக்ஷ்மீ ஸம்ஸாரார்ணவதாரிணீ ।
நிஶும்ப⁴தை³த்யஸம்ஹாரி காலாந்தகி நமோ(அ)ஸ்து தே ॥ 10 ॥

ஓம் க்ருஷ்ணாம்ப³ர ஶோபி⁴தே ஸகல ஸேவக ஜநோபத்³ரவகாரக து³ஷ்டக்³ரஹ ராஜக⁴ண்டா ஸம்ஹட்ட ஹாரிஹி காலாந்தகி நமோ(அ)ஸ்து தே ॥ 11 ॥

து³ர்கே³ ஸஹஸ்ரவத³நே அஷ்டாத³ஶபு⁴ஜலதாபூ⁴ஷிதே மஹாப³லபராக்ரமே அத்³பு⁴தே அபராஜிதே தே³வி ப்ரத்யங்கி³ரே ஸர்வார்திஶாயிநி பரகர்ம வித்⁴வம்ஸிநி பரயந்த்ர மந்த்ர தந்த்ர சூர்ணாதி³ ப்ரயோக³க்ருத வஶீகரண ஸ்தம்ப⁴ந ஜ்ரும்ப⁴ணாதி³ தோ³ஷாஞ்சயாச்சா²தி³நி ஸர்வஶத்ரூச்சாடிநி மாரிணி மோஹிநி வஶீகரணி ஸ்தம்பி⁴நி ஜ்ரும்பி⁴ணி ஆகர்ஷிணி ஸர்வதே³வக்³ரஹ யோக³க்³ரஹ யோகி³நிக்³ரஹ தா³நவக்³ரஹ தை³த்யக்³ரஹ ராக்ஷஸக்³ரஹ ஸித்³த⁴க்³ரஹ யக்ஷக்³ரஹ கு³ஹ்யகக்³ரஹ வித்³யாத⁴ரக்³ரஹ கிந்நரக்³ரஹ க³ந்த⁴ர்வக்³ரஹ அப்ஸராக்³ரஹ பூ⁴தக்³ரஹ ப்ரேதக்³ரஹ பிஶாசக்³ரஹ கூஷ்மாண்ட³க்³ரஹ க³ஜாதி³கக்³ரஹ மாத்ருக்³ரஹ பித்ருக்³ரஹ வேதாலக்³ரஹ ராஜக்³ரஹ சௌரக்³ரஹ கோ³த்ரக்³ரஹ அஶ்வதே³வதாக்³ரஹ கோ³த்ரதே³வதாக்³ரஹ ஆதி⁴க்³ரஹ வ்யாதி⁴க்³ரஹ அபஸ்மாரக்³ரஹ நாஸாக்³ரஹ க³ளக்³ரஹ யாம்யக்³ரஹ டா³மரிகாக்³ரஹோத³கக்³ரஹ வித்³யோரக்³ரஹாராதிக்³ரஹ சா²யாக்³ரஹ ஶல்யக்³ரஹ ஸர்வக்³ரஹ விஶல்யக்³ரஹ காலக்³ரஹ ஸர்வதோ³ஷக்³ரஹ வித்³ராவிணீ ஸர்வது³ஷ்டப⁴க்ஷிணி ஸர்வபாபநிஷூதி³நி ஸர்வயந்த்ரஸ்போ²டிநி ஸர்வஶ்ருங்க²லாத்ரோடிநி ஸர்வமுத்³ராத்³ராவிணி ஜ்வாலாஜிஹ்வே கராளவக்த்ரே ரௌத்³ரமூர்தே தே³வி ப்ரத்யங்கி³ரே ஸர்வம் தே³ஹி யஶோ தே³ஹி புத்ரம் தே³ஹி ஆரோக்³யம் தே³ஹி பு⁴க்திமுக்த்யாதி³கம் தே³ஹி ஸர்வஸித்³தி⁴ம் தே³ஹி மம ஸபரிவாரம் ரக்ஷ ரக்ஷ பூஜா ஜப ஹோம த்⁴யாநார்சநாதி³கம் க்ருதம் ந்யூநமதி⁴கம் வா பரிபூர்ணம் குரு குரு அபி⁴முகீ² ப⁴வ ரக்ஷ ரக்ஷ க்ஷம ஸர்வாபராத⁴ம் ॥ 12 ॥

ப²லஶ்ருதி꞉ –
ஏவம் ஸ்துதா மஹாலக்ஷ்மீ ஶிவேந பரமாத்மந꞉ ।
உவாசேத³ம் ப்ரஹ்ருஷ்டாங்கீ³ ஶ்ருணுஷ்வ பரமேஶ்வர꞉ ॥ 13 ॥

ஏதத் ப்ரத்யங்கி³ரா ஸ்தோத்ரம் யே பட²ந்தி த்³விஜோத்தமா꞉ ।
ஶ்ருண்வந்த꞉ ஸாத⁴யந்தாஶ்ச தேஷாம் ஸித்³தி⁴ப்ரதா³ ப⁴வேத் ॥ 14 ॥

ஶ்ரீஶ்ச குப்³ஜீம் மஹாகுப்³ஜீ காளிகா கு³ஹ்யகாளிகா ।
த்ரிபுரா த்வரிதா நித்யா த்ரைலோக்யவிஜயா ஜயா ॥ 14 ॥

ஜிதாபராஜிதா தே³வீ ஜயந்தீ ப⁴த்³ரகாளிகா ।
ஸித்³த⁴ளக்ஷ்மீ மஹாலக்ஷ்மீ꞉ காலராத்ரி நமோ(அ)ஸ்து தே ॥ 15 ॥

காளீ கராளவிக்ராந்தே காளிகா பாபஹாரிணீ ।
விகராளமுகீ² தே³வி ஜ்வாலாமுகி² நமோ(அ)ஸ்து தே ॥ 16 ॥

இத³ம் ப்ரத்யங்கி³ரா ஸ்தோத்ரம் ய꞉ படே²ந்நியத꞉ ஶுசி꞉ ।
தஸ்ய ஸர்வார்த²ஸித்³தி⁴ஸ்யாந்நாத்ரகார்யாவிசரணா ॥ 17 ॥

ஶத்ரவோ நாஶமாயாந்தி மஹாநைஶ்வர்யவாந்ப⁴வேத் ।
இத³ம் ரஹஸ்யம் பரமம் நாக்²யேயம் யஸ்யகஸ்யசித் ॥ 18 ॥

ஸர்வபாபஹரம் புண்யம் ஸத்³ய꞉ ப்ரத்யயகாரகம் ।
கோ³பநீயம் ப்ரயத்நேந ஸர்வகாமப²லப்ரத³ம் ॥ 19 ॥

இதி அத²ர்வணரஹஸ்யே ஶ்ரீ ப்ரத்யங்கி³ரா ஸ்தோத்ரம் ।

---

மேலும் ஶ்ரீ ப்ரத்யங்கி³ரா ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.