Read in తెలుగు / ಕನ್ನಡ / தமிழ் / English (IAST)
అష్టషష్టితమదశకమ్ (౬౮) – గోపికానాం ఆహ్లాదప్రకటనమ్
తవ విలోకనాద్గోపికాజనాః ప్రమదసఙ్కులాః పఙ్కజేక్షణ |
అమృతధారయా సమ్ప్లుతా ఇవ స్తిమితతాం దధుస్త్వత్పురోగతాః || ౬౮-౧ ||
తదను కాచన త్వత్కరాంబుజం సపది గృహ్ణతీ నిర్విశఙ్కితమ్ |
ఘనపయోధరే సంవిధాయ సా పులకసంవృతా తస్థుషీ చిరమ్ || ౬౮-౨ ||
తవ విభో పురా కోమలం భుజం నిజగలాన్తరే పర్యవేష్టయత్ |
గలసముద్గతం ప్రాణమారుతం ప్రతినిరున్ధతీవాతిహర్షులా || ౬౮-౩ ||
అపగతత్రపా కాపి కామినీ తవ ముఖాంబుజాత్పూగచర్వితమ్ |
ప్రతిగృహయ్య తద్వక్త్రపఙ్కజే నిదధతీ గతా పూర్ణకామతామ్ || ౬౮-౪ ||
వికరుణో వనే సంవిహాయ మామపగతోఽసి కా త్వామిహ స్పృశేత్ |
ఇతి సరోషయా తావదేకయా సజలలోచనం వీక్షితో భవాన్ || ౬౮-౫ ||
ఇతి ముదాకులైర్వల్లవీజనైః సమముపాగతో యామునే తటే |
మృదుకుచాంబరైః కల్పితాసనే ఘుసృణభాసురే పర్యశోభథాః || ౬౮-౬ ||
కతివిధా కృపా కేఽపి సర్వతో ధృతదయోదయాః కేచిదాశ్రితే |
కతిచిదీదృశా మాదృశేష్వపీత్యభిహితో భవాన్వల్లవీజనైః || ౬౮-౭ ||
అయి కుమారికా నైవ శఙ్క్యతాం కఠినతా మయి ప్రేమకాతరే |
మయి తు చేతసో వోఽనువృత్తయే కృతమిదం మయేత్యూచివాన్భవాన్ || ౬౮-౮ ||
అయి నిశమ్యతాం జీవవల్లభాః ప్రియతమో జనో నేదృశో మమ |
తదిహ రమ్యతాం రమ్యయామినీష్వనుపరోధమిత్యాలపో విభో || ౬౮-౯ ||
ఇతి గిరాధికం మోదమేదురైర్వ్రజవధూజనైః సాకమారమన్ |
కలితకౌతుకో రాసఖేలనే గురుపురీపతే పాహి మాం గదాత్ || ౬౮-౧౦ ||
ఇతి అష్టషష్టితమదశకం సమాప్తమ్ |
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.