Narayaneeyam Dasakam 88 – நாராயணீயம் ஸப்தாஶீதிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஸப்தாஶீதிதமத³ஶகம்

நாராயணீயம் அஷ்டாஶீதிதமத³ஶகம் (88) – ஸந்தாநகோ³பாலம்

ப்ராகே³வாசார்யபுத்ராஹ்ருதிநிஶமநயா ஸ்வீயஷட்ஸூநுவீக்ஷாம்
காங்க்ஷந்த்யா மாதுருக்த்யா ஸுதளபு⁴வி ப³லிம் ப்ராப்ய தேநார்சிதஸ்த்வம் ।
தா⁴து꞉ ஶாபாத்³தி⁴ரண்யாந்விதகஶிபுப⁴வாந் ஶௌரிஜாந் கம்ஸப⁴க்³நா-
-நாநீயைநாந் ப்ரத³ர்ஶ்ய ஸ்வபத³மநயதா²꞉ பூர்வபுத்ராந்மரீசே꞉ ॥ 88-1 ॥

ஶ்ருததே³வ இதி ஶ்ருதம் த்³விஜேந்த்³ரம்
ப³ஹுளாஶ்வம் ந்ருபதிம் ச ப⁴க்திபூர்ணம் ।
யுக³பத்த்வமநுக்³ரஹீதுகாமோ
மிதி²லாம் ப்ராபித² தாபஸை꞉ ஸமேத꞉ ॥ 88-2 ॥

க³ச்ச²ந் த்³விமூர்திருப⁴யோர்யுக³பந்நிகேத-
-மேகேந பூ⁴ரிவிப⁴வைர்விஹிதோபசார꞉ ।
அந்யேந தத்³தி³நப்⁴ருதைஶ்ச ப²லௌத³நாத்³யை-
-ஸ்துல்யம் ப்ரஸேதி³த² த³தா³த² ச முக்திமாப்⁴யாம் ॥ 88-3 ॥

பூ⁴யோ(அ)த² த்³வாரவத்யாம் த்³விஜதநயம்ருதிம் தத்ப்ரளாபாநபி த்வம்
கோ வா தை³வம் நிருந்த்⁴யாதி³தி கில கத²யந் விஶ்வவோடா⁴(அ)ப்யஸோடா⁴꞉ ।
ஜிஷ்ணோர்க³ர்வம் விநேதும் த்வயி மநுஜதி⁴யா குண்டி²தாம் சாஸ்ய பு³த்³தி⁴ம்
தத்த்வாரூடா⁴ம் விதா⁴தும் பரமதமபத³ப்ரேக்ஷணேநேதி மந்யே ॥ 88-4 ॥

நஷ்டா அஷ்டாஸ்ய புத்ரா꞉ புநரபி தவ தூபேக்ஷயா கஷ்டவாத³꞉
ஸ்பஷ்டோ ஜாதோ ஜநாநாமத² தத³வஸரே த்³வாரகாமாப பார்த²꞉ ।
மைத்ர்யா தத்ரோஷிதோ(அ)ஸௌ நவமஸுதம்ருதௌ விப்ரவர்யப்ரரோத³ம்
ஶ்ருத்வா சக்ரே ப்ரதிஜ்ஞாமநுபஹ்ருதஸுத꞉ ஸந்நிவேக்ஷ்யே க்ருஶாநும் ॥ 88-5 ॥

மாநீ ஸ த்வாமப்ருஷ்ட்வா த்³விஜநிலயக³தோ பா³ணஜாலைர்மஹாஸ்த்ரை-
-ருந்தா⁴ந꞉ ஸூதிகே³ஹம் புநரபி ஸஹஸா த்³ருஷ்டநஷ்டே குமாரே ।
யாம்யாமைந்த்³ரீம் ததா²ந்யா꞉ ஸுரவரநக³ரீர்வித்³யயா(ஆ)ஸாத்³ய ஸத்³யோ
மோகோ⁴த்³யோக³꞉ பதிஷ்யந் ஹுதபு⁴ஜி ப⁴வதா ஸஸ்மிதம் வாரிதோ(அ)பூ⁴த் ॥ 88-6 ॥

ஸார்த⁴ம் தேந ப்ரதீசீம் தி³ஶமதிஜவிநா ஸ்யந்த³நேநாபி⁴யாதோ
லோகாலோகம் வ்யதீதஸ்திமிரப⁴ரமதோ² சக்ரதா⁴ம்நா நிருந்த⁴ந் ।
சக்ராம்ஶுக்லிஷ்டத்³ருஷ்டிம் ஸ்தி²தமத² விஜயம் பஶ்ய பஶ்யேதி வாராம்
பாரே த்வம் ப்ராத³த³ர்ஶ꞉ கிமபி ஹி தமஸாம் தூ³ரதூ³ரம் பத³ம் தே ॥ 88-7 ॥

தத்ராஸீநம் பு⁴ஜங்கா³தி⁴பஶயநதலே தி³வ்யபூ⁴ஷாயுதா⁴த்³யை-
-ராவீதம் பீதசேலம் ப்ரதிநவஜலத³ஶ்யாமளம் ஶ்ரீமத³ங்க³ம் ।
மூர்தீநாமீஶிதாரம் பரமிஹ திஸ்ருணாமேகமர்த²ம் ஶ்ருதீநாம்
த்வாமேவ த்வம் பராத்மந் ப்ரியஸக²ஸஹிதோ நேமித² க்ஷேமரூபம் ॥ 88-8 ॥

யுவாம் மாமேவ த்³வாவதி⁴கவிவ்ருதாந்தர்ஹிததயா
விபி⁴ந்நௌ ஸந்த்³ரஷ்டும் ஸ்வயமஹமஹார்ஷம் த்³விஜஸுதாந் ।
நயேதம் த்³ராகே³தாநிதி க²லு விதீர்ணாந் புநரமூந்
த்³விஜாயாதா³யாதா³꞉ ப்ரணுதமஹிமா பாண்டு³ஜநுஷா ॥ 88-9 ॥

ஏவம் நாநாவிஹாரைர்ஜக³த³பி⁴ரமயந் வ்ருஷ்ணிவம்ஶம் ப்ரபுஷ்ண-
-ந்நீஜாநோ யஜ்ஞபே⁴தை³ரதுலவிஹ்ருதிபி⁴꞉ ப்ரீணயந்நேணநேத்ரா꞉ ।
பூ⁴பா⁴ரக்ஷேபத³ம்பா⁴த் பத³கமலஜுஷாம் மோக்ஷணாயாவதீர்ண꞉
பூர்ணம் ப்³ரஹ்மைவ ஸாக்ஷாத்³யது³ஷு மநுஜதாரூஷிதஸ்த்வம் வ்யலாஸீ꞉ ॥ 88-10 ॥

ப்ராயேண த்³வாரவத்யாமவ்ருதத³யி ததா³ நாரத³ஸ்த்வத்³ரஸார்த்³ர-
-ஸ்தஸ்மால்லேபே⁴ கதா³சித் க²லு ஸுக்ருதநிதி⁴ஸ்த்வத்பிதா தத்த்வபோ³த⁴ம் ।
ப⁴க்தாநாமக்³ரயாயீ ஸ ச க²லு மதிமாநுத்³த⁴வஸ்த்வத்த ஏவ
ப்ராப்தோ விஜ்ஞாநஸாரம் ஸ கில ஜநஹிதாயாது⁴நா(அ)ஸ்தே ப³த³ர்யாம் ॥ 88-11 ॥

ஸோ(அ)யம் க்ருஷ்ணாவதாரோ ஜயதி தவ விபோ⁴ யத்ர ஸௌஹார்த³பீ⁴தி-
-ஸ்நேஹத்³வேஷாநுராக³ப்ரப்⁴ருதிபி⁴ரதுலைரஶ்ரமைர்யோக³பே⁴தை³꞉ ।
ஆர்திம் தீர்த்வா ஸமஸ்தாமம்ருதபத³மகு³꞉ ஸர்வத꞉ ஸர்வலோகா꞉
ஸ த்வம் விஶ்வார்திஶாந்த்யை பவநபுரபதே ப⁴க்திபூர்த்யை ச பூ⁴யா꞉ ॥ 88-12 ॥

இதி அஷ்டாஶீதிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.