Read in తెలుగు / ಕನ್ನಡ / தமிழ் / English (IAST)
த்ரயஸ்த்ரிம்ஶத³ஶகம் (33) – அம்ப³ரீஷசரிதம்
வைவஸ்வதாக்²யமனுபுத்ரனபா⁴க³ஜாத-
நாபா⁴க³னாமகனரேந்த்³ரஸுதோ(அ)ம்ப³ரீஷ꞉ |
ஸப்தார்ணவாவ்ருதமஹீத³யிதோ(அ)பி ரேமே
த்வத்ஸங்கி³ஷு த்வயி ச மக்³னமனாஸ்ஸதை³வ || 33-1 ||
த்வத்ப்ரீதயே ஸகலமேவ விதன்வதோ(அ)ஸ்ய
ப⁴க்த்யைவ தே³வ நசிராத³ப்⁴ருதா²꞉ ப்ரஸாத³ம் |
யேனாஸ்ய யாசனம்ருதே(அ)ப்யபி⁴ரக்ஷணார்த²ம்
சக்ரம் ப⁴வான்ப்ரவிததார ஸஹஸ்ரதா⁴ரம் || 33-2 ||
ஸ த்³வாத³ஶீவ்ரதமதோ² ப⁴வத³ர்சனார்த²ம்
வர்ஷம் த³தௌ⁴ மது⁴வனே யமுனோபகண்டே² |
பத்ன்யா ஸமம் ஸுமனஸா மஹதீம் விதன்வன்
பூஜாம் த்³விஜேஷு விஸ்ருஜன்பஶுஷஷ்டிகோடிம் || 33-3 ||
தத்ராத² பாரணதி³னே ப⁴வத³ர்சனாந்தே
து³ர்வாஸஸா(அ)ஸ்ய முனினா ப⁴வனம் ப்ரபேதே³ |
போ⁴க்தும் வ்ருதஶ்சஸ ந்ருபேண பரார்திஶீலோ
மந்த³ம் ஜகா³ம யமுனாம் நியமான்விதா⁴ஸ்யன் || 33-4 ||
ராஜ்ஞாத² பாரணமுஹூர்தஸமாப்திகே²தா³-
த்³வாரைவ பாரணமகாரி ப⁴வத்பரேண |
ப்ராப்தோ முனிஸ்தத³த² தி³வ்யத்³ருஶா விஜானந்
க்ஷிப்யன் க்ருதோ⁴த்³த்⁴ருதஜடோ விததான க்ருத்யாம் || 33-5 ||
க்ருத்யாம் ச தாமஸித⁴ராம் பு⁴வனம் த³ஹந்தீ-
மக்³ரே(அ)பி⁴வீக்ஷ்யன்ருபதிர்ன பதா³ச்சகம்பே |
த்வத்³ப⁴க்தபா³த⁴மபி⁴வீக்ஷ்ய ஸுத³ர்ஶனம் தே
க்ருத்யானலம் ஶலப⁴யன்முனிமன்வதா⁴வீத் || 33-6 ||
தா⁴வன்னஶேஷபு⁴வனேஷு பி⁴யா ஸ பஶ்யன்
விஶ்வத்ர சக்ரமபி தே க³தவான்விரிஞ்சம் |
க꞉ காலசக்ரமதிலங்க⁴யதீத்யபாஸ்த꞉
ஶர்வம் யயௌ ஸ ச ப⁴வந்தமவந்த³தைவ || 33-7 ||
பூ⁴யோ ப⁴வன்னிலயமேத்ய முனிம் நமந்தம்
ப்ரோசே ப⁴வானஹம்ருஷே நனு ப⁴க்ததா³ஸ꞉ |
ஜ்ஞானம் தபஶ்ச வினயான்விதமேவ மான்யம்
யாஹ்யம்ப³ரீஷபத³மேவ ப⁴ஜேதி பூ⁴மன் || 33-8 ||
தாவத்ஸமேத்ய முனினா ஸ க்³ருஹீதபாதோ³
ராஜா(அ)பஸ்ருத்ய ப⁴வத³ஸ்த்ரமஸாவனௌஷீத் |
சக்ரே க³தே முனிரதா³த³கி²லாஶிஷோ(அ)ஸ்மை
த்வத்³ப⁴க்திமாக³ஸி க்ருதே(அ)பி க்ருபாம் ச ஶம்ஸன் || 33-9 ||
ராஜா ப்ரதீக்ஷ்ய முனிமேகஸமாமனாஶ்வான்
ஸம்போ⁴ஜ்ய ஸாது⁴ தம்ருஷிம் விஸ்ருஜன்ப்ரஸன்னம் |
பு⁴க்த்வா ஸ்வயம் த்வயி ததோ(அ)பி த்³ருட⁴ம் ரதோ(அ)பூ⁴-
த்ஸாயுஜ்யமாப ச ஸ மாம் பவனேஶ பாயா꞉ || 33-10 ||
இதி த்ரயஸ்த்ரிம்ஶத³ஶகம் ஸமாப்தம் ||
ஸம்பூர்ண நாராயணீயம் பார்க்க.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.