Narayaneeyam Dasakam 51 – நாராயணீயம் ஏகபஞ்சாஶத்தமஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஏகபஞ்சாஶத்தமஶகம்

நாராயணீயம் ஏகபஞ்சாஶத்தமஶகம் (51) – அகா⁴ஸுரவத⁴

கதா³சந வ்ரஜஶிஶுபி⁴꞉ ஸமம் ப⁴வாந்
வநாஶநே விஹிதமதி꞉ ப்ரகே³தராம் ।
ஸமாவ்ருதோ ப³ஹுதரவத்ஸமண்ட³லை꞉
ஸதேமநைர்நிரக³மதீ³ஶ ஜேமநை꞉ ॥ 51-1 ॥

விநிர்யதஸ்தவ சரணாம்பு³ஜத்³வயா-
து³த³ஞ்சிதம் த்ரிபு⁴வநபாவநம் ரஜ꞉ ।
மஹர்ஷய꞉ புலகத⁴ரை꞉ கலேப³ரை-
-ருதூ³ஹிரே த்⁴ருதப⁴வதீ³க்ஷணோத்ஸவா꞉ ॥ 51-2 ॥

ப்ரசாரயத்யவிரளஶாத்³வலே தலே
பஶூந் விபோ⁴ ப⁴வதி ஸமம் குமாரகை꞉ ।
அகா⁴ஸுரோ ந்யருணத³கா⁴ய வர்தநீம்
ப⁴யாநக꞉ ஸபதி³ ஶயாநகாக்ருதி꞉ ॥ 51-3 ॥

மஹாசலப்ரதிமதநோர்கு³ஹாநிப⁴-
-ப்ரஸாரிதப்ரதி²தமுக²ஸ்ய காநநே ।
முகோ²த³ரம் விஹரணகௌதுகாத்³க³தா꞉
குமாரகா꞉ கிமபி விதூ³ரகே³ த்வயி ॥ 51-4 ॥

ப்ரமாத³த꞉ ப்ரவிஶதி பந்நகோ³த³ரம்
க்வத²த்தநௌ பஶுபகுலே ஸவாத்ஸகே ।
வித³ந்நித³ம் த்வமபி விவேஶித² ப்ரபோ⁴
ஸுஹ்ருஜ்ஜநம் விஶரணமாஶு ரக்ஷிதும் ॥ 51-5 ॥

க³ளோத³ரே விபுலிதவர்ஷ்மணா த்வயா
மஹோரகே³ லுட²தி நிருத்³த⁴மாருதே ।
த்³ருதம் ப⁴வாந் வித³ளிதகண்ட²மண்ட³லோ
விமோசயந் பஶுப பஶூந் விநிர்யயௌ ॥ 51-6 ॥

க்ஷணம் தி³வி த்வது³பக³மார்த²மாஸ்தி²தம்
மஹாஸுரப்ரப⁴வமஹோ மஹோ மஹத் ।
விநிர்க³தே த்வயி து நிலீநமஞ்ஜஸா
நப⁴꞉ஸ்த²லே நந்ருதுரதோ² ஜகு³꞉ ஸுரா꞉ ॥ 51-7 ॥

ஸவிஸ்மயை꞉ கமலப⁴வாதி³பி⁴꞉ ஸுரை-
-ரநுத்³ருதஸ்தத³நு க³த꞉ குமாரகை꞉ ।
தி³நே புநஸ்தருணத³ஶாமுபேயுஷி
ஸ்வகைர்ப⁴வாநதநுத போ⁴ஜநோத்ஸவம் ॥ 51-8 ॥

விஷாணிகாமபி முரளீம் நிதம்ப³கே
நிவேஶயந் கப³லத⁴ர꞉ கராம்பு³ஜே ।
ப்ரஹாஸயந் கலவசநை꞉ குமாரகாந்
பு³போ⁴ஜித² த்ரித³ஶக³ணைர்முதா³ நுத꞉ ॥ 51-9 ॥

ஸுகா²ஶநம் த்விஹ தவ கோ³பமண்ட³லே
மகா²ஶநாத்ப்ரியமிவ தே³வமண்ட³லே ।
இதி ஸ்துதஸ்த்ரித³ஶவரைர்ஜக³த்பதே
மருத்புரீநிலய க³தா³த் ப்ரபாஹி மாம் ॥ 51-10 ॥

இதி ஏகபஞ்சாஶத்தமத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.