Narayaneeyam Dasakam 61 – நாராயணீயம் ஏகஷஷ்டிதமத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகஷஷ்டிதமத³ஶகம்

நாராயணீயம் ஏகஷஷ்டிதமத³ஶகம் (61) – விப்ரபத்ந்யநுக்³ரஹம்

ததஶ்ச ப்³ருந்தா³வநதோ(அ)திதூ³ரதோ
வநம் க³தஸ்த்வம் க²லு கோ³பகோ³குலை꞉ ।
ஹ்ருத³ந்தரே ப⁴க்ததரத்³விஜாங்க³நா-
-கத³ம்ப³காநுக்³ரஹணாக்³ரஹம் வஹந் ॥ 61-1 ॥

ததோ நிரீக்ஷ்யாஶரணே வநாந்தரே
கிஶோரளோகம் க்ஷுதி⁴தம் த்ருஷாகுலம் ।
அதூ³ரதோ யஜ்ஞபராந் த்³விஜாந் ப்ரதி
வ்யஸர்ஜயோ தீ³தி³வியாசநாய தாந் ॥ 61-2 ॥

க³தேஷ்வதோ² தேஷ்வபி⁴தா⁴ய தே(அ)பி⁴தா⁴ம்
குமாரகேஷ்வோத³நயாசிஷு ப்ரபோ⁴ ।
ஶ்ருதிஸ்தி²ரா அப்யபி⁴நிந்யுரஶ்ருதிம்
ந கிஞ்சிதூ³சுஶ்ச மஹீஸுரோத்தமா꞉ ॥ 61-3 ॥

அநாத³ராத் கி²ந்நதி⁴யோ ஹி பா³லகா꞉
ஸமாயயுர்யுக்தமித³ம் ஹி யஜ்வஸு ।
சிராத³ப⁴க்தா꞉ க²லு தே மஹீஸுரா꞉
கத²ம் ஹி ப⁴க்தம் த்வயி தை꞉ ஸமர்ப்யதே ॥ 61-4 ॥

நிவேத³யத்⁴வம் க்³ருஹிணீஜநாய மாம்
தி³ஶேயுரந்நம் கருணாகுலா இமா꞉ ।
இதி ஸ்மிதார்த்³ரம் ப⁴வதேரிதா க³தா-
-ஸ்தே தா³ரகா தா³ரஜநம் யயாசிரே ॥ 61-5 ॥

க்³ருஹீதநாம்நி த்வயி ஸம்ப்⁴ரமாகுலா-
-ஶ்சதுர்வித⁴ம் போ⁴ஜ்யரஸம் ப்ரக்³ருஹ்ய தா꞉ ।
சிரம் த்⁴ருதத்வத்ப்ரவிளோகநாக்³ரஹா꞉
ஸ்வகைர்நிருத்³தா⁴ அபி தூர்ணமாயயு꞉ ॥ 61-6 ॥

விளோலபிஞ்ச²ம் சிகுரே கபோலயோ꞉
ஸமுல்லஸத்குண்ட³லமார்த்³ரமீக்ஷிதே ।
நிதா⁴ய பா³ஹும் ஸுஹ்ருத³ம்ஸஸீமநி
ஸ்தி²தம் ப⁴வந்தம் ஸமலோகயந்த தா꞉ ॥ 61-7 ॥

ததா³ ச காசித் த்வது³பாக³மோத்³யதா
க்³ருஹீதஹஸ்தா த³யிதேந யஜ்வநா ।
ததை³வ ஸஞ்சிந்த்ய ப⁴வந்தமஞ்ஜஸா
விவேஶ கைவல்யமஹோ க்ருதிந்யஸௌ ॥ 61-8 ॥

ஆதா³ய போ⁴ஜ்யாந்யநுக்³ருஹ்ய தா꞉ புந-
-ஸ்த்வத³ங்க³ஸங்க³ஸ்ப்ருஹயோஜ்ஜ²தீர்க்³ருஹம் ।
விளோக்ய யஜ்ஞாய விஸர்ஜயந்நிமா-
-ஶ்சகர்த² ப⁴ர்த்ரூநபி தாஸ்வக³ர்ஹணாந் ॥ 61-9 ॥

நிரூப்ய தோ³ஷம் நிஜமங்க³நாஜநே
விளோக்ய ப⁴க்திம் ச புநர்விசாரிபி⁴꞉ ।
ப்ரபு³த்³த⁴தத்த்வைஸ்த்வமபி⁴ஷ்டுதோ த்³விஜை-
-ர்மருத்புராதீ⁴ஶ நிருந்தி⁴ மே க³தா³ந் ॥ 61-10 ॥

இதி ஏகஷஷ்டிதமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.