Narayaneeyam Dasakam 38 – நாராயணீயம் அஷ்டாத்ரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → அஷ்டாத்ரிம்ஶத³ஶகம்

நாராயணீயம் அஷ்டாத்ரிம்ஶத³ஶகம் (38) – ஶ்ரீக்ருஷ்ணாவதாரம்

ஆநந்த³ரூப ப⁴க³வந்நயி தே(அ)வதாரே
ப்ராப்தே ப்ரதீ³ப்தப⁴வத³ங்க³நிரீயமாணை꞉ ।
காந்திவ்ரஜைரிவ க⁴நாக⁴நமண்ட³லைர்த்³யா-
-மாவ்ருண்வதீ விருருசே கில வர்ஷவேலா ॥ 38-1 ॥

ஆஶாஸு ஶீதளதராஸு பயோத³தோயை-
-ராஶாஸிதாப்திவிவஶேஷு ச ஸஜ்ஜநேஷு ।
நைஶாகரோத³யவிதௌ⁴ நிஶி மத்⁴யமாயாம்
க்லேஶாபஹஸ்த்ரிஜக³தாம் த்வமிஹா(அ)விராஸீ꞉ ॥ 38-2 ॥

பா³ல்யஸ்ப்ருஶாபி வபுஷா த³து⁴ஷா விபூ⁴தீ-
-ருத்³யத்கிரீடகடகாங்க³த³ஹாரபா⁴ஸா ।
ஶங்கா²ரி வாரிஜ க³தா³ பரிபா⁴ஸிதேந
மேகா⁴ஸிதேந பரிலேஸித² ஸூதிகே³ஹே ॥ 38-3 ॥

வக்ஷ꞉ஸ்த²லீஸுக²நிலீநவிளாஸிலக்ஷ்மீ-
-மந்தா³க்ஷலக்ஷிதகடாக்ஷவிமோக்ஷபே⁴தை³꞉ ।
தந்மந்தி³ரஸ்ய க²லகம்ஸ க்ருதாமலக்ஷ்மீ-
-முந்மார்ஜயந்நிவ விரேஜித² வாஸுதே³வ ॥ 38-4 ॥

ஶௌரிஸ்து தீ⁴ரமுநிமண்ட³லசேதஸோ(அ)பி
தூ³ரஸ்தி²தம் வபுருதீ³க்ஷ்ய நிஜேக்ஷணாப்⁴யாம் ।
ஆநந்த³பா³ஷ்பபுலகோத்³க³மக³த்³க³தா³ர்த்³ர-
-ஸ்துஷ்டாவ த்³ருஷ்டிமகரந்த³ரஸம் ப⁴வந்தம் ॥ 38-5 ॥

தே³வ ப்ரஸீத³ பரபூருஷ தாபவள்லீ-
-நிர்லூநதா³த்ர ஸமநேத்ர கலாவிளாஸிந் ।
கே²தா³நபாகுரு க்ருபாகு³ருபி⁴꞉ கடாக்ஷை-
-ரித்யாதி³ தேந முதி³தேந சிரம் நுதோ(அ)பூ⁴꞉ ॥ 38-6 ॥

மாத்ரா ச நேத்ரஸலிலாஸ்த்ருதகா³த்ரவல்யா
ஸ்தோத்ரைரபி⁴ஷ்டுதகு³ண꞉ கருணாலயஸ்த்வம் ।
ப்ராசீநஜந்மயுக³ளம் ப்ரதிபோ³த்⁴ய தாப்⁴யாம்
மாதுர்கி³ரா த³தி⁴த² மாநுஷபா³லவேஷம் ॥ 38-7 ॥

த்வத்ப்ரேரிதஸ்தத³நு நந்த³தநூஜயா தே
வ்யத்யாஸமாரசயிதும் ஸ ஹி ஶூரஸூநு꞉ ।
த்வாம் ஹஸ்தயோரதி⁴த சித்தவிதா⁴ர்யமார்யை-
-ரம்போ⁴ருஹஸ்த²கலஹம்ஸகிஶோரரம்யம் ॥ 38-8 ॥

ஜாதா ததா³ பஶுபஸத்³மநி யோக³நித்³ரா
நித்³ராவிமுத்³ரிதமதா²க்ருத பௌரளோகம் ।
த்வத்ப்ரேரணாத் கிமிவ சித்ரமசேதநைர்ய-
-த்³த்³வாரை꞉ ஸ்வயம் வ்யக⁴டி ஸங்க⁴டிதை꞉ ஸுகா³ட⁴ம் ॥ 38-9 ॥

ஶேஷேண பூ⁴ரிப²ணவாரிதவாரிணா(அ)த²
ஸ்வைரம் ப்ரத³ர்ஶிதபதோ² மணிதீ³பிதேந ।
த்வாம் தா⁴ரயந் ஸ க²லு த⁴ந்யதம꞉ ப்ரதஸ்தே²
ஸோ(அ)யம் த்வமீஶ மம நாஶய ரோக³வேகா³ந் ॥ 38-10 ॥

இதி அஷ்டாத்ரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.