Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]
అతిభీషణకటుభాషణయమకింకిరపటలీ-
-కృతతాడనపరిపీడనమరణాగమసమయే |
ఉమయా సహ మమ చేతసి యమశాసన నివసన్
శివశంకర శివశంకర హర మే హర దురితమ్ || ౧ ||
అసదింద్రియవిషయోదయసుఖసాత్కృతసుకృతేః
పరదూషణపరిమోక్షణ కృతపాతకవికృతేః |
శమనాననభవకానననిరతేర్భవ శరణం
శివశంకర శివశంకర హర మే హర దురితమ్ || ౨ ||
విషయాభిధబడిశాయుధపిశితాయితసుఖతో
మకరాయితగతిసంసృతికృతసాహసవిపదమ్ |
పరమాలయ పరిపాలయ పరితాపితమనిశం
శివశంకర శివశంకర హర మే హర దురితమ్ || ౩ ||
దయితా మమ దుహితా మమ జననీ మమ జనకో
మమ కల్పితమతిసంతతిమరుభూమిషు నిరతమ్ |
గిరిజాసఖ జనితాసుఖవసతిం కురు సుఖినం
శివశంకర శివశంకర హర మే హర దురితమ్ || ౪ ||
జనినాశన మృతిమోచన శివపూజననిరతేః
అభితోఽదృశమిదమీదృశమహమావహ ఇతి హా |
గజకచ్ఛపజనితశ్రమ విమలీకురు సుమతిం
శివశంకర శివశంకర హర మే హర దురితమ్ || ౫ ||
త్వయి తిష్ఠతి సకలస్థితికరుణాత్మని హృదయే
వసుమార్గణకృపణేక్షణమనసా శివవిముఖమ్ |
అకృతాహ్నికమసుపోషకమవతాద్గిరిసుతయా
శివశంకర శివశంకర హర మే హర దురితమ్ || ౬ ||
పితరావితి సుఖదావితి శిశునా కృతహృదయౌ
శివయా హృతభయకే హృది జనితం తవ సుకృతమ్ |
ఇతి మే శివ హృదయం భవ భవతాత్తవ దయయా
శివశంకర శివశంకర హర మే హర దురితమ్ || ౭ ||
శరణాగతభరణాశ్రిత కరుణామృతజలధే
శరణం తవ చరణౌ శివ మమ సంసృతివసతేః |
పరిచిన్మయ జగదామయభిషజే నతిరవతాత్
శివశంకర శివశంకర హర మే హర దురితమ్ || ౮ ||
వివిధాధిభిరతిభీతిభిరకృతాధికసుకృతం
శతకోటిషు నరకాదిషు హతపాతకవివశమ్ |
మృడ మామవ సుకృతీభవ శివయా సహ కృపయా
శివశంకర శివశంకర హర మే హర దురితమ్ || ౯ ||
కలినాశన గరలాశన కమలాసనవినుత
కమలాపతినయనార్చిత కరుణాకృతిచరణ |
కరుణాకర మునిసేవిత భవసాగరహరణ
శివశంకర శివశంకర హర మే హర దురితమ్ || ౧౦ ||
విజితేంద్రియవిబుధార్చిత విమలాంబుజచరణ
భవనాశన భయనాశన భజితాంగితహృదయ |
ఫణిభూషణ మునివేషణ మదనాంతక శరణం
శివశంకర శివశంకర హర మే హర దురితమ్ || ౧౧ ||
త్రిపురాంతక త్రిదశేశ్వర త్రిగుణాత్మక శంభో
వృషవాహన విషదూషణ పతితోద్ధర శరణమ్ |
కనకాసన కనకాంబర కలినాశన శరణం
శివశంకర శివశంకర హర మే హర దురితమ్ || ౧౨ ||
ఇతి శ్రీశివశంకరస్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ శివ స్తోత్రనిధి
(నిత్య పారాయణ గ్రంథము)
మరిన్ని శ్రీ శివ స్తోత్రాలు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.