Aranya Kanda Sarga 70 – அரண்யகாண்ட³ ஸப்ததிதம꞉ ஸர்க³꞉ (70)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஸப்ததிதம꞉ ஸர்க³꞉ (70)

॥ கப³ந்த⁴பா³ஹுச்சே²த³꞉ ॥

தௌ து தத்ர ஸ்தி²தௌ த்³ருஷ்ட்வா ப்⁴ராதரௌ ராமலக்ஷ்மணௌ ।
பா³ஹுபாஶபரிக்ஷிப்தௌ கப³ந்தோ⁴ வாக்யமப்³ரவீத் ॥ 1 ॥

திஷ்ட²த꞉ கிம் நு மாம் த்³ருஷ்ட்வா க்ஷுதா⁴ர்தம் க்ஷத்ரியர்ஷபௌ⁴ ।
ஆஹாரார்த²ம் து ஸந்தி³ஷ்டௌ தை³வேந க³தசேதஸௌ ॥ 2 ॥

தச்ச்²ருத்வா லக்ஷ்மணோ வாக்யம் ப்ராப்தகாலம் ஹிதம் ததா³ ।
உவாசார்திம் ஸமாபந்நோ விக்ரமே க்ருதநிஶ்சய꞉ ॥ 3 ॥

த்வாம் ச மாம் ச புரா தூர்ணமாத³த்தே ராக்ஷஸாத⁴ம꞉ ।
தஸ்மாத³ஸிப்⁴யாமஸ்யாஶு பா³ஹூ சி²ந்தா³வஹை கு³ரூ ॥ 4 ॥

பீ⁴ஷணோ(அ)யம் மஹாகாயோ ராக்ஷஸோ பு⁴ஜவிக்ரம꞉ ।
லோகம் ஹ்யதிஜிதம் க்ருத்வா ஹ்யாவாம் ஹந்துமிஹேச்ச²தி ॥ 5 ॥

நிஶ்சேஷ்டாநாம் வதோ⁴ ராஜந் குத்ஸிதோ ஜக³தீபதே꞉ ।
க்ரதுமத்⁴யோபநீதாநாம் பஶூநாமிவ ராக⁴வ ॥ 6 ॥

ஏதத்ஸஞ்ஜல்பிதம் ஶ்ருத்வா தயோ꞉ க்ருத்³த⁴ஸ்து ராக்ஷஸ꞉ ।
விதா³ர்யாஸ்யம் ததா³ ரௌத்³ரஸ்தௌ ப⁴க்ஷயிதுமாரப⁴த் ॥ 7 ॥

ததஸ்தௌ தே³ஶகாலஜ்ஞௌ க²ட்³கா³ப்⁴யாமேவ ராக⁴வௌ ।
அச்சி²ந்த³தாம் ஸுஸம்ஹ்ருஷ்டௌ பா³ஹூ தஸ்யாம்ஸதே³ஶத꞉ ॥ 8 ॥

த³க்ஷிணோ த³க்ஷிணம் பா³ஹுமஸக்தமஸிநா தத꞉ ।
சிச்சே²த³ ராமோ வேகே³ந ஸவ்யம் வீரஸ்து லக்ஷ்மண꞉ ॥ 9 ॥

ஸ பபாத மஹாபா³ஹுஶ்சி²ந்நபா³ஹுர்மஹாஸ்வந꞉ ।
க²ம் ச கா³ம் ச தி³ஶஶ்சைவ நாத³யந் ஜலதோ³ யதா² ॥ 10 ॥

ஸ நிக்ருத்தௌ பூ⁴ஜௌ த்³ருஷ்ட்வா ஶோணிதௌக⁴பரிப்லுத꞉ ।
தீ³ந꞉ பப்ரச்ச² தௌ வீரௌ கௌ யுவாமிதி தா³நவ꞉ ॥ 11 ॥

இதி தஸ்ய ப்³ருவாணஸ்ய லக்ஷ்மண꞉ ஶுப⁴லக்ஷண꞉ ।
ஶஶம்ஸ ராக⁴வம் தஸ்ய கப³ந்த⁴ஸ்ய மஹாத்மந꞉ ॥ 12 ॥

அயமிக்ஷ்வாகுதா³யாதோ³ ராமோ நாம ஜநை꞉ ஶ்ருத꞉ ।
அஸ்யைவாவரஜம் வித்³தி⁴ ப்⁴ராதரம் மாம் ச லக்ஷ்மணம் ॥ 13 ॥

மாத்ரா ப்ரதிஹ்ருதே ராஜ்யே ராம꞉ ப்ரவ்ராஜிதோ வநம் ।
மயா ஸஹ சரத்யேஷ பா⁴ர்யயா ச மஹத்³வநம் ॥ 14 ॥

அஸ்ய தே³வப்ரபா⁴வஸ்ய வஸதோ விஜநே வநே ।
ரக்ஷஸா(அ)பஹ்ருதா பத்நீ யாமிச்ச²ந்தாவிஹாக³தௌ ॥ 15 ॥

த்வம் து கோ வா கிமர்த²ம் வா கப³ந்த⁴ஸத்³ருஶோ வநே ।
ஆஸ்யேநோரஸி தீ³ப்தேந ப⁴க்³நஜங்கோ⁴ விவேஷ்டஸே ॥ 16 ॥

ஏவமுக்த꞉ கப³ந்த⁴ஸ்து லக்ஷ்மணேநோத்தரம் வச꞉ ।
உவாச பரமப்ரீதஸ்ததி³ந்த்³ரவசநம் ஸ்மரந் ॥ 17 ॥

ஸ்வாக³தம் வாம் நரவ்யாக்⁴ரௌ தி³ஷ்ட்யா பஶ்யாமி சாப்யஹம் ।
தி³ஷ்ட்யா சேமௌ நிக்ருத்தௌ மே யுவாப்⁴யாம் பா³ஹுப³ந்த⁴நௌ ॥ 18 ॥

விரூபம் யச்ச மே ரூபம் ப்ராப்தம் ஹ்யவிநயாத்³யதா² ।
தந்மே ஶ்ருணு நரவ்யாக்⁴ர தத்த்வத꞉ ஶம்ஸதஸ்தவ ॥ 19 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஸப்ததிதம꞉ ஸர்க³꞉ ॥ 70 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.