Kishkindha Kanda Sarga 13 – கிஷ்கிந்தா⁴காண்ட³ த்ரயோத³ஶ꞉ ஸர்க³꞉ (13)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்ரயோத³ஶ꞉ ஸர்க³꞉ (13)

॥ ஸப்தஜநாஶ்ரமப்ரணாம꞉ ॥

ருஶ்யமூகாத் ஸ த⁴ர்மாத்மா கிஷ்கிந்தா⁴ம் லக்ஷ்மணாக்³ரஜ꞉ ।
ஜகா³ம ஸஹஸுக்³ரீவோ வாலிவிக்ரமபாலிதாம் ॥ 1 ॥

ஸமுத்³யம்ய மஹச்சாபம் ராம꞉ காஞ்சநபூ⁴ஷிதம் ।
ஶராம்ஶ்சாதி³த்யஸங்காஶாந் க்³ருஹீத்வா ரணஸாத⁴காந் ॥ 2 ॥

அக்³ரதஸ்து யயௌ தஸ்ய ராக⁴வஸ்ய மஹாத்மந꞉ ।
ஸுக்³ரீவ꞉ ஸம்ஹதக்³ரீவோ லக்ஷ்மணஶ்ச மஹாப³ல꞉ ॥ 3 ॥

ப்ருஷ்ட²தோ ஹநுமாந் வீரோ ளோ நீலஶ்ச வாநர꞉ ।
தாரஶ்சைவ மஹாதேஜா ஹரியூத²பயூத²ப꞉ ॥ 4 ॥

தே வீக்ஷமாணா வ்ருக்ஷாம்ஶ்ச புஷ்பபா⁴ராவளம்பி³ந꞉ ।
ப்ரஸந்நாம்பு³வஹாஶ்சைவ ஸரித꞉ ஸாக³ரங்க³மா꞉ ॥ 5 ॥

கந்த³ராணி ச ஶைலாம்ஶ்ச நிர்த³ராணி கு³ஹாஸ்ததா² ।
ஶிக²ராணி ச முக்²யாநி த³ரீஶ்ச ப்ரியத³ர்ஶநா꞉ ॥ 6 ॥

வைடூ³ர்யவிமலை꞉ பர்ணை꞉ பத்³மைஶ்சாகோஶகுட்³மலை꞉ ।
ஶோபி⁴தாந் ஸஜலாந் மார்கே³ தடாகாம்ஶ்ச வ்யலோகயந் ॥ 7 ॥

காரண்டை³꞉ ஸாரஸைர்ஹம்ஸைர்வஞ்ஜுளைர்ஜலகுக்குடை꞉ ।
சக்ரவாகைஸ்ததா² சாந்யை꞉ ஶகுநைருபநாதி³தாந் ॥ 8 ॥

ம்ருது³ஶஷ்பாங்குராஹாராந்நிர்ப⁴யாந் வநகோ³சராந் ।
சரத꞉ ஸர்வதோ(அ)பஶ்யந் ஸ்த²லீஷு ஹரிணாந் ஸ்தி²தாந் ॥ 9 ॥

தடாகவைரிணஶ்சாபி ஶுக்லத³ந்தவிபூ⁴ஷிதாந் ।
கோ⁴ராநேகசராந் வந்யாந் த்³விரதா³ந் கூலகா⁴திந꞉ ॥ 10 ॥

மத்தாந் கி³ரிதடோத்க்ருஷ்டாந் ஜங்க³மாநிவ பர்வதாந் ।
வாரணாந் வாரித³ப்ரக்²யாந் மஹீரேணுஸமுக்ஷிதாந் ॥ 11 ॥

வநே வநசராம்ஶ்சாந்யாந் கே²சராம்ஶ்ச விஹங்க³மாந் ।
பஶ்யந்தஸ்த்வரிதா ஜக்³மு꞉ ஸுக்³ரீவவஶவர்திந꞉ ॥ 12 ॥

தேஷாம் து க³ச்ச²தாம் தத்ர த்வரிதம் ரகு⁴நந்த³ந꞉ ।
த்³ருமஷண்ட³ வநம் த்³ருஷ்ட்வா ராம꞉ ஸுக்³ரீவமப்³ரவீத் ॥ 13 ॥

ஏஷ மேக⁴ இவாகாஶே வ்ருக்ஷஷண்ட³꞉ ப்ரகாஶதே ।
மேக⁴ஸங்கா⁴தவிபுல꞉ பர்யந்தகத³ளீவ்ருத꞉ ॥ 14 ॥

கிமேதஜ்ஜ்ஞாதுமிச்சா²மி ஸகே² கௌதூஹலம் ஹி மே ।
கௌதூஹலாபநயநம் கர்துமிச்சா²ம்யஹம் த்வயா ॥ 15 ॥

தஸ்ய தத்³வசநம் ஶ்ருத்வா ராக⁴வஸ்ய மஹாத்மந꞉ ।
க³ச்ச²ந்நேவாசசக்ஷே(அ)த² ஸுக்³ரீவஸ்தந்மஹத்³வநம் ॥ 16 ॥

ஏதத்³ராக⁴வ விஸ்தீர்ணமாஶ்ரமம் ஶ்ரமநாஶநம் ।
உத்³யாநவநஸம்பந்நம் ஸ்வாது³மூலப²லோத³கம் ॥ 17 ॥

அத்ர ஸப்தஜநா நாம முநய꞉ ஸம்ஶிதவ்ரதா꞉ ।
ஸப்தைவாஸந்நத⁴꞉ ஶீர்ஷா நியதம் ஜலஶாயிந꞉ ॥ 18 ॥

ஸப்தராத்ரக்ருதாஹாரா வாயுநா வநவாஸிந꞉ ।
தி³வம் வர்ஷஶதைர்யாதா꞉ ஸப்தபி⁴꞉ ஸகளேவரா꞉ ॥ 19 ॥

தேஷாமேவம்ப்ரபா⁴வாநாம் த்³ருமப்ராகாரஸம்வ்ருதம் ।
ஆஶ்ரமம் ஸுது³ராத⁴ர்ஷமபி ஸேந்த்³ரை꞉ ஸுராஸுரை꞉ ॥ 20 ॥

பக்ஷிணோ வர்ஜயந்த்யேதத்ததா²ந்யே வநசாரிண꞉ ।
விஶந்தி மோஹாத்³யே தத்ர நிவர்தந்தே ந தே புந꞉ ॥ 21 ॥

விபூ⁴ஷணரவாஶ்சாத்ர ஶ்ரூயந்தே ஸகலாக்ஷரா꞉ ।
தூர்யகீ³தஸ்வநாஶ்சாத்ர க³ந்தோ⁴ தி³வ்யஶ்ச ராக⁴வ ॥ 22 ॥

த்ரேதாக்³நயோ(அ)பி தீ³ப்யந்தே தூ⁴மோ ஹ்யத்ர ப்ரகாஶதே ।
வேஷ்டயந்நிவ வ்ருக்ஷாக்³ராந் கபோதாங்கா³ருணோ க⁴ந꞉ ॥ 23 ॥

ஏதே வ்ருக்ஷா꞉ ப்ரகாஶந்தே தூ⁴மஸம்ஸக்தமஸ்தகா꞉ ।
மேக⁴ஜாலப்ரதிச்ச²ந்நா வைடூ³ர்யகி³ரயோ யதா² ॥ 24 ॥

குரு ப்ரணாமம் த⁴ர்மாத்மம்ஸ்தாந் ஸமுத்³தி³ஶ்ய ராக⁴வ ।
லக்ஷ்மணேந ஸஹ ப்⁴ராத்ரா ப்ரயத꞉ ஸம்யதாஞ்ஜலி꞉ ॥ 25 ॥

ப்ரணமந்தி ஹி யே தேஷாம் முநீநாம் பா⁴விதாத்மநாம் ।
ந தேஷாமஶுப⁴ம் கிஞ்சிச்ச²ரீரே ராம த்³ருஶ்யதே ॥ 26 ॥

ததோ ராம꞉ ஸஹ ப்⁴ராத்ரா லக்ஷ்மணேந க்ருதாஞ்ஜலி꞉ ।
ஸமுத்³தி³ஶ்ய மஹாத்மாநஸ்தாந்ருஷீநப்⁴யவாத³யத் ॥ 27 ॥

அபி⁴வாத்³ய து த⁴ர்மாத்மா ராமோ ப்⁴ராதா ச லக்ஷ்மண꞉ ।
ஸுக்³ரீவோ வாநராஶ்சைவ ஜக்³மு꞉ ஸம்ஹ்ருஷ்டமாநஸா꞉ ॥ 28 ॥

தே க³த்வா தூ³ரமத்⁴வாநம் தஸ்மாத் ஸப்தஜநாஶ்ரமாத் ।
த³த்³ருஶுஸ்தாம் து³ராத⁴ர்ஷாம் கிஷ்கிந்தா⁴ம் வாலிபாலிதாம் ॥ 29 ॥

ததஸ்து ராமாநுஜராமவாநரா꞉
ப்ரக்³ருஹ்ய ஶஸ்த்ராண்யுதி³தார்கதேஜஸ꞉ ।
புரீம் ஸுரேஶாத்மஜவீர்யபாலிதாம்
வதா⁴ய ஶத்ரோ꞉ புநராக³தா꞉ ஸஹ ॥ 30 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த்ரயோத³ஶ꞉ ஸர்க³꞉ ॥ 13 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.