Narayaneeyam Dasakam 36 – நாராயணீயம் ஷட்த்ரிம்ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஷட்த்ரிம்ஶத³ஶகம்

நாராயணீயம் ஷட்த்ரிம்ஶத³ஶகம் (36) – பரஶுராமாவதாரம்

அத்ரே꞉ புத்ரதயா புரா த்வமநஸூயாயாம் ஹி த³த்தாபி⁴தோ⁴
ஜாத꞉ ஶிஷ்யநிப³ந்த⁴தந்த்³ரிதமநா꞉ ஸ்வஸ்த²ஶ்சரந் காந்தயா ।
த்³ருஷ்டோ ப⁴க்ததமேந ஹேஹயமஹீபாலேந தஸ்மை வரா-
-நஷ்டைஶ்வர்யமுகா²ந் ப்ரதா³ய த³தி³த² ஸ்வேநைவ சாந்தே வத⁴ம் ॥ 36-1 ॥

ஸத்யம் கர்துமதா²ர்ஜுநஸ்ய ச வரம் தச்ச²க்திமாத்ராநதம்
ப்³ரஹ்மத்³வேஷி தத³கி²லம் ந்ருபகுலம் ஹந்தும் ச பூ⁴மேர்ப⁴ரம் ।
ஸஞ்ஜாதோ ஜமத³க்³நிதோ ப்⁴ருகு³குலே த்வம் ரேணுகாயாம் ஹரே
ராமோ நாம ததா³த்மஜேஷ்வவரஜ꞉ பித்ரோரதா⁴꞉ ஸம்மத³ம் ॥ 36-2 ॥

லப்³தா⁴ம்நாயக³ணஶ்சதுர்த³ஶவயா க³ந்த⁴ர்வராஜே மநா-
-கா³ஸக்தாம் கில மாதரம் ப்ரதி பிது꞉ க்ரோதா⁴குலஸ்யாஜ்ஞயா ।
தாதாஜ்ஞாதிக³ஸோத³ரை꞉ ஸமமிமாம் சி²த்வா(அ)த² ஶாந்தாத்பிது-
-ஸ்தேஷாம் ஜீவநயோக³மாபித² வரம் மாதா ச தே(அ)தா³த்³வராந் ॥ 36-3 ॥

பித்ரா மாத்ருமுதே³ ஸ்தவாஹ்ருதவியத்³தே⁴நோர்நிஜாதா³ஶ்ரமாத்
ப்ரஸ்தா²யாத² ப்⁴ருகோ³ர்கி³ரா ஹிமகி³ராவாராத்⁴ய கௌ³ரீபதிம் ।
லப்³த்⁴வா தத்பரஶும் தது³க்தத³நுஜச்சே²தீ³ மஹாஸ்த்ராதி³கம்
ப்ராப்தோ மித்ரமதா²க்ருதவ்ரணமுநிம் ப்ராப்யாக³ம꞉ ஸ்வாஶ்ரமம் ॥ 36-4 ॥

ஆகே²டோபக³தோ(அ)ர்ஜுந꞉ ஸுரக³வீஸம்ப்ராப்தஸம்பத்³க³ணை-
-ஸ்த்வத்பித்ரா பரிபூஜித꞉ புரக³தோ து³ர்மந்த்ரிவாசா புந꞉ ।
கா³ம் க்ரேதும் ஸசிவம் ந்யயுங்க்த குதி⁴யா தேநாபி ருந்த⁴ந்முநி-
-ப்ராணக்ஷேபஸரோஷகோ³ஹதசமூசக்ரேண வத்ஸோ ஹ்ருத꞉ ॥ 36-5 ॥

ஶுக்ரோஜ்ஜீவிததாதவாக்யசலிதக்ரோதோ⁴(அ)த² ஸக்²யா ஸமம்
பி³ப்⁴ரத்³த்⁴யாதமஹோத³ரோபநிஹிதம் சாபம் குடா²ரம் ஶராந் ।
ஆரூட⁴꞉ ஸஹவாஹயந்த்ருகரத²ம் மாஹிஷ்மதீமாவிஶந்
வாக்³பி⁴ர்வத்ஸமதா³ஶுஷி க்ஷிதிபதௌ ஸம்ப்ராஸ்துதா²꞉ ஸங்க³ரம் ॥ 36-6 ॥

புத்ராணாமயுதேந ஸப்தத³ஶபி⁴ஶ்சாக்ஷௌஹிணீபி⁴ர்மஹா-
-ஸேநாநீபி⁴ரநேகமித்ரநிவஹைர்வ்யாஜ்ரும்பி⁴தாயோத⁴ந꞉ ।
ஸத்³யஸ்த்வத்ககுடா²ரபா³ணவித³ளந்நிஶ்ஶேஷஸைந்யோத்கரோ
பீ⁴திப்ரத்³ருதநஷ்டஶிஷ்டதநயஸ்த்வாமாபதத்³தே⁴ஹய꞉ ॥ 36-7 ॥

லீலாவாரிதநர்மதா³ஜலவலல்லங்கேஶக³ர்வாபஹ-
-ஶ்ரீமத்³பா³ஹுஸஹஸ்ரமுக்தப³ஹுஶஸ்த்ராஸ்த்ரம் நிருந்த⁴ந்நமும் ।
சக்ரே த்வய்யத² வைஷ்ணவே(அ)பி விப²லே பு³த்³த்⁴வா ஹரிம் த்வாம் முதா³
த்⁴யாயந்தம் சி²தஸர்வதோ³ஷமவதீ⁴꞉ ஸோ(அ)கா³த்பரம் தே பத³ம் ॥ 36-8 ॥

பூ⁴யோ(அ)மர்ஷிதஹேஹயாத்மஜக³ணைஸ்தாதே ஹதே ரேணுகா-
-மாக்⁴நாநாம் ஹ்ருத³யம் நிரீக்ஷ்ய ப³ஹுஶோ கோ⁴ராம் ப்ரதிஜ்ஞாம் வஹந் ।
த்⁴யாநாநீதரதா²யுத⁴ஸ்த்வமக்ருதா² விப்ரத்³ருஹ꞉ க்ஷத்ரியாந்
தி³க்சக்ரேஷு குடா²ரயந் விஶிக²யந் நி꞉க்ஷத்ரியாம் மேதி³நீம் ॥ 36-9 ॥

தாதோஜ்ஜீவநக்ருந்ந்ருபாலககுலம் த்ரி꞉ஸப்தக்ருத்வோ ஜயந்
ஸந்தர்ப்யாத² ஸமந்தபஞ்சகமஹாரக்தஹ்ரதௌ³கே⁴ பித்ரூந் ।
யஜ்ஞே க்ஷ்மாமபி காஶ்யபாதி³ஷு தி³ஶந் ஸால்வேந யுத்⁴யந் புந꞉
க்ருஷ்ணோ(அ)மும் நிஹநிஷ்யதீதி ஶமிதோ யுத்³தா⁴த் குமாரைர்ப⁴வாந் ॥ 36-10 ॥

ந்யஸ்யாஸ்த்ராணி மஹேந்த்³ரபூ⁴ப்⁴ருதி தபஸ்தந்வந் புநர்மஜ்ஜிதாம்
கோ³கர்ணாவதி⁴ ஸாக³ரேண த⁴ரணீம் த்³ருஷ்ட்வா(அ)ர்தி²தஸ்தாபஸை꞉ ।
த்⁴யாதேஷ்வாஸத்⁴ருதாநலாஸ்த்ரசகிதம் ஸிந்து⁴ம் ஸ்ருவக்ஷேபணா-
-து³த்ஸார்யோத்³த்⁴ருதகேரளோ ப்⁴ருகு³பதே வாதேஶ ஸம்ரக்ஷ மாம் ॥ 36-11 ॥

இதி ஷட்த்ரிம்ஶத³ஶகம் ஸமாப்தம் ।

---

ஸம்பூர்ண நாராயணீயம் பார்க்க.