Read in తెలుగు / ಕನ್ನಡ / தமிழ் / देवनागरी / English (IAST)
ಸೂತ ಉವಾಚ |
ಶಿರೋ ಮೇ ವಿಠ್ಠಲಃ ಪಾತು ಕಪೋಲೌ ಮುದ್ಗರಪ್ರಿಯಃ |
ನೇತ್ರಯೋರ್ವಿಷ್ಣುರೂಪೀ ಚ ವೈಕುಂಠೋ ಘ್ರಾಣಮೇವ ಚ || ೧ ||
ಮುನಿಸೇವ್ಯೋ ಮುಖಂ ಪಾತು ದಂತಪಂಕ್ತಿಂ ಸುರೇಶ್ವರಃ |
ವಿದ್ಯಾಧೀಶಸ್ತು ಮೇ ಜಿಹ್ವಾಂ ಕಂಠಂ ವಿಶ್ವೇಶವಂದಿತಃ || ೨ ||
ವ್ಯಾಪಕೋ ಹೃದಯಂ ಪಾತು ಸ್ಕಂಧೌ ಪಾತು ಸುಖಪ್ರದಃ |
ಭುಜೌ ಮೇ ನೃಹರಿಃ ಪಾತು ಕರೌ ಚ ಸುರನಾಯಕಃ || ೩ ||
ಮಧ್ಯಂ ಪಾತು ಸುರಾಧೀಶೋ ನಾಭಿಂ ಪಾತು ಸುರಾಲಯಃ |
ಸುರವಂದ್ಯಃ ಕಟಿಂ ಪಾತು ಜಾನುನೀ ಕಮಲಾಸನಃ || ೪ ||
ಜಂಘೇ ಪಾತು ಹೃಷೀಕೇಶಃ ಪಾದೌ ಪಾತು ತ್ರಿವಿಕ್ರಮಃ |
ಅಖಿಲಂ ಚ ಶರೀರಂ ಮೇ ಪಾತಾಂ ಗೋವಿಂದಮಾಧವೌ || ೫ ||
ಅಕಾರೋ ವ್ಯಾಪಕೋ ವಿಷ್ಣುರಕ್ಷರಾತ್ಮಕ ಏವ ಚ |
ಪಾವಕಃ ಸರ್ವಪಾಪಾನಾಮಕಾರಾಯ ನಮೋ ನಮಃ || ೬ ||
ತಾರಕಃ ಸರ್ವಭೂತಾನಾಂ ಧರ್ಮಶಾಸ್ತ್ರೇಷು ಗೀಯತೇ |
ಪುನಾತು ವಿಶ್ವಭುವನಂ ತ್ವೋಂಕಾರಾಯ ನಮೋ ನಮಃ || ೭ ||
ಮೂಲಪ್ರಕೃತಿರೂಪಾ ಯಾ ಮಹಾಮಾಯಾ ಚ ವೈಷ್ಣವೀ |
ತಸ್ಯಾ ಬೀಜೇನ ಸಂಯುಕ್ತೋ ಯಕಾರಾಯ ನಮೋ ನಮಃ || ೮ ||
ವೈಕುಂಠಾಧಿಪತಿಃ ಸಾಕ್ಷಾದ್ವೈಕುಂಠಪದದಾಯಕಃ |
ವೈಜಯಂತೀಸಮಾಯುಕ್ತೋ ವಿಕಾರಾಯ ನಮೋ ನಮಃ || ೯ ||
ಸ್ನಾತಃ ಸರ್ವೇಷು ತೀರ್ಥೇಷು ಪೂತೋ ಯಜ್ಞಾದಿಕರ್ಮಸು |
ಪಾವನೋ ದ್ವಿಜಪಂಕ್ತೀನಾಂ ಠಕಾರಾಯ ನಮೋ ನಮಃ || ೧೦ ||
ವಾಹನಂ ಗರುಡೋ ಯಸ್ಯ ಭುಜಂಗಃ ಶಯನಂ ತಥಾ |
ವಾಮಭಾಗೇ ಚ ಲಕ್ಷ್ಮೀಶ್ಚ ಲಕಾರಾಯ ನಮೋ ನಮಃ || ೧೧ ||
ನಾರದಾದಿಸಮಾಯುಕ್ತಂ ವೈಷ್ಣವಂ ಪರಮಂ ಪದಮ್ |
ಲಭತೇ ಮಾನವೋ ನಿತ್ಯಂ ವೈಷ್ಣವಂ ಧರ್ಮಮಾಶ್ರಿತಃ || ೧೨ ||
ವ್ಯಾಧಯೋ ವಿಲಯಂ ಯಾಂತಿ ಪೂರ್ವಕರ್ಮಸಮುದ್ಭವಾಃ |
ಭೂತಾನಿ ಚ ಪಲಾಯಂತೇ ಮಂತ್ರೋಪಾಸಕದರ್ಶನಾತ್ || ೧೩ ||
ಇದಂ ಷಡಕ್ಷರಂ ಸ್ತೋತ್ರಂ ಯೋ ಜಪೇಚ್ಛ್ರದ್ಧಯಾನ್ವಿತಃ |
ವಿಷ್ಣುಸಾಯುಜ್ಯಮಾಪ್ನೋತಿ ಸತ್ಯಂ ಸತ್ಯಂ ನ ಸಂಶಯಃ || ೧೪ ||
ಇತಿ ಶ್ರೀಪದ್ಮಪುರಾಣೇ ಸೂತಶೌನಕಸಂವಾದೇ ಶ್ರೀ ವಿಠ್ಠಲ ಕವಚಮ್ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.