Narayaneeyam Dasakam 16 – நாராயணீயம் ஷோட³ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → ஷோட³ஶத³ஶகம்

நாராயணீயம் ஷோட³ஶத³ஶகம் (16) – நரநாராயணாவதாரம் ததா² த³க்ஷயாக³꞉

த³க்ஷோ விரிஞ்சிதநயோ(அ)த² மநோஸ்தநூஜாம்
லப்³த்⁴வா ப்ரஸூதிமிஹ ஷோட³ஶ சாப கந்யா꞉ ।
த⁴ர்மே த்ரயோத³ஶ த³தௌ³ பித்ருஷு ஸ்வதா⁴ம் ச
ஸ்வாஹாம் ஹவிர்பு⁴ஜி ஸதீம் கி³ரிஶே த்வத³ம்ஶே ॥ 16-1 ॥

மூர்திர்ஹி த⁴ர்மக்³ருஹிணீ ஸுஷுவே ப⁴வந்தம்
நாராயணம் நரஸக²ம் மஹிதாநுபா⁴வம் ।
யஜ்ஜந்மநி ப்ரமுதி³தா꞉ க்ருததூர்யகோ⁴ஷா꞉
புஷ்போத்கராந் ப்ரவவ்ருஷுர்நுநுவு꞉ ஸுரௌகா⁴꞉ ॥ 16-2 ॥

தை³த்யம் ஸஹஸ்ரகவசம் கவசை꞉ பரீதம்
ஸாஹஸ்ரவத்ஸரதப꞉ ஸமராபி⁴லவ்யை꞉ ।
பர்யாயநிர்மிததப꞉ ஸமரௌ ப⁴வந்தௌ
ஶிஷ்டைககங்கடமமும் ந்யஹதாம் ஸலீலம் ॥ 16-3 ॥

அந்வாசரந்நுபதி³ஶந்நபி மோக்ஷத⁴ர்மம்
த்வம் ப்⁴ராத்ருமாந் ப³த³ரிகாஶ்ரமமத்⁴யவாத்ஸீ꞉ ।
ஶக்ரோ(அ)த² தே ஶமதபோப³லநிஸ்ஸஹாத்மா
தி³வ்யாங்க³நாபரிவ்ருதம் ப்ரஜிகா⁴ய மாரம் ॥ 16-4 ॥

காமோ வஸந்தமலயாநிலப³ந்து⁴ஶாலீ
காந்தாகடாக்ஷவிஶிகை²ர்விகஸத்³விளாஸை꞉ ।
வித்⁴யந்முஹுர்முஹுரகம்பமுதீ³க்ஷ்ய ச த்வாம்
பீ⁴தஸ்த்வயாத² ஜக³தே³ ம்ருது³ஹாஸபா⁴ஜா ॥ 16-5 ॥

பீ⁴த்யாளமங்க³ஜ வஸந்த ஸுராங்க³நா வோ
மந்மாநஸம் த்விஹ ஜுஷுத்⁴வமிதி ப்³ருவாண꞉ ।
த்வம் விஸ்மயேந பரித꞉ ஸ்துவதாமதை²ஷாம்
ப்ராத³ர்ஶய꞉ ஸ்வபரிசாரககாதராக்ஷீ꞉ ॥ 16-6 ॥

ஸம்மோஹநாய மிலிதா மத³நாத³யஸ்தே
த்வத்³தா³ஸிகாபரிமளை꞉ கில மோஹமாபு꞉ ।
த³த்தாம் த்வயா ச ஜக்³ருஹுஸ்த்ரபயைவ ஸர்வ-
-ஸ்வர்வாஸிக³ர்வஶமநீம் புநருர்வஶீம் தாம் ॥ 16-7 ॥

த்³ருஷ்ட்வோர்வஶீம் தவ கதா²ம் ச நிஶம்ய ஶக்ர꞉
பர்யாகுலோ(அ)ஜநி ப⁴வந்மஹிமாவமர்ஶாத் ।
ஏவம் ப்ரஶாந்தரமணீயதராவதாரா-
-த்த்வத்தோ(அ)தி⁴கோ வரத³ க்ருஷ்ணதநுஸ்த்வமேவ ॥ 16-8 ॥

த³க்ஷஸ்து தா⁴துரதிலாலநயா ரஜோ(அ)ந்தோ⁴
நாத்யாத்³ருதஸ்த்வயி ச கஷ்டமஶாந்திராஸீத் ।
யேந வ்யருந்த⁴ ஸ ப⁴வத்தநுமேவ ஶர்வம்
யஜ்ஞே ச வைரபிஶுநே ஸ்வஸுதாம் வ்யமாநீத் ॥ 16-9 ॥

க்ருத்³தே⁴ ஶமர்தி³தமக²꞉ ஸ து க்ருத்தஶீர்ஷோ
தே³வப்ரஸாதி³தஹராத³த² லப்³த⁴ஜீவ꞉ ।
த்வத்பூரிதக்ரதுவர꞉ புநராப ஶாந்திம்
ஸ த்வம் ப்ரஶாந்திகர பாஹி மருத்புரேஶ ॥ 16-10 ॥

இதி ஷோட³ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.