Kishkindha Kanda Sarga 18 – கிஷ்கிந்தா⁴காண்ட³ அஷ்டாத³ஶ꞉ ஸர்க³꞉ (18)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ அஷ்டாத³ஶ꞉ ஸர்க³꞉ (18)

॥ வாலிவத⁴ஸமர்த²நம் ॥

இத்யுக்த꞉ ப்ரஶ்ரிதம் வாக்யம் த⁴ர்மார்த²ஸஹிதம் ஹிதம் ।
பருஷம் வாலிநா ராமோ நிஹதேந விசேதஸா ॥ 1 ॥

தம் நிஷ்ப்ரப⁴மிவாதி³த்யம் முக்ததோயமிவாம்பு³த³ம் ।
உக்தவாக்யம் ஹரிஶ்ரேஷ்ட²முபஶாந்தமிவாநலம் ॥ 2 ॥

த⁴ர்மார்த²கு³ணஸம்பந்நம் ஹரீஶ்வரமநுத்தமம் ।
அதி⁴க்ஷிப்தஸ்ததா³ ராம꞉ பஶ்சாத்³வாலிநமப்³ரவீத் ॥ 3 ॥

த⁴ர்மமர்த²ம் ச காமம் ச ஸமயம் சாபி லௌகிகம் ।
அவிஜ்ஞாய கத²ம் பா³ல்யாந்மாமிஹாத்³ய விக³ர்ஹஸே ॥ 4 ॥

அப்ருஷ்ட்வா பு³த்³தி⁴ஸம்பந்நாந் வ்ருத்³தா⁴நாசார்யஸம்மதாந் ।
ஸௌம்ய வாநர சாபல்யாத்கிம் மாம் வக்துமிஹேச்ச²ஸி ॥ 5 ॥

இக்ஷ்வாகூணாமியம் பூ⁴மி꞉ ஸஶைலவநகாநநா ।
ம்ருக³பக்ஷிமநுஷ்யாணாம் நிக்³ரஹப்ரக்³ரஹாவபி ॥ 6 ॥

தாம் பாலயதி த⁴ர்மாத்மா ப⁴ரத꞉ ஸத்யவாக்³ருஜு꞉ ।
த⁴ர்மகாமார்த²தத்த்வஜ்ஞோ நிக்³ரஹாநுக்³ரஹே ரத꞉ ॥ 7 ॥

நயஶ்ச விநயஶ்சோபௌ⁴ யஸ்மிந் ஸத்யம் ச ஸுஸ்தி²தம் ।
விக்ரமஶ்ச யதா²த்³ருஷ்ட꞉ ஸ ராஜா தே³ஶகாலவித் ॥ 8 ॥

தஸ்ய த⁴ர்மக்ருதாதே³ஶா வயமந்யே ச பார்தி²வா꞉ ।
சராமோ வஸுதா⁴ம் க்ருத்ஸ்நாம் த⁴ர்மஸந்தாநமிச்ச²வ꞉ ॥ 9 ॥

தஸ்மிந்ந்ருபதிஶார்தூ³ளே ப⁴ரதே த⁴ர்மவத்ஸலே ।
பாலயத்யகி²லாம் பூ⁴மிம் கஶ்சரேத்³த⁴ர்மநிக்³ரஹம் ॥ 10 ॥

தே வயம் த⁴ர்மவிப்⁴ரஷ்டம் ஸ்வத⁴ர்மே பரமே ஸ்தி²தா꞉ ।
ப⁴ரதாஜ்ஞாம் புரஸ்க்ருத்ய நிக்³ருஹ்ணீமோ யதா²விதி⁴ ॥ 11 ॥

த்வம் து ஸங்க்லிஷ்டத⁴ர்மா ச கர்மணா ச விக³ர்ஹித꞉ ।
காமதந்த்ரப்ரதா⁴நஶ்ச ந ஸ்தி²தோ ராஜவர்த்மநி ॥ 12 ॥

ஜ்யேஷ்டோ² ப்⁴ராதா பிதா சைவ யஶ்ச வித்³யாம் ப்ரயச்ச²தி ।
த்ரயஸ்தே பிதரோ ஜ்ஞேயா த⁴ர்மே பதி² ஹி வர்திந꞉ ॥ 13 ॥

யவீயாநாத்மந꞉ புத்ர꞉ ஶிஷ்யஶ்சாபி கு³ணோதி³த꞉ ।
புத்ரவத்தே த்ரயஶ்சிந்த்யா த⁴ர்மஶ்சேத³த்ர காரணம் ॥ 14 ॥

ஸூக்ஷ்ம꞉ பரமது³ர்ஜ்ஞேய꞉ ஸதாம் த⁴ர்ம꞉ ப்லவங்க³ம ।
ஹ்ருதி³ஸ்த²꞉ ஸர்வபூ⁴தாநாமாத்மா வேத³ ஶுபா⁴ஶுப⁴ம் ॥ 15 ॥

சபலஶ்சபலை꞉ ஸார்த⁴ம் வாநரைரக்ருதாத்மபி⁴꞉ ।
ஜாத்யந்த⁴ இவ ஜாத்யந்தை⁴ர்மந்த்ரயந் த்³ரக்ஷ்யஸே நு கிம் ॥ 16 ॥

அஹம் து வ்யக்ததாமஸ்ய வசநஸ்ய ப்³ரவீமி தே ।
ந ஹி மாம் கேவலம் ரோஷாத்த்வம் விக³ர்ஹிதுமர்ஹஸி ॥ 17 ॥

ததே³தத்காரணம் பஶ்ய யத³ர்த²ம் த்வம் மயா ஹத꞉ ।
ப்⁴ராதுர்வர்தஸி பா⁴ர்யாயாம் த்யக்த்வா த⁴ர்மம் ஸநாதநம் ॥ 18 ॥

அஸ்ய த்வம் த⁴ரமாணஸ்ய ஸுக்³ரீவஸ்ய மஹாத்மந꞉ ।
ருமாயாம் வர்தஸே காமாத் ஸ்நுஷாயாம் பாபகர்மக்ருத் ॥ 19 ॥

தத்³வ்யதீதஸ்ய தே த⁴ர்மாத்காமவ்ருத்தஸ்ய வாநர ।
ப்⁴ராத்ருபா⁴ர்யாவமர்ஶே(அ)ஸ்மிந் த³ண்டோ³(அ)யம் ப்ரதிபாதி³த꞉ ॥ 20 ॥

ந ஹி த⁴ர்மவிருத்³த⁴ஸ்ய லோகவ்ருத்தாத³பேயுஷ꞉ ।
த³ண்டா³த³ந்யத்ர பஶ்யாமி நிக்³ரஹம் ஹரியூத²ப ॥ 21 ॥

ந ஹி தே மர்ஷயே பாபம் க்ஷத்ரியோ(அ)ஹம் குலோத்³ப⁴வ꞉ ।
ஔரஸீம் ப⁴கி³நீம் வாபி பா⁴ர்யாம் வாப்யநுஜஸ்ய ய꞉ ॥ 22 ॥

ப்ரசரேத நர꞉ காமாத்தஸ்ய த³ண்டோ³ வத⁴꞉ ஸ்ம்ருத꞉ ।
ப⁴ரதஸ்து மஹீபாலோ வயம் சாதே³ஶவர்திந꞉ ॥ 23 ॥

த்வம் து த⁴ர்மாத³திக்ராந்த꞉ கத²ம் ஶக்யமுபேக்ஷிதும் ।
கு³ருர்த⁴ர்மவ்யதிக்ராந்தம் ப்ராஜ்ஞோ த⁴ர்மேண பாலயந் ॥ 24 ॥

ப⁴ரத꞉ காமவ்ருத்தாநாம் நிக்³ரஹே பர்யவஸ்தி²த꞉ ।
வயம் து ப⁴ரதாதே³ஶம் விதி⁴ம் க்ருத்வா ஹரீஶ்வர ॥ 25 ॥

த்வத்³விதா⁴ந் பி⁴ந்நமர்யாதா³ந் நியந்தும் பர்யவஸ்தி²தா꞉ ।
ஸுக்³ரீவேண ச மே ஸக்²யம் லக்ஷ்மணேந யதா² ததா² ॥ 26 ॥

தா³ரராஜ்யநிமித்தம் ச நி꞉ஶ்ரேயஸி ரத꞉ ஸ மே ।
ப்ரதிஜ்ஞா ச மயா த³த்தா ததா³ வாநரஸந்நிதௌ⁴ ॥ 27 ॥

ப்ரதிஜ்ஞா ச கத²ம் ஶக்யா மத்³விதே⁴நாநவேக்ஷிதும் ।
ததே³பி⁴꞉ காரணை꞉ ஸர்வைர்மஹத்³பி⁴ர்த⁴ர்மஸம்ஹிதை꞉ ॥ 28 ॥

ஶாஸநம் தவ யத்³யுக்தம் தத்³ப⁴வாநநுமந்யதாம் ।
ஸர்வதா² த⁴ர்ம இத்யேவ த்³ரஷ்டவ்யஸ்தவ நிக்³ரஹ꞉ ॥ 29 ॥

வயஸ்யஸ்யாபி கர்தவ்யம் த⁴ர்மமேவாநுபஶ்யத꞉ ।
ஶக்யம் த்வயாபி தத்கார்யம் த⁴ர்மமேவாநுபஶ்யதா ॥ 30 ॥

ஶ்ரூயதே மநுநா கீ³தௌ ஶ்லோகௌ சாரித்ரவத்ஸலௌ ।
க்³ருஹீதௌ த⁴ர்மகுஶலைஸ்தத்ததா² சரிதம் ஹரே ॥ 31 ॥

ராஜபி⁴ர்த்⁴ருதத³ண்டா³ஸ்து க்ருத்வா பாபாநி மாநவா꞉ ।
நிர்மலா꞉ ஸ்வர்க³மாயாந்தி ஸந்த꞉ ஸுக்ருதிநோ யதா² ॥ 32 ॥

ஶாஸநாத்³வா விமோக்ஷாத்³வா ஸ்தேந꞉ ஸ்தேயாத்³விமுச்யதே ।
ராஜா த்வஶாஸந்பாபஸ்ய தத³வாப்நோதி கில்பி³ஷம் ॥ 33 ॥

ஆர்யேண மம மாந்தா⁴த்ரா வ்யஸநம் கோ⁴ரமீப்ஸிதம் ।
ஶ்ரமணேந க்ருதே பாபே யதா² பாபம் க்ருதம் த்வயா ॥ 34 ॥

அந்யைரபி க்ருதம் பாபம் ப்ரமத்தைர்வஸுதா⁴தி⁴பை꞉ ।
ப்ராயஶ்சித்தம் ச குர்வந்தி தேந தச்சா²ம்யதே ரஜ꞉ ॥ 35 ॥

தத³ளம் பரிதாபேந த⁴ர்மத꞉ பரிகல்பித꞉ ।
வதோ⁴ வாநரஶார்தூ³ள ந வயம் ஸ்வவஶே ஸ்தி²தா꞉ ॥ 36 ॥

ஶ்ருணு சாப்யபரம் பூ⁴ய꞉ காரணம் ஹரிபுங்க³வ ।
யச்ச்²ருத்வா ஹேதுமத்³வீர ந மந்யும் கர்துமர்ஹஸி ॥ 37 ॥

ந மே தத்ர மநஸ்தாபோ ந மந்யுர்ஹரியூத²ப ।
வாகு³ராபி⁴ஶ்ச பாஶைஶ்ச கூடைஶ்ச விவிதை⁴ர்நரா꞉ ॥ 38 ॥

ப்ரதிச்ச²ந்நாஶ்ச த்³ருஶ்யாஶ்ச க்³ருஹ்ணந்தி ஸுப³ஹூந் ம்ருகா³ந் ।
ப்ரதா⁴விதாந்வா வித்ரஸ்தாந் விஸ்ரப்³தா⁴ம்ஶ்சாபி நிஷ்டி²தாந் ॥ 39 ॥

ப்ரமத்தாநப்ரமத்தாந்வா நரா மாம்ஸார்தி²நோ ப்⁴ருஶம் ।
வித்⁴யந்தி விமுகா²ம்ஶ்சாபி ந ச தோ³ஷோ(அ)த்ர வித்³யதே ॥ 40 ॥

யாந்தி ராஜர்ஷயஶ்சாத்ர ம்ருக³யாம் த⁴ர்மகோவித³꞉ ।
தஸ்மாத்த்வம் நிஹதோ யுத்³தே⁴ மயா பா³ணேந வாநர ॥ 41 ॥

அயுத்⁴யந்ப்ரதியுத்⁴யந்வா யஸ்மாச்சா²கா²ம்ருகோ³ ஹ்யஸி ।
து³ர்லப⁴ஸ்ய ச த⁴ர்மஸ்ய ஜீவிதஸ்ய ஶுப⁴ஸ்ய ச ॥ 42 ॥

ராஜாநோ வாநரஶ்ரேஷ்ட² ப்ரதா³தாரோ ந ஸம்ஶய꞉ ।
தாந்ந ஹிம்ஸ்யாந்ந சாக்ரோஶேந்நாக்ஷிபேந்நாப்ரியம் வதே³த் ॥ 43 ॥

தே³வா மநுஷ்யரூபேண சரந்த்யேதே மஹீதலே ।
த்வம் து த⁴ர்மமவிஜ்ஞாய கேவலம் ரோஷமாஸ்தி²த꞉ ॥ 44 ॥

ப்ரதூ³ஷயஸி மாம் த⁴ர்மே பித்ருபைதாமஹே ஸ்தி²தம் ।
ஏவமுக்தஸ்து ராமேண வாலீ ப்ரவ்யதி²தோ ப்⁴ருஶம் ॥ 45 ॥

ந தோ³ஷம் ராக⁴வே த³த்⁴யௌ த⁴ர்மே(அ)தி⁴க³தநிஶ்சய꞉ ।
ப்ரத்யுவாச ததோ ராமம் ப்ராஞ்ஜலிர்வாநரேஶ்வர꞉ ॥ 46 ॥

யத்த்வமாத்த² நரஶ்ரேஷ்ட² ததே³வம் நாத்ர ஸம்ஶய꞉ ।
ப்ரதிவக்தும் ப்ரக்ருஷ்டே ஹி நாப்ரக்ருஷ்டஸ்து ஶக்நுயாத் ॥ 47 ॥

தத³யுக்தம் மயா பூர்வம் ப்ரமாதா³து³க்தமப்ரியம் ।
தத்ராபி க²லு மே தோ³ஷம் கர்தும் நார்ஹஸி ராக⁴வ ॥ 48 ॥

த்வம் ஹி த்³ருஷ்டார்த²தத்த்வஜ்ஞ꞉ ப்ரஜாநாம் ச ஹிதே ரத꞉ ।
கார்யகாரணஸித்³தௌ⁴ தே ப்ரஸந்நா பு³த்³தி⁴ரவ்யயா ॥ 49 ॥

மாமப்யக³தத⁴ர்மாணம் வ்யதிக்ராந்தபுரஸ்க்ருதம் ।
த⁴ர்மஸம்ஹிதயா வாசா த⁴ர்மஜ்ஞ பரிபாலய ॥ 50 ॥

ந த்வாத்மாநமஹம் ஶோசே ந தாராம் ந ச பா³ந்த⁴வாந் ।
யதா² புத்ரம் கு³ணஶ்ரேஷ்ட²மங்க³த³ம் கநகாங்க³த³ம் ॥ 51 ॥

ஸ மமாத³ர்ஶநாத்³தீ³நோ பா³ல்யாத்ப்ரப்⁴ருதி லாலித꞉ ।
தடாக இவ பீதாம்பு³ருபஶோஷம் க³மிஷ்யதி ॥ 52 ॥

பா³லஶ்சாக்ருதபு³த்³தி⁴ஶ்ச ஏகபுத்ரஶ்ச மே ப்ரிய꞉ ।
தாரேயோ ராம ப⁴வதா ரக்ஷணீயோ மஹாப³ல꞉ ॥ 53 ॥

ஸுக்³ரீவே சாங்க³தே³ சைவ வித⁴த்ஸ்வ மதிமுத்தமாம் ।
த்வம் ஹி ஶாஸ்தா ச கோ³ப்தா ச கார்யாகார்யவிதௌ⁴ ஸ்தி²த꞉ ॥ 54 ॥

யா தே நரபதே வ்ருத்திர்ப⁴ரதே லக்ஷ்மணே ச யா ।
ஸுக்³ரீவே சாங்க³தே³ ராஜம்ஸ்தாம் த்வமாதா⁴துமர்ஹஸி ॥ 55 ॥

மத்³தோ³ஷக்ருததோ³ஷாம் தாம் யதா² தாராம் தபஸ்விநீம் ।
ஸுக்³ரீவோ நாவமந்யேத ததா²(அ)வஸ்தா²துமர்ஹஸி ॥ 56 ॥

த்வயா ஹ்யநுக்³ருஹீதேந ராஜ்யம் ஶக்யமுபாஸிதும் ।
த்வத்³வஶே வர்தமாநேந தவ சித்தாநுவர்திநா ॥ 57 ॥

ஶக்யம் தி³வம் சார்ஜயிதும் வஸுதா⁴ம் சாபி ஶாஸிதும் ।
த்வத்தோ(அ)ஹம் வத⁴மாகாங்க்ஷந்வார்யமாணோ(அ)பி தாரயா ॥ 58 ॥

ஸுக்³ரீவேண ஸஹ ப்⁴ராத்ரா த்³வந்த்³வயுத்³த⁴முபாக³த꞉ ।
இத்யுக்த்வா ஸந்நதோ ராமம் விரராம ஹரீஶ்வர꞉ ॥ 59 ॥

ஸ தமாஶ்வாஸயத்³ராமோ வாலிநம் வ்யக்தத³ர்ஶநம் ।
ஸாமஸம்பந்நயா வாசா த⁴ர்மதத்த்வார்த²யுக்தயா ॥ 60 ॥

ந ஸந்தாபஸ்த்வயா கார்ய ஏதத³ர்த²ம் ப்லவங்க³ம ।
ந வயம் ப⁴வதா சிந்த்யா நாப்யாத்மா ஹரிஸத்தம ॥ 61 ॥

வயம் ப⁴வத்³விஶேஷேண த⁴ர்மத꞉ க்ருதநிஶ்சயா꞉ ।
த³ண்ட்³யே ய꞉ பாதயேத்³த³ண்ட³ம் த³ண்ட்³யோ யஶ்சாபி த³ண்ட்³யதே ॥ 62 ॥

கார்யகாரணஸித்³தா⁴ர்தா²வுபௌ⁴ தௌ நாவஸீத³த꞉ ।
தத்³ப⁴வாந் த³ண்ட³ஸம்யோகா³த³ஸ்மாத்³விக³தகில்பி³ஷ꞉ ॥ 63 ॥

க³த꞉ ஸ்வாம் ப்ரக்ருதிம் த⁴ர்ம்யாம் த⁴ர்மத்³ருஷ்டேந வர்த்மநா ।
த்யஜ ஶோகம் ச மோஹம் ச ப⁴யம் ச ஹ்ருத³யே ஸ்தி²தம் ॥ 64 ॥

த்வயா விதா⁴நம் ஹர்யக்³ர்ய ந ஶக்யமதிவர்திதும் ।
யதா² த்வய்யங்க³தோ³ நித்யம் வர்ததே வாநரேஶ்வர ।
ததா² வர்தேத ஸுக்³ரீவே மயி சாபி ந ஸம்ஶய꞉ ॥ 65 ॥

ஸ தஸ்ய வாக்யம் மது⁴ரம் மஹாத்மந꞉
ஸமாஹிதம் த⁴ர்மபதா²நுவர்திந꞉ ।
நிஶம்ய ராமஸ்ய ரணாவமர்தி³நோ
வச꞉ ஸுயுக்தம் நிஜகா³த³ வாநர꞉ ॥ 66 ॥

ஶராபி⁴தப்தேந விசேதஸா மயா
ப்ரதூ³ஷிதஸ்த்வம் யத³ஜாநதா ப்ரபோ⁴ ।
இத³ம் மஹேந்த்³ரோபம பீ⁴மவிக்ரம
ப்ரஸாதி³தஸ்த்வம் க்ஷம மே நரேஶ்வர ॥ 67 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ அஷ்டாத³ஶ꞉ ஸர்க³꞉ ॥ 18 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.