Aranya Kanda Sarga 73 – அரண்யகாண்ட³ த்ரிஸப்ததிதம꞉ ஸர்க³꞉ (73)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்ரிஸப்ததிதம꞉ ஸர்க³꞉ (73)

॥ ருஶ்யமூகமார்க³கத²நம் ॥

நித³ர்ஶயித்வா ராமாய ஸீதாயா꞉ ப்ரதிபாத³நே ।
வாக்யமந்வர்த²மர்த²ஜ்ஞ꞉ கப³ந்த⁴꞉ புநரப்³ரவீத் ॥ 1 ॥

ஏஷ ராம ஶிவ꞉ பந்தா² யத்ரைதே புஷ்பிதா த்³ருமா꞉ ।
ப்ரதீசீம் தி³ஶமாஶ்ரித்ய ப்ரகாஶந்தே மநோரமா꞉ ॥ 2 ॥

ஜம்பூ³ப்ரியாளபநஸப்லக்ஷந்யக்³ரோத⁴திந்து³கா꞉ ।
அஶ்வத்தா²꞉ கர்ணிகாராஶ்ச சூதாஶ்சாந்யே ச பாதா³பா꞉ ॥ 3 ॥

த⁴ந்வநா நாக³வ்ருக்ஷாஶ்ச திலகா நக்தமாலகா꞉ ।
நீலாஶோகா꞉ கத³ம்பா³ஶ்ச கரவீராஶ்ச புஷ்பிதா꞉ ॥ 4 ॥

அக்³நிமுக்²யா அஶோகாஶ்ச ஸுரக்தா꞉ பாரிப⁴த்³ரகா꞉ ।
தாநாரூஹ்யாத²வா பூ⁴மௌ பாதயித்வா ச தாந் ப³லாத் ॥ 5 ॥

ப²லாந்யம்ருதகல்பாநி ப⁴க்ஷயந்தௌ க³மிஷ்யத²꞉ ।
தத³திக்ரம்ய காகுத்ஸ்த² வநம் புஷ்பிதபாத³பம் ॥ 6 ॥

நந்த³நப்ரதிமம் சாந்யத் குரவோ ஹ்யுத்தரா இவ ।
ஸர்வகாமப²லா வ்ருக்ஷா꞉ பாத³பாஸ்து மது⁴ஸ்ரவா꞉ ॥ 7 ॥

ஸர்வே ச ருதவஸ்தத்ர வநே சைத்ரரதே² யதா² ।
ப²லபா⁴ராநதாஸ்தத்ர மஹாவிடபதா⁴ரிண꞉ ॥ 8 ॥

ஶோப⁴ந்தே ஸர்வதஸ்தத்ர மேக⁴பர்வதஸந்நிபா⁴꞉ ।
தாநாருஹ்யாத² வா பூ⁴மௌ பாதயித்வா யதா²ஸுக²ம் ॥ 9 ॥

ப²லாந்யம்ருதகல்பாநி லக்ஷ்மணஸ்தே ப்ரதா³ஸ்யதி ।
சங்க்ரமந்தௌ வராந் தே³ஶாந் ஶைலாச்சை²லம் வநாத்³வநம் ॥ 10 ॥

தத꞉ புஷ்கரிணீம் வீரௌ பம்பாம் நாம க³மிஷ்யத²꞉ ।
அஶர்கராமவிப்⁴ரம்ஶாம் ஸமதீர்தா²மஶைவலாம் ॥ 11 ॥

ராம ஸஞ்ஜாதவாலூகாம் கமலோத்பலஶாலிநீம் ।
தத்ர ஹம்ஸா꞉ ப்லவா꞉ க்ரௌஞ்சா꞉ குரராஶ்சைவ ராக⁴வ ॥ 12 ॥

வல்கு³ஸ்வநா நிகூஜந்தி பம்பாஸலிலகோ³சரா꞉ ।
நோத்³விஜந்தே நராந் த்³ருஷ்ட்வா வத⁴ஸ்யாகோவிதா³꞉ ஶுபா⁴꞉ ॥ 13 ॥

க்⁴ருதபிண்டோ³பமாந் ஸ்தூ²லாம்ஸ்தாந் த்³விஜாந் ப⁴க்ஷயிஷ்யத²꞉ ।
ரோஹிதாந் வக்ரதுண்டா³ம்ஶ்ச நட³மீநாம்ஶ்ச ராக⁴வ ॥ 14 ॥

பம்பாயாமிஷுபி⁴ர்மத்ஸ்யாம்ஸ்தத்ர ராம வராந் ஹதாந் ।
நிஸ்த்வக்பக்ஷாநயஸ்தப்தாநக்ருஶாநேககண்டகாந் ॥ 15 ॥

தவ ப⁴க்த்யா ஸமாயுக்தோ லக்ஷ்மண꞉ ஸம்ப்ரதா³ஸ்யதி ।
ப்⁴ருஶம் தே கா²த³தோ மத்ஸ்யாந் பம்பாயா꞉ புஷ்பஸஞ்சயே ॥ 16 ॥

பத்³மக³ந்தி⁴ ஶிவம் வாரி ஸுக²ஶீதமநாமயம் ।
உத்³த்⁴ருத்ய ஸததாக்லிஷ்டம் ரௌப்யஸ்பா²டிகஸந்நிப⁴ம் ॥ 17 ॥

அஸௌ புஷ்கரபர்ணேந லக்ஷ்மண꞉ பாயயிஷ்யதி ।
ஸ்தூ²லாந் கி³ரிகு³ஹாஶய்யாந் வராஹாந் வநசாரிண꞉ ॥ 18 ॥

அபாம் லோபா⁴து³பாவ்ருத்தாந் வ்ருஷபா⁴நிவ நர்த³த꞉ ।
ரூபாந்விதாம்ஶ்ச பம்பாயாம் த்³ரக்ஷ்யஸி த்வம் நரோத்தம ॥ 19 ॥

ஸாயாஹ்நே விசரந் ராம விடபீந் மால்யதா⁴ரிண꞉ ।
ஶீதோத³கம் ச பம்பாயா த்³ருஷ்ட்வா ஶோகம் விஹாஸ்யஸி ॥ 20 ॥

ஸுமநோபி⁴ஶ்சிதாம்ஸ்தத்ர திலகாந்நக்தமாலகாந் ।
உத்பலாநி ச பு²ல்லாநி பங்கஜாநி ச ராக⁴வ ॥ 21 ॥

ந தாநி கஶ்சிந்மால்யாநி தத்ராரோபயிதா நர꞉ ।
ந ச வை ம்லாநதாம் யாந்தி ந ச ஶீர்யந்தி ராக⁴வ ॥ 22 ॥

மதங்க³ஶிஷ்யாஸ்தத்ராஸந்ந்ருஷய꞉ ஸுஸமாஹிதா꞉ ।
தேஷாம் பா⁴ராபி⁴தப்தாநாம் வந்யமாஹரதாம் கு³ரோ꞉ ॥ 23 ॥

யே ப்ரபேதுர்மஹீம் தூர்ணம் ஶரீராத் ஸ்வேத³பி³ந்த³வ꞉ ।
தாநி ஜாதாநி மால்யாநி முநீநாம் தபஸா ததா³ ॥ 24 ॥

ஸ்வேத³பி³ந்து³ஸமுத்தா²நி ந விநஶ்யந்தி ராக⁴வ ।
தேஷாமத்³யாபி தத்ரைவ த்³ருஶ்யதே பரிசாரிணீ ॥ 25 ॥

ஶ்ரமணீ ஶப³ரீ நாம காகுத்ஸ்த² சிரஜீவிநீ ।
த்வாம் து த⁴ர்மே ஸ்தி²தா நித்யம் ஸர்வபூ⁴தநமஸ்க்ருதம் ॥ 26 ॥

த்³ருஷ்ட்வா தே³வோபமம் ராம ஸ்வர்க³ளோகம் க³மிஷ்யதி ।
ததஸ்தத்³ராம பம்பாயாஸ்தீரமாஶ்ரித்ய பஶ்சிமம் ॥ 27 ॥

ஆஶ்ரமஸ்தா²நமதுலம் கு³ஹ்யம் காகுத்ஸ்த² பஶ்யஸி ।
ந தத்ராக்ரமிதும் நாகா³꞉ ஶக்நுவந்தி தமாஶ்ரமம் ॥ 28 ॥

விவிதா⁴ஸ்தத்ர வை நாகா³ வநே தஸ்மிம்ஶ்ச பர்வதே ।
ருஷேஸ்தஸ்ய மதங்க³ஸ்ய விதா⁴நாத்தச்ச காநநம் ॥ 29 ॥

மதங்க³வநமித்யேவ விஶ்ருதம் ரகு⁴நந்த³ந ।
தஸ்மிந்நந்த³நஸங்காஶே தே³வாரண்யோபமே வநே ॥ 30 ॥

நாநாவிஹக³ஸங்கீர்ணே ரம்ஸ்யஸே ராம நிர்வ்ருத꞉ ।
ருஶ்யமூகஶ்ச பம்பாயா꞉ புரஸ்தாத் புஷ்பிதத்³ரும꞉ ॥ 31 ॥

ஸுது³꞉கா²ரோஹணோ நாம ஶிஶுநாகா³பி⁴ரக்ஷித꞉ ।
உதா³ரோ ப்³ரஹ்மணா சைவ பூர்வகாலே விநிர்மித꞉ ॥ 32 ॥

ஶயாந꞉ புருஷோ ராம தஸ்ய ஶைலஸ்ய மூர்த⁴நி ।
யத்ஸ்வப்நே லப⁴தே வித்தம் தத்ப்ரபு³த்³தோ⁴(அ)தி⁴க³ச்ச²தி ॥ 33 ॥

ந த்வேநம் விஷமாசார꞉ பாபகர்மாதி⁴ரோஹதி ।
யஸ்து தம் விஷமாசார꞉ பாபகர்மாதி⁴ரோஹதி ॥ 34 ॥

தத்ரைவ ப்ரஹரந்த்யேநம் ஸுப்தமாதா³ய ராக்ஷஸா꞉ ।
தத்ராபி ஶிஶுநாகா³நாமாக்ரந்த³꞉ ஶ்ரூயதே மஹாந் ॥ 35 ॥

க்ரீட³தாம் ராம பம்பாயாம் மதங்கா³ரண்யவாஸிநாம் ।
ஸிக்தா ருதி⁴ரதா⁴ராபி⁴꞉ ஸம்ஹ்ருத்ய பரமத்³விபா꞉ ॥ 36 ॥

ப்ரசரந்தி ப்ருத²க்கீர்ணா மேக⁴வர்ணாஸ்தரஸ்விந꞉ ।
தே தத்ர பீத்வா பாநீயம் விமலம் ஶீதமவ்யயம் ॥ 37 ॥

நிர்வ்ருதா꞉ ஸம்விகா³ஹந்தே வநாநி வநகோ³சரா꞉ ।
ருக்ஷாம்ஶ்ச த்³வீபிநஶ்சைவ நீலகோமளகப்ரபா⁴ந் ॥ 38 ॥

ருரூநபேதாபஜயாந் த்³ருஷ்ட்வா ஶோகம் ஜஹிஷ்யஸி ।
ராம தஸ்ய து ஶைலஸ்ய மஹதீ ஶோப⁴தே கு³ஹா ॥ 39 ॥

ஶிலாபிதா⁴நா காகுத்ஸ்த² து³꞉க²ம் சாஸ்யா꞉ ப்ரவேஶநம் ।
தஸ்யா கு³ஹாயா꞉ ப்ராக்³த்³வாரே மஹாந் ஶீதோத³கோ ஹ்ரத³꞉ ॥ 40 ॥

ப²லமூலாந்விதோ ரம்யோ நாநாம்ருக³ஸமாவ்ருத꞉ ।
தஸ்யாம் வஸதி ஸுக்³ரீவஶ்சதுர்பி⁴꞉ ஸஹ வாநரை꞉ ॥ 41 ॥

கதா³சிச்சி²க²ரே தஸ்ய பர்வதஸ்யாவதிஷ்ட²தே ।
கப³ந்த⁴ஸ்த்வநுஶாஸ்யைவம் தாவுபௌ⁴ ராமலக்ஷ்மணௌ ॥ 42 ॥

ஸ்ரக்³வீ பா⁴ஸ்கரவர்ணாப⁴꞉ கே² வ்யரோசத வீர்யவாந் ।
தம் து க²ஸ்த²ம் மஹாபா⁴க³ம் கப³ந்த⁴ம் ராமலக்ஷ்மணௌ ॥ 43 ॥

ப்ரஸ்தி²தௌ த்வம் வ்ரஜஸ்வேதி வாக்யமூசதுரந்திகே ।
க³ம்யதாம் கார்யஸித்³த்⁴யர்த²மிதி தாவப்³ரவீத்ஸ ச ।
ஸுப்ரீதௌ தாவநுஜ்ஞாப்ய கப³ந்த⁴꞉ ப்ரஸ்தி²தஸ்ததா³ ॥ 44 ॥

ஸ தத்கப³ந்த⁴꞉ ப்ரதிபத்³ய ரூபம்
வ்ருத꞉ ஶ்ரியா பா⁴ஸ்கரதுல்யதே³ஹ꞉ ।
நித³ர்ஶயந் ராமமவேக்ஷ்ய க²ஸ்த²꞉
ஸக்²யம் குருஷ்வேதி ததா³(அ)ப்⁴யுவாச ॥ 45 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்ரிஸப்ததிதம꞉ ஸர்க³꞉ ॥ 73 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.