Kishkindha Kanda Sarga 45 – கிஷ்கிந்தா⁴காண்ட³ பஞ்சசத்வாரிம்ஶ꞉ ஸர்க³꞉ (45)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சசத்வாரிம்ஶ꞉ ஸர்க³꞉ (45)

॥ வாநரப³லப்ரதிஷ்டா² ॥

ஸர்வாம்ஶ்சாஹூய ஸுக்³ரீவ꞉ ப்லவகா³ந் ப்லவக³ர்ஷப⁴꞉ ।
ஸமஸ்தாநப்³ரவீத்³பூ⁴யோ ராமகார்யார்த²ஸித்³த⁴யே ॥ 1 ॥

ஏவமேதத்³விசேதவ்யம் யந்மயா பரிகீர்திதம் ।
தது³க்³ரஶாஸநம் ப⁴ர்துர்விஜ்ஞாய ஹரிபுங்க³வா꞉ ॥ 2 ॥

ஶலபா⁴ இவ ஸஞ்சா²த்³ய மேதி³நீம் ஸம்ப்ரதஸ்தி²ரே ।
ராம꞉ ப்ரஸ்ரவணே தஸ்மிந் ந்யவஸத்ஸஹலக்ஷ்மண꞉ ॥ 3 ॥

ப்ரதீக்ஷமாணஸ்தம் மாஸம் ய꞉ ஸீதாதி⁴க³மே க்ருத꞉ ।
உத்தராம் து தி³ஶம் ரம்யாம் கி³ரிராஜஸமாவ்ருதாம் ॥ 4 ॥

ப்ரதஸ்தே² ஹரிபி⁴ர்வீரோ ஹரி꞉ ஶதவலிஸ்ததா³ ।
பூர்வாம் தி³ஶம் ப்ரதி யயௌ விநதோ ஹரியூத²ப꞉ ॥ 5 ॥

தாராங்க³தா³தி³ஸஹித꞉ ப்லவக³꞉ பவநாத்மஜ꞉ ।
அக³ஸ்த்யசரிதாமாஶாம் த³க்ஷிணாம் ஹரியூத²ப꞉ ॥ 6 ॥

பஶ்சிமாம் து தி³ஶம் கோ⁴ராம் ஸுஷேண꞉ ப்லவகே³ஶ்வர꞉ ।
ப்ரதஸ்தே² ஹரிஶார்தூ³ளோ ப்⁴ருஶம் வருணபாலிதாம் ॥ 7 ॥

தத꞉ ஸர்வா தி³ஶோ ராஜா சோத³யித்வா யதா²தத²ம் ।
கபிஸேநாபதீந் முக்²யாந் முமோத³ ஸுகி²த꞉ ஸுக²ம் ॥ 8 ॥

ஏவம் ஸஞ்சோதி³தா꞉ ஸர்வே ராஜ்ஞா வாநரயூத²பா꞉ ।
ஸ்வாம் ஸ்வாம் தி³ஶமபி⁴ப்ரேத்ய த்வரிதா꞉ ஸம்ப்ரதஸ்தி²ரே ॥ 9 ॥

ஆநயிஷ்யாமஹே ஸீதாம் ஹநிஷ்யாமஶ்ச ராவணம் ।
நத³ந்தஶ்சோந்நத³ந்தஶ்ச க³ர்ஜந்தஶ்ச ப்லவங்க³மா꞉ ॥ 10 ॥

க்ஷ்வேலந்தோ தா⁴வமாநாஶ்ச விநத³ந்தோ மஹாப³லா꞉ ।
அஹமேகோ ஹநிஷ்யாமி ப்ராப்தம் ராவணமாஹவே ॥ 11 ॥

ததஶ்சோந்மத்²ய ஸஹஸா ஹரிஷ்யே ஜநகாத்மஜாம் ।
வேபமாநாம் ஶ்ரமேணாத்³ய ப⁴வத்³பி⁴꞉ ஸ்தீ²யதாமிதி ॥ 12 ॥

ஏக ஏவாஹரிஷ்யாமி பாதாலாத³பி ஜாநகீம் ।
விமதி²ஷ்யாம்யஹம் வ்ருக்ஷாந் பாதயிஷ்யாம்யஹம் கி³ரீந் ॥ 13 ॥

த⁴ரணீம் தா³ரயிஷ்யாமி க்ஷோப⁴யிஷ்யாமி ஸாக³ராந் ।
அஹம் யோஜநஸங்க்²யாயா꞉ ப்லவிதா நாத்ர ஸம்ஶய꞉ ॥ 14 ॥

ஶதம் யோஜநஸங்க்²யாயா꞉ ஶதம் ஸமதி⁴கம் ஹ்யஹம் ।
பூ⁴தலே ஸாக³ரே வாபி ஶைலேஷு ச வநேஷு ச ॥ 15 ॥

பாதாலஸ்யாபி வா மத்⁴யே ந மமாச்சி²த்³யதே க³தி꞉ ।
இத்யேகைகம் ததா³ தத்ர வாநரா ப³லத³ர்பிதா꞉ ।
ஊசுஶ்ச வசநம் தத்ர ஹரிராஜஸ்ய ஸந்நிதௌ⁴ ॥ 16 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சசத்வாரிம்ஶ꞉ ஸர்க³꞉ ॥ 45 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.