Narayaneeyam Dasakam 40 – நாராயணீயம் சத்வாரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → சத்வாரிம்ஶத³ஶகம்

நாராயணீயம் சத்வாரிம்ஶத³ஶகம் (40) – பூதநாமோக்ஷம்

தத³நு நந்த³மமந்த³ஶுபா⁴ஸ்பத³ம்
ந்ருபபுரீம் கரதா³நக்ருதே க³தம் ।
ஸமவலோக்ய ஜகா³த³ ப⁴வத்பிதா
விதி³தகம்ஸஸஹாயஜநோத்³யம꞉ ॥ 40-1 ॥

அயி ஸகே² தவ பா³லகஜந்ம மாம்
ஸுக²யதே(அ)த்³ய நிஜாத்மஜஜந்மவத் ।
இதி ப⁴வத்பித்ருதாம் வ்ரஜநாயகே
ஸமதி⁴ரோப்ய ஶஶம்ஸ தமாத³ராத் ॥ 40-2 ॥

இஹ ச ஸந்த்யநிமித்தஶதாநி தே
கடகஸீம்நி ததோ லகு⁴ க³ம்யதாம் ।
இதி ச தத்³வசஸா வ்ரஜநாயகோ
ப⁴வத³பாயபி⁴யா த்³ருதமாயயௌ ॥ 40-3 ॥

அவஸரே க²லு தத்ர ச காசந
வ்ரஜபதே³ மது⁴ராக்ருதிரங்க³நா ।
தரளஷட்பத³ளாலிதகுந்தலா
கபடபோதக தே நிகடம் க³தா ॥ 40-4 ॥

ஸபதி³ ஸா ஹ்ருதபா³லகசேதநா
நிஶிசராந்வயஜா கில பூதநா ।
வ்ரஜவதூ⁴ஷ்விஹ கேயமிதி க்ஷணம்
விம்ருஶதீஷு ப⁴வந்தமுபாத³தே³ ॥ 40-5 ॥

லலிதபா⁴வவிளாஸஹ்ருதாத்மபி⁴-
-ர்யுவதிபி⁴꞉ ப்ரதிரோத்³து⁴மபாரிதா ।
ஸ்தநமஸௌ ப⁴வநாந்தநிஷேது³ஷீ
ப்ரத³து³ஷீ ப⁴வதே கபடாத்மநே ॥ 40-6 ॥

ஸமதி⁴ருஹ்ய தத³ங்கமஶங்கித-
-ஸ்த்வமத² பா³லகலோபநரோஷித꞉ ।
மஹதி³வாம்ரப²லம் குசமண்ட³லம்
ப்ரதிசுசூஷித² து³ர்விஷதூ³ஷிதம் ॥ 40-7 ॥

அஸுபி⁴ரேவ ஸமம் த⁴யதி த்வயி
ஸ்தநமஸௌ ஸ்தநிதோபமநிஸ்வநா ।
நிரபதத்³ப⁴யதா³யி நிஜம் வபு꞉
ப்ரதிக³தா ப்ரவிஸார்ய பு⁴ஜாவுபௌ⁴ ॥ 40-8 ॥

ப⁴யத³கோ⁴ஷணபீ⁴ஷணவிக்³ரஹ-
-ஶ்ரவணத³ர்ஶநமோஹிதவல்லவே ।
வ்ரஜபதே³ தது³ர꞉ஸ்த²லகே²லநம்
நநு ப⁴வந்தமக்³ருஹ்ணத கோ³பிகா꞉ ॥ 40-9 ॥

பு⁴வநமங்க³ளநாமபி⁴ரேவ தே
யுவதிபி⁴ர்ப³ஹுதா⁴ க்ருதரக்ஷண꞉ ।
த்வமயி வாதநிகேதநநாத² மா-
-மக³த³யந் குரு தாவகஸேவகம் ॥ 40-10 ॥

இதி சத்வாரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.