Narayaneeyam Dasakam 46 – நாராயணீயம் ஷட்சத்வாரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஷட்சத்வாரிம்ஶத³ஶகம்

நாராயணீயம் ஷட்சத்வாரிம்ஶத³ஶகம் (46) – விஶ்வரூபத³ர்ஶநம்

அயி தே³வ புரா கில த்வயி
ஸ்வயமுத்தாநஶயே ஸ்தநந்த⁴யே ।
பரிஜ்ரும்ப⁴ணதோ வ்யபாவ்ருதே
வத³நே விஶ்வமசஷ்ட வல்லவீ ॥ 46-1 ॥

புநரப்யத² பா³லகை꞉ ஸமம்
த்வயி லீலாநிரதே ஜக³த்பதே ।
ப²லஸஞ்சயவஞ்சநக்ருதா⁴
தவ ம்ருத்³போ⁴ஜநமூசுரர்ப⁴கா꞉ ॥ 46-2 ॥

அயி தே ப்ரளயாவதௌ⁴ விபோ⁴
க்ஷிதிதோயாதி³ஸமஸ்தப⁴க்ஷிண꞉ ।
ம்ருது³பாஶநதோ ருஜா ப⁴வே-
-தி³தி பீ⁴தா ஜநநீ சுகோப ஸா ॥ 46-3 ॥

அயி து³ர்விநயாத்மக த்வயா
கிமு ம்ருத்ஸா ப³த வத்ஸ ப⁴க்ஷிதா ।
இதி மாத்ருகி³ரம் சிரம் விபோ⁴
விததா²ம் த்வம் ப்ரதிஜஜ்ஞிஷே ஹஸந் ॥ 46-4 ॥

அயி தே ஸகலைர்விநிஶ்சிதே
விமதிஶ்சேத்³வத³நம் விதா³ர்யதாம் ।
இதி மாத்ருவிப⁴ர்த்ஸிதோ முக²ம்
விகஸத்பத்³மநிப⁴ம் வ்யதா³ரய꞉ ॥ 46-5 ॥

அபி ம்ருல்லவத³ர்ஶநோத்ஸுகாம்
ஜநநீம் தாம் ப³ஹு தர்பயந்நிவ ।
ப்ருதி²வீம் நிகி²லாம் ந கேவலம்
பு⁴வநாந்யப்யகி²லாந்யதீ³த்³ருஶ꞉ ॥ 46-6 ॥

குஹசித்³வநமம்பு³தி⁴꞉ க்வசித்
க்வசித³ப்⁴ரம் குஹசித்³ரஸாதலம் ।
மநுஜா த³நுஜா꞉ க்வசித் ஸுரா
த³த்³ருஶே கிம் ந ததா³ த்வதா³நநே ॥ 46-7 ॥

கலஶாம்பு³தி⁴ஶாயிநம் புந꞉
பரவைகுண்ட²பதா³தி⁴வாஸிநம் ।
ஸ்வபுரஶ்ச நிஜார்ப⁴காத்மகம்
கதிதா⁴ த்வாம் ந த³த³ர்ஶ ஸா முகே² ॥ 46-8 ॥

விகஸத்³பு⁴வநே முகோ²த³ரே
நநு பூ⁴யோ(அ)பி ததா²விதா⁴நந꞉ ।
அநயா ஸ்பு²டமீக்ஷிதோ ப⁴வா-
-நநவஸ்தா²ம் ஜக³தாம் ப³தாதநோத் ॥ 46-9 ॥

த்⁴ருததத்த்வதி⁴யம் ததா³ க்ஷணம்
ஜநநீம் தாம் ப்ரணயேந மோஹயந் ।
ஸ்தநமம்ப³ தி³ஶேத்யுபாஸஜந்
ப⁴க³வந்நத்³பு⁴தபா³ல பாஹி மாம் ॥ 46-10 ॥

இதி ஷட்சத்வாரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.