Narayaneeyam Dasakam 71 – நாராயணீயம் ஏகஸப்ததிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகஸப்ததிதமத³ஶகம்

நாராயணீயம் ஏகஸப்ததிதமத³ஶகம் (71) – கேஶீ ததா² வ்யோமாஸுரவத⁴

யத்நேஷு ஸர்வேஷ்வபி நாவகேஶீ
கேஶீ ஸ போ⁴ஜேஶிதுரிஷ்டப³ந்து⁴꞉ ।
த்வம் ஸிந்து⁴ஜா(அ)வாப்ய இதீவ மத்வா
ஸம்ப்ராப்தவாந் ஸிந்து⁴ஜவாஜிரூப꞉ ॥ 71-1 ॥

க³ந்த⁴ர்வதாமேஷ க³தோ(அ)பி ரூக்ஷை-
-ர்நாதை³꞉ ஸமுத்³வேஜிதஸர்வலோக꞉ ।
ப⁴வத்³விளோகாவதி⁴ கோ³பவாடீம்
ப்ரமர்த்³ய பாப꞉ புநராபதத்த்வாம் ॥ 71-2 ॥

தார்க்ஷ்யார்பிதாங்க்⁴ரேஸ்தவ தார்க்ஷ்ய ஏஷ
சிக்ஷேப வக்ஷோபு⁴வி நாம பாத³ம் ।
ப்⁴ருகோ³꞉ பதா³கா⁴தகதா²ம் நிஶம்ய
ஸ்வேநாபி ஶக்யம் ததி³தீவ மோஹாத் ॥ 71-3 ॥

ப்ரவஞ்சயந்நஸ்ய கு²ராஞ்சலம் த்³ரா-
-க³மும் ச சிக்ஷேபித² தூ³ரதூ³ரம் ।
ஸம்மூர்சி²தோ(அ)பி ஹ்யதிமூர்சி²தேந
க்ரோதோ⁴ஷ்மணா கா²தி³துமாத்³ருதஸ்த்வாம் ॥ 71-4 ॥

த்வம் வாஹத³ண்டே³ க்ருததீ⁴ஶ்ச பா³ஹா-
-த³ண்ட³ம் ந்யதா⁴ஸ்தஸ்ய முகே² ததா³நீம் ।
தத்³வ்ருத்³தி⁴ருத்³த⁴ஶ்வஸநோ க³தாஸு꞉
ஸப்தீப⁴வந்நப்யயமைக்யமாகா³த் ॥ 71-5 ॥

ஆலம்ப⁴மாத்ரேண பஶோ꞉ ஸுராணாம்
ப்ரஸாத³கே நூத்ந இவாஶ்வமேதே⁴ ।
க்ருதே த்வயா ஹர்ஷவஶாத் ஸுரேந்த்³ரா-
-ஸ்த்வாம் துஷ்டுவு꞉ கேஶவநாமதே⁴யம் ॥ 71-6 ॥

கம்ஸாய தே ஶௌரிஸுதத்வமுக்த்வா
தம் தத்³வதோ⁴த்கம் ப்ரதிருத்⁴ய வாசா ।
ப்ராப்தேந கேஶிக்ஷபணாவஸாநே
ஶ்ரீநாரதே³ந த்வமபி⁴ஷ்டுதோ(அ)பூ⁴꞉ ॥ 71-7 ॥

கதா³பி கோ³பை꞉ ஸஹ காநநாந்தே
நிலாயநக்ரீட³நலோலுபம் த்வாம் ।
மயாத்மஜ꞉ ப்ராப து³ரந்தமாயோ
வ்யோமாபி⁴தோ⁴ வ்யோமசரோபரோதீ⁴ ॥ 71-8 ॥

ஸ சோரபாலாயிதவல்லவேஷு
சோராயிதோ கோ³பஶிஶூந் பஶூம்ஶ்ச ।
கு³ஹாஸு க்ருத்வா பித³தே⁴ ஶிலாபி⁴-
-ஸ்த்வயா ச பு³த்³த்⁴வா பரிமர்தி³தோ(அ)பூ⁴த் ॥ 71-9 ॥

ஏவம்விதை⁴ஶ்சாத்³பு⁴தகேலிபே⁴தை³-
-ராநந்த³மூர்சா²மதுலாம் வ்ரஜஸ்ய ।
பதே³ பதே³ நூதநயந்நஸீமாம்
பராத்மரூபிந் பவநேஶ பாயா꞉ ॥ 71-10 ॥

இதி ஏகஸப்ததிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.