Narayaneeyam Dasakam 93 – நாராயணீயம் த்ரினவதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்ரினவதிதமத³ஶகம்

நாராயணீயம் த்ரிநவதிதமத³ஶகம் (93) – பஞ்சவிம்ஶதி கு³ரவ꞉

ப³ந்து⁴ஸ்நேஹம் விஜஹ்யாம் தவ ஹி கருணயா த்வய்யுபாவேஶிதாத்மா
ஸர்வம் த்யக்த்வா சரேயம் ஸகலமபி ஜக³த்³வீக்ஷ்ய மாயாவிளாஸம் ।
நாநாத்வாத்³ப்⁴ராந்திஜந்யாத் ஸதி க²லு கு³ணதோ³ஷாவபோ³தே⁴ விதி⁴ர்வா
வ்யாஸேதோ⁴ வா கத²ம் தௌ த்வயி நிஹிதமதேர்வீதவைஷம்யபு³த்³தே⁴꞉ ॥ 93-1 ॥

க்ஷுத்த்ருஷ்ணாலோபமாத்ரே ஸததக்ருததி⁴யோ ஜந்தவ꞉ ஸந்த்யநந்தா-
-ஸ்தேப்⁴யோ விஜ்ஞாநவத்த்வாத் புருஷ இஹ வரஸ்தஜ்ஜநிர்து³ர்லபை⁴வ ।
தத்ராப்யாத்மா(ஆ)த்மந꞉ ஸ்யாத் ஸுஹ்ருத³பி ச ரிபுர்யஸ்த்வயி ந்யஸ்தசேதா-
-ஸ்தாபோச்சி²த்தேருபாயம் ஸ்மரதி ஸ ஹி ஸுஹ்ருத் ஸ்வாத்மவைரீ ததோ(அ)ந்ய꞉ ॥ 93-2 ॥

த்வத்காருண்யே ப்ரவ்ருத்தே க இவ ந ஹி கு³ருர்லோகவ்ருத்தே(அ)பி பூ⁴மந்
ஸர்வாக்ராந்தாபி பூ⁴மிர்ந ஹி சலதி தத꞉ ஸத் க்ஷமாம் ஶிக்ஷயேயம் ।
க்³ருஹ்ணீயாமீஶ தத்தத்³விஷயபரிசயே(அ)ப்யப்ரஸக்திம் ஸமீரா-
-த்³வ்யாப்தத்வம் சாத்மநோ மே க³க³நகு³ருவஶாத்³பா⁴து நிர்லேபதா ச ॥ 93-3 ॥

ஸ்வச்ச²꞉ ஸ்யாம் பாவநோ(அ)ஹம் மது⁴ர உத³கவத்³வஹ்நிவந்மா ஸ்ம க்³ருஹ்ணாம்
ஸர்வாந்நீநோ(அ)பி தோ³ஷம் தருஷு தமிவ மாம் ஸர்வபூ⁴தேஷ்வவேயாம் ।
புஷ்டிர்நஷ்டி꞉ கலாநாம் ஶஶிந இவ தநோர்நாத்மநோ(அ)ஸ்தீதி வித்³யாம்
தோயாதி³வ்யஸ்தமார்தாண்ட³வத³பி ச தநுஷ்வேகதாம் த்வத்ப்ரஸாதா³த் ॥ 93-4 ॥

ஸ்நேஹாத்³வ்யாதா⁴ஸ்தபுத்ரப்ரணயம்ருதகபோதாயிதோ மா ஸ்ம பூ⁴வம்
ப்ராப்தம் ப்ராஶ்நந் ஸஹேய க்ஷுத⁴மபி ஶயுவத் ஸிந்து⁴வத் ஸ்யாமகா³த⁴꞉ ।
மா பப்தம் யோஷிதா³தௌ³ ஶிகி²நி ஶலப⁴வத்³ப்⁴ருங்க³வத் ஸாரபா⁴கீ³
பூ⁴யாஸம் கிம் து தத்³வத்³த⁴நசயநவஶாந்மாஹமீஶ ப்ரணேஶம் ॥ 93-5 ॥

மா ப³த்³த்⁴யாஸம் தருண்யா க³ஜ இவ வஶயா நார்ஜயேயம் த⁴நௌக⁴ம்
ஹர்தாந்யஸ்தம் ஹி மாத்⁴வீஹர இவ ம்ருக³வந்மா முஹம் க்³ராம்யகீ³தை꞉ ।
நாத்யாஸஜ்ஜேய போ⁴ஜ்யே ஜ²ஷ இவ ப³டி³ஶே பிங்க³ளாவந்நிராஶ꞉
ஸுப்யாம் ப⁴ர்தவ்யயோகா³த் குரர இவ விபோ⁴ ஸாமிஷோ(அ)ந்யைர்ந ஹந்யை ॥ 93-6 ॥

வர்தேய த்யக்தமாந꞉ ஸுக²மதிஶிஶுவந்நிஸ்ஸஹாயஶ்சரேயம்
கந்யாயா ஏகஶேஷோ வலய இவ விபோ⁴ வர்ஜிதாந்யோந்யகோ⁴ஷ꞉ ।
த்வச்சித்தோ நாவபு³த்⁴யை பரமிஷுக்ருதி³வ க்ஷ்மாப்⁴ருதா³யாநகோ⁴ஷம்
கே³ஹேஷ்வந்யப்ரணீதேஷ்வஹிரிவ நிவஸாந்யுந்து³ரோர்மந்தி³ரேஷு ॥ 93-7 ॥

த்வய்யேவ த்வத்க்ருதம் த்வம் க்ஷபயஸி ஜக³தி³த்யூர்ணநாபா⁴த் ப்ரதீயாம்
த்வச்சிந்தா த்வத் ஸ்வரூபம் குருத இதி த்³ருட⁴ம் ஶிக்ஷேயே பேஶகாராத் ।
விட்³ப⁴ஸ்மாத்மா ச தே³ஹோ ப⁴வதி கு³ருவரோ யோ விவேகம் விரக்திம்
த⁴த்தே ஸஞ்சிந்த்யமாநோ மம து ப³ஹுருஜாபீடி³தோ(அ)யம் விஶேஷாத் ॥ 93-8 ॥

ஹீ ஹீ மே தே³ஹமோஹம் த்யஜ பவநபுராதீ⁴ஶ யத் ப்ரேமஹேதோ-
-ர்கே³ஹே வித்தே களத்ராதி³ஷு ச விவஶிதாஸ்த்வத்பத³ம் விஸ்மரந்தி ।
ஸோ(அ)யம் வஹ்நே꞉ ஶுநோ வா பரமிஹ பரத꞉ ஸாம்ப்ரதம் சாக்ஷிகர்ண-
-த்வக்³ஜிஹ்வாத்³யா விகர்ஷந்த்யவஶமத இத꞉ கோ(அ)பி ந த்வத்பதா³ப்³ஜே ॥ 93-9 ॥

து³ர்வாரோ தே³ஹமோஹோ யதி³ புநரது⁴நா தர்ஹி நிஶ்ஶேஷரோகா³ந்
ஹ்ருத்வா ப⁴க்திம் த்³ரடி⁴ஷ்டா²ம் குரு தவ பத³பங்கேருஹே பங்கஜாக்ஷ ।
நூநம் நாநாப⁴வாந்தே ஸமதி⁴க³தமிமம் முக்தித³ம் விப்ரதே³ஹம்
க்ஷுத்³ரே ஹா ஹந்த மா மா க்ஷிப விஷயரஸே பாஹி மாம் மாருதேஶ ॥ 93-10 ॥

இதி த்ரிநவதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.