Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀ ಅಥರ್ವಣ ಭದ್ರಕಾಳೀ ಮಹಾ ಮಹಾ ಪ್ರತ್ಯಂಗಿರಾ ಪರಮೇಶ್ವರಿ ಶುದ್ಧಶಕ್ತಿ ಸಂಬುದ್ಧ್ಯಂತ ಮಾಲಾ ಮಹಾ ಮಂತ್ರಸ್ಯ ಉಪಸ್ಥೇಂದ್ರಿಯಾಧಿಷ್ಠಾಯೀ ವರುಣಾದಿತ್ಯ ಅಂಗಿರಾ ಪ್ರತ್ಯಂಗಿರಾ ವಿಜಯ ಭೈರವಾದಿ ಸ್ವರ್ಣಾಕರ್ಷಣಭೈರವಾತ್ಮಕ ಧ್ಯಾನ ಪರಿಪೂರ್ಣಾನಂದ ಪರಾಶಿವ ಋಷಿಃ ಅನುಷ್ಟುಪ್ ಛಂದಃ ಮಹೋಗ್ರ ಕ್ಷಕಾರ ಭಟ್ಟಾರಕ ಮಹಾಪೀಠಸ್ಥಿತ ಮಹಾಕಾಲಾಂಗನಿಲಯಾ ಶ್ರೀ ಬ್ರಾಹ್ಮೀ ನಾರಾಯಣೀ ರೌದ್ರೀ ಉಗ್ರಕೃತ್ಯಾ ಮಹಾಕೃತ್ಯಾತ್ಮಕ ಅಥರ್ವಣ ಭದ್ರಕಾಳೀ ಮಹಾ ಮಹಾ ಪ್ರತ್ಯಂಗಿರಾ ಪರಮೇಶ್ವರೀ ಶ್ರೀಮಾತಾ ದೇವತಾ ಕ್ಷಂ ಬೀಜಂ ಫಟ್ ಶಕ್ತಿಃ ಸ್ವಾಹಾ ಕೀಲಕಂ ಶ್ರೀಮಹಾಪ್ರತ್ಯಂಗಿರಾ ಖಡ್ಗಸಿದ್ಧ್ಯರ್ಥೇ ವಿನಿಯೋಗಃ ||
ಕರನ್ಯಾಸಃ –
ಕ್ಷಾಂ ಅಂಗುಷ್ಠಾಭ್ಯಾಂ ನಮಃ |
ಕ್ಷೀಂ ತರ್ಜನೀಭ್ಯಾಂ ನಮಃ |
ಕ್ಷೂಂ ಮಧ್ಯಮಾಭ್ಯಾಂ ನಮಃ |
ಕ್ಷೈಂ ಅನಮಿಕಾಭ್ಯಾಂ ನಮಃ |
ಕ್ಷೌಂ ಕನಿಷ್ಠಿಕಾಭ್ಯಾಂ ನಮಃ |
ಕ್ಷಃ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಕ್ಷಾಂ ಹೃದಯಾಯ ನಮಃ |
ಕ್ಷೀಂ ಶಿರಸೇ ಸ್ವಾಹಾ |
ಕ್ಷೂಂ ಶಿಖಾಯೈ ವಷಟ್ |
ಕ್ಷೈಂ ಕವಚಾಯ ಹುಮ್ |
ಕ್ಷೌಂ ನೇತ್ರತ್ರಯಾಯ ವೌಷಟ್ |
ಕ್ಷಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಆಶಾಂಬರಾ ಮುಕ್ತಕಚಾ ಘನಚ್ಛವಿ-
-ರ್ಧ್ಯೇಯಾ ಸಚರ್ಮಾಸಿ ಕರಾ ಹಿ ಭೂಷಣಾ |
ದಂಷ್ಟ್ರೋಗ್ರವಕ್ತ್ರಾ ಗ್ರಸಿತಾ ಹಿತಾ ತ್ವಯಾ
ಪ್ರತ್ಯಂಗಿರಾ ಶಂಕರ ತೇಜಸೇರಿತಾ || ೧ ||
ಸಿಂಹೀಂ ಸಿಂಹಮುಖೀಂ ಸಖೀಂ ಭಗವತೀಂ ಶ್ರೀಭೈರವಸ್ಯೋಲ್ಲಸತ್
ಶೂಲ ಸ್ಥೂಲ ಕಪಾಲ ಪಾಶ ಡಮರು ವ್ಯಾಘ್ರಾಗ್ರ ಹಸ್ತಾಂಬುಜಾಮ್ |
ದಂಷ್ಟ್ರಾಂ ಕೋಟಿ ವಿಶಂಕಟಾಸ್ಯ ಕುಹರಾಮಾರಕ್ತನೇತ್ರತ್ರಯಾಂ
ಬಾಲೇಂದೂಜ್ಜ್ವಲ ಮೌಳಿಕಾಂ ಭಗವತೀಂ ಪ್ರತ್ಯಂಗಿರಾಂ ಭಾವಯೇ || ೨ ||
ಪಂಚಪೂಜಾ –
ಲಂ ಪೃಥಿವ್ಯಾತ್ಮಿಕಾಯೈ ಗಂಧಂ ಸಮರ್ಪಯಾಮಿ |
ಹಂ ಆಕಾಶಾತ್ಮಿಕಾಯೈ ಪುಷ್ಪೈಃ ಪೂಜಯಾಮಿ |
ಯಂ ವಾಯ್ವಾತ್ಮಿಕಾಯೈ ಧೂಪಮಾಘ್ರಾಪಯಾಮಿ |
ರಂ ಅಗ್ನ್ಯಾತ್ಮಿಕಾಯೈ ದೀಪಂ ದರ್ಶಯಾಮಿ |
ವಂ ಅಮೃತಾತ್ಮಿಕಾಯೈ ಅಮೃತಂ ಮಹಾನೈವೇದ್ಯಂ ನಿವೇದಯಾಮಿ |
ಸಂ ಸರ್ವಾತ್ಮಿಕಾಯೈ ಸರ್ವೋಪಚಾರ ಪೂಜಾಂ ಸಮರ್ಪಯಾಮಿ |
ಅಥ ದ್ವಿಸಹಸ್ರಾಕ್ಷರೀ ಖಡ್ಗಮಾಲಾ ಮಂತ್ರಃ –
ಓಂ ಐಂ ಹ್ರೀಂ ಕ್ಲೀಂ ಕ್ಷ್ಮ್ರೌಂ ಕ್ರೀಂ ಶ್ರೀಂ ಲಂ ಕ್ಷಂ ಹುಂ ಫಟ್ ಸ್ವಾಹಾ ||
ಓಂ ನಮೋ ಪ್ರತ್ಯಂಗಿರೇ ಹೃದಯದೇವಿ ಶಿರೋದೇವಿ ಶಿಖಾದೇವಿ ಕವಚದೇವಿ ನೇತ್ರದೇವಿ ಅಸ್ತ್ರದೇವಿ ಕಾಳಿ ಕಪಾಲಿನಿ ಕುಲ್ಲೇ ಕುರುಕುಲ್ಲೇ ವಿರೋಧಿನಿ ವಿಪ್ರಚಿತ್ತೇ ಉಗ್ರೇ ಉಗ್ರಪ್ರಭೇ ದೀಪ್ತೇ ನೀಲೇ ಘನೇ ಬಲಾಕೇ ಮಾತ್ರೇ ಮುದ್ರೇ ಮಿತೇ ಪರಮಾತ್ಮಿಕೇ ಪರಮೇಶ್ವರಪರಮೇಶ್ವರಿ ಅಂಗಿರಾ ಪ್ರತ್ಯಂಗಿರಾ ಮಯಿ ಮಹಾದೇವ್ಯಂಬೇ ಮಹಾದೇವಾನಂದಮಯಿ ತ್ರಿಪುರಾನಂದಮಯಿ ಚಲಚ್ಚಿತ್ತಾನಂದಮಯಿ ಚಲಾಚಲಾನಂದಮಯಿ ಕುಮಾರಾನಂದಮಯಿ ಕ್ರೋಧಾನಂದಮಯಿ ವರದಾನಂದಮಯಿ ಸ್ಮರದೀಪಾನಂದಮಯಿ ಶ್ರೀಮತ್ಸೇನಾನಂದಮಯಿ ಸುಧಾಕರಾನಂದಮಯಿ ಪ್ರಹ್ಲಾದಾನಂದಮಯಿ ಸನಕಾನಂದಮಯಿ ವಸಿಷ್ಠಾನಂದಮಯಿ ಭೋಗಾನಂದಮಯಿ ಮೀನಾನಂದಮಯಿ ಗೋರಕ್ಷಕಾನಂದಮಯಿ ಭೋಜದೇವಾನಂದಮಯಿ ಪ್ರಜಾಪತ್ಯಾನಂದಮಯಿ ಮೂಲದೇವಾನಂದಮಯಿ ರಂತಿದೇವಾನಂದಮಯಿ ವಿಘ್ನೇಶ್ವರಾನಂದಮಯಿ ಹುತಾಶನಾನಂದಮಯಿ ಸಮಯಾನಂದಮಯಿ ಸಂತೋಷಾನಂದಮಯಿ ಗಣೇಶಿ ದುರ್ಗೇ ವಟುಕೇಶ್ವರಿ ಕ್ಷೇತ್ರಪಾಲಾಂಬೇ ಸರಸ್ವತಿ ಲಕ್ಷ್ಮಿ ಶಂಖನಿಧೇ ಪದ್ಮನಿಧೇ ಕ್ಷೇತ್ರಪಾಲೇಶ್ವರಿ ಅಘೋರೇ ಶರಭೇಶ್ವರಿ ಮಹಾಸುದರ್ಶನಶಕ್ತೇ ಐಂದ್ರಿ ಆಗ್ನೇಯಿ ಯಾಮ್ಯೇ ನೈರೃತ್ಯೇ ವಾರುಣಿ ವಾಯವ್ಯೇ ಕೌಬೇರಿ ಈಶಾನಿ ಬ್ರಾಹ್ಮಿ ವೈಷ್ಣವಿ ವಾಸ್ತುಪುರುಷಮಯಿ ವಜ್ರಿಣಿ ಶಕ್ತಿನಿ ದಂಡಿನಿ ಖಡ್ಗಿನಿ ಪಾಶಿನಿ ಅಂಕುಶಿನಿ ಗದಿನಿ ತ್ರಿಶೂಲಿನಿ ಪದ್ಮಿನಿ ಚಕ್ರಿಣಿ ಸರ್ವಸ್ತಂಭಿನಿ ಮುದ್ರಾಶಕ್ತೇ ಭೂಪುರಾತ್ಮಕ ತ್ರೈಲೋಕ್ಯ ಸರ್ವಸಮ್ಮೋಹನ ಚಕ್ರಸ್ವಾಮಿನಿ ನೀಲಕಂಠಭೈರವಶಕ್ತಿಸಹಿತ ಜಯಾದಿ ಪ್ರಥಮಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೧ ||
ಕೌಲಾನಂದಮಯಿ ಪರಮಾಚಾರ್ಯಮಯಿ ಪರಮಗುರುಮಯಿ ಪರಮೇಷ್ಠಿ ಗುರುಮಯಿ ಪ್ರಹ್ಲಾದನಾಥಮಯಿ ಸಕಲಾನಂದನಾಥಮಯಿ ಕುಮಾರಾನಂದನಾಥಮಯಿ ದಿವ್ಯೌಘಮಯಿ ವಸಿಷ್ಠಾನಂದನಾಥಮಯಿ ಕ್ರೋಧಾನಂದನಾಥಮಯಿ ಸುರಾನಂದನಾಥಮಯಿ ಸಿದ್ಧೌಘಮಯಿ ಧ್ಯಾನಾನಂದನಾಥಮಯಿ ಬೋಧಾನಂದನಾಥಮಯಿ ಸುಖಾನಂದನಾಥಮಯಿ ಮಾನೌಘಮಯಿ ಸರ್ವಸಮ್ಮೋಹಿನೀ ಮುದ್ರಾಶಕ್ತೇ ತ್ರಿವಲಯರೂಪ ಗುರುಮಂಡಲಾತ್ಮಕ ಸೃಷ್ಟಿಚಕ್ರಸ್ವಾಮಿನಿ ವಿಶ್ವರೂಪಭೈರವಶಕ್ತಿಸಹಿತ ಪ್ರೇತಾಸನಾದಿ ದ್ವಿತೀಯಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೨ ||
ಅಸಿತಾಂಗಭೈರವಿ ಬ್ರಾಹ್ಮಿ ರುರುಭೈರವಿ ಮಹೇಶ್ವರಿ ಚಂಡಭೈರವಿ ಕೌಮಾರಿ ಕ್ರೋಧಭೈರವಿ ವೈಷ್ಣವಿ ಉನ್ಮತ್ತಭೈರವಿ ವಾರಾಹಿ ಕಪಾಲಭೈರವಿ ಮಾಹೇಂದ್ರಿ ಭೀಷಣಭೈರವಿ ಚಾಮುಂಡೇ ಸಂಹಾರಭೈರವಿ ನಾರಸಿಂಹಿ ಸರ್ವಸಂಕ್ಷೋಭಿಣೀ ಮುದ್ರಾಶಕ್ತೇ ಷೋಡಶದಳರೂಪ ಅಷ್ಟಭೈರವಶಕ್ತಿಸಹಿತ ಅಷ್ಟಮಾತೃಕಾತ್ಮಕ ಸರ್ವಾಕರ್ಷಣಚಕ್ರಸ್ವಾಮಿನಿ ಮೇಘನಾಥಭೈರವಶಕ್ತಿಸಹಿತ ಊರ್ಧ್ವಕೇಶೀತ್ಯಾದಿ ತೃತೀಯಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೩ ||
ಕಾಮರೂಪ ಪೀಠಶಕ್ತ್ಯಾತ್ಮಿಕೇ ಮಲಯಗಿರಿ ಪೀಠಾತ್ಮಿಕೇ ಕೊಲ್ಹಾಗಿರಿ ಪೀಠೇಶ್ವರಿ ಕಾಲಾಂತಕ ಪೀಠಶಕ್ತೇ ಚೌಹಾರ ಪೀಠಾಂಬೇ ಜಾಲಂಧರ ಪೀಠರೂಪಿಣೀ ಉಡ್ಡಿಯಾಣ ಪೀಠಸ್ಥಿತೇ ದೇವಕೂಟ ಪೀಠಶ್ರೀಃ ಸರ್ವವಿದ್ರಾವಿಣೀ ಮುದ್ರಾಶಕ್ತೇ ಅಷ್ಟದಳಗ್ರಂಥಿಸ್ಥಾನರೂಪ ಅಷ್ಟಶಕ್ತಿಪೀಠಾತ್ಮಕಃ ಅಂತರ್ಬಹಿರ್-ಮಹಾಶತ್ರುಸಂಹಾರಚಕ್ರಸ್ವಾಮಿನಿ ಗದಾಧರಭೈರವಶಕ್ತಿಸಹಿತ ರಾಕ್ಷಸೀತ್ಯಾದಿ ತುರೀಯಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೪ ||
ಹೇತುಕಭೈರವಿ ವೇತಾಳಭೈರವಿ ತ್ರಿಪುರಾಂತಕಭೈರವಿ ಅಗ್ನಿಜಿಹ್ವಭೈರವಿ ಕಾಲಾಂತಕಭೈರವಿ ಏಕಪಾದಭೈರವಿ ಕಪಾಲಭೈರವಿ ಭೀಮರೂಪಭೈರವಿ ಮಲಯಭೈರವಿ ಹಾಟಕೇಶ್ವರಭೈರವಿ ಸರ್ವಜೃಂಭಿಣೀ ಮುದ್ರಾಶಕ್ತೇ ವೃತ್ತಮಂಡಲರೂಪ ದಶಭೈರವಶಕ್ತ್ಯಾತ್ಮಕ ಸರ್ವಸ್ಥೂಲಭೇದನಚಕ್ರಸ್ವಾಮಿನಿ ಸಂಹಾರಭೈರವಶಕ್ತಿಸಹಿತ ಭೈರವೀತ್ಯಾದಿ ಪಂಚಮಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೫ ||
ಸರ್ವಸ್ತಂಭಿನಿ ಸರ್ವಸಂಕ್ಷೋಭಿಣಿ ಸರ್ವವಿದ್ರಾವಿಣಿ ಸರ್ವಭ್ರಾಮಿಣಿ ಸರ್ವಸಮ್ಮೋದಿನಿ ಸರ್ವಜೃಂಭಿಣಿ ಸರ್ವರೌದ್ರಿಣಿ ಸರ್ವಸಂಹಾರಿಣಿ ಸರ್ವಬೀಜಮುದ್ರಾಶಕ್ತೇ ದ್ವಿಚತುರಸ್ರ ಅಷ್ಟಯೋನಿರೂಪ ಅಷ್ಟಮುದ್ರಾಶಕ್ತ್ಯಾತ್ಮಕ ಸರ್ವಸೂಕ್ಷ್ಮೋಚ್ಚಾಟನಚಕ್ರಸ್ವಾಮಿನಿ ಕುಲಭೈರವಶಕ್ತಿಸಹಿತ ಕಾಳೀತ್ಯಾದಿ ಷಷ್ಟಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೬ ||
ಹೃದಯಶಕ್ತಿ ವಾಮಿನಿ ಶಿರಸಶಕ್ತಿ ನೀಲಿನಿ ಶಿಖಾಶಕ್ತಿ ಚಕ್ರಿಣಿ ಕವಚಶಕ್ತಿ ಖಡ್ಗಿನಿ ನೇತ್ರಶಕ್ತಿ ಪಾಶಾಂಗಿ ಅಸ್ತ್ರಶಕ್ತಿ ಕಂಪಿನಿ ಸರ್ವಸಂಹಾರಿಣಿಮುದ್ರಾಶಕ್ತೇ ಷಟ್ಕೋಣರೂಪ ಷಡಂಗಶಕ್ತ್ಯಾತ್ಮಕ ಸರ್ವಲಯಾಂಗಚಕ್ರಸ್ವಾಮಿನಿ ತ್ರಿನೇತ್ರಭೈರವಶಕ್ತಿಸಹಿತ ಕೇಶಿನ್ಯಾದಿ ಸಪ್ತಮಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೭ ||
ಮಧುರಕಾಳಿ ಭದ್ರಕಾಳಿ ನಿತ್ಯಕಾಳಿ ಸರ್ವಯೋನಿಮುದ್ರಾಶಕ್ತೇ ಮಹಾಯೋನಿರೂಪ ಅಷ್ಟೋತ್ತರಶತ ಮಹಾಕಾಳೀಶಕ್ತ್ಯಾತ್ಮಕ ಸರ್ವತಿರೋಧಾನಚಕ್ರಸ್ವಾಮಿನಿ ಈಶಭೈರವಶಕ್ತಿಸಹಿತ ಮುಂಡಾಗ್ರಧಾರಿಣೀತ್ಯಾದಿ ಅಷ್ಟಮಾಷ್ಟಕೋಟಿಯೋಗಿನೀವೃಂದ ಮಯೂಕಾವೃತೇ || ೮ ||
ವಿಜಯಭೈರವ ಮಹಾವೀರಶಕ್ತೇ ಸರ್ವಾಕರ್ಷಣ ಭೈರವನಾಥೇ ಮಹಾಕಾಲಕಾಲಭೈರವ ಪ್ರಾಣನಾಡಿ ದಕ್ಷಿಣಕಾಳಿ ಭದ್ರಕಾಳಿ ರುದ್ರಭೂಕಾಳಿ ಕಾಲಕಾಳಿ ಗುಹ್ಯಕಾಳಿ ಕಾಮಕಳಾಕಾಳಿ ಧನಕಾಳಿ ಸಿದ್ಧಿಕಾಳಿ ಚಂಡಿಕಾಳಿ ನವಕನ್ಯಾದಿರೂಪೇ ಶ್ರೀಮಚ್ಛ್ರೀಪ್ರತ್ಯಂಗಿರೇ ವಟುಕೇಶ್ವರಿ ಯೋಗಿನ್ಯಃ ಕ್ಷೇತ್ರಪಾಲಮಯಿ ಗಣೇಶ ಸುಧಾಮಯಿ ದ್ವಾದಶಾದಿತ್ಯಮಯಿ ಏಕಾದಶರುದ್ರಮಯಿ ಸರ್ವತ್ರಿಖಂಡಾಮುದ್ರಾಶಕ್ತೇ ಶೂಲಿನಿ ಕಪಾಲಿನಿ ಡಮರುಕವತಿ ಬ್ರಾಹ್ಮಿಪ್ರತ್ಯಂಗಿರೇ ಮಹಾಕೃತ್ಯಾಪ್ರತ್ಯಂಗಿರೇ ಅಕ್ಷಮಾಲಾ ಕುಂಡಿಕಾ ಪದ್ಮ ಪಾನಪಾತ್ರ ಬಾಣ ಚಾಪ ಖಡ್ಗ ಚರ್ಮ ಕುಲಿಶದಂಡ ಗದಾ ಶಕ್ತಿ ಚಕ್ರ ಪಾಶ ತ್ರಿಶೂಲದಂಡ ಪರಶು ಶಂಖಾದಿ ಸಹಸ್ರಕೋಟ್ಯಾಯುಧಧಾರಿಣಿ ಶತಸಹಸ್ರಕೋಟಿಸಿಂಹಾಸನೇ ಸಹಸ್ರವದನೇ ಸಿಂಹವಕ್ತ್ರೇ ಜ್ವಾಲಾಜಿಹ್ವೇ ಕರಾಳದಂಷ್ಟ್ರೇ ಅಜಿತೇ ಅಪರಾಜಿತೇ ಸರ್ವವಿಘ್ನನಾಶಿನಿ ಸರ್ವಸಂಕಟನಿವಾರಿಣಿ ಸರ್ವಾರ್ಥಸು ಮಂತ್ರಸಿದ್ಧಿಪ್ರದೇ ಸರ್ವದುರ್ಮಂತ್ರವಿಧ್ವಂಸಿನಿ ಪರಮಂತ್ರೋಚ್ಚಾಟಿನಿ ಪರಮಾನುಗ್ರಹ ಕ್ಷಿಪ್ರಪ್ರಸಾದಿನಿ ಸರ್ವಾನಂದಪರಿಪೂರ್ಣ ಶುದ್ಧಚೈತನ್ಯ ಮಹಾಮಹಾಜ್ವಲಜ್ಜ್ವಾಲಾ ಮಹಾಬಿಂದುಚಕ್ರಸ್ವಾಮಿನಿ ಮಹಾಚತುಷ್ಷಷ್ಟಿಕೋಟಿಭೈರವಶಕ್ತಿಸಹಿತ ಮಹಾಚತುಷ್ಷಷ್ಟಿಕೋಟಿಯೋಗಿನೀವೃಂದ ಮಯೂಕಾವೃತೇ || ೯ ||
ಸರ್ವತಂತ್ರಾತ್ಮಿಕೇ ಸರ್ವಯಂತ್ರಾತ್ಮಿಕೇ ಸರ್ವಮಂತ್ರಾತ್ಮಿಕೇ ಸರ್ವನಾದಾತ್ಮಿಕೇ ಸರ್ವವಿದ್ಯಾತ್ಮಿಕೇ ಸರ್ವಸರ್ವಾತ್ಮಿಕೇ ಶ್ರೀಶಾರದೇ ಮಹಾಮಹಾಮಾಯೇ ಮಹಾಮಹಾಕಾಳಿ ಮಹಾಮಹಾಮಾರಿ ಮಹಾಯೋಗೇಶ್ವರಿ ಮಹಾಕಾಲರಾತ್ರಿ ಮಹಾಮೋಹರಾತ್ರಿ ಮಹಾಕಾಲಚಕ್ರಮಹಾಸಾಮ್ರಾಜ್ಞಿ ಮಹೇಶ್ವರಮಹಾಕಲ್ಪಮಹಾತಾಂಡವಮಹಾಸಾಕ್ಷಿಣಿ ಅಖಿಲಾಂಡಕೋಟಿಬ್ರಹ್ಮಾಂಡನಾಯಿಕೇ ಮಹಾಮಹಾಪ್ರತ್ಯಂಗಿರೇ ನಮಸ್ತೇ ನಮಸ್ತೇ ನಮಸ್ತೇ ನಮಃ ||
ಸ್ವಾಹಾ ಫಟ್ ಹುಂ ಕ್ಷಂ ಲಂ ಶ್ರೀಂ ಕ್ರೀಂ ಕ್ಷ್ಮ್ರೌಂ ಕ್ಲೀಂ ಹ್ರೀಂ ಐಂ ಓಂ ||
ಪ್ರಾರ್ಥನಾ –
ಬ್ರಹ್ಮಸ್ವರೂಪೇ ಬ್ರಹ್ಮೇಶಿ ಬ್ರಹ್ಮಾಸ್ತ್ರಖಡ್ಗಧಾರಿಣಿ |
ಬ್ರಾಹ್ಮಿ ಪ್ರತ್ಯಂಗಿರೇ ದೇವಿ ಅವ ಬ್ರಹ್ಮ ದ್ವಿಷೋ ಜಹಿ || ೧ ||
ವಿಷ್ಣುರೂಪೇ ವೈಷ್ಣವಿ ಚಕ್ರಾಸ್ತ್ರಖಡ್ಗಧಾರಿಣಿ |
ನಾರಾಯಣಿ ಪ್ರತ್ಯಂಗಿರೇ ಮಮ ಶತ್ರೂನ್ ವಿದ್ವೇಷಯ || ೨ ||
ರುದ್ರಸ್ವರೂಪೇ ರುದ್ರೇಶಿ ರುದ್ರಾಸ್ತ್ರಖಡ್ಗಧಾರಿಣಿ |
ರೌದ್ರಿ ಪ್ರತ್ಯಂಗಿರೇ ದೇವಿ ಮಮ ಶತ್ರೂನುಚ್ಚಾಟಯ || ೩ ||
ಉಗ್ರಸ್ವರೂಪೇ ಉಗ್ರೇಶಿ ಉಗ್ರಾಸ್ತ್ರಖಡ್ಗಧಾರಿಣಿ |
ಉಗ್ರಕೃತ್ಯಾ ಪ್ರತ್ಯಂಗಿರೇ ಉಗ್ರಾಭಿಚಾರ್ಯಾನ್ನಾಶಯ || ೪ ||
ಅಥರ್ವೇಶಿ ಭದ್ರಕಾಳಿ ಅಥರ್ವಖಡ್ಗಧಾರಿಣಿ |
ಮಹಾಪ್ರತ್ಯಂಗಿರೇ ದೇವಿ ರಕ್ಷ ಮಾಂ ಶರಣಾಗತಮ್ || ೫ ||
ಮಹಾಕೃತ್ಯೇ ಗೌರೀಶ್ವರಿ ಮಹಾಸ್ತ್ರಖಡ್ಗಧಾರಿಣಿ |
ಮಹಾಕೃತ್ಯಾ ಪ್ರತ್ಯಂಗಿರೇ ಮಹಾಕ್ಷುದ್ರಾನ್ ವಿನಾಶಯ || ೬ ||
ನವನಾಥಾವೃತಾತ್ಮಿಕಾಂ ಷಟ್ತ್ರಿಂಶತ್ತತ್ತ್ವನಾಯಿಕಾಮ್ |
ನಿತ್ಯಾ ಷೋಡಶಿಕಾನ್ ವಂದೇ ಘಟಿಕಾವರಣೋಪೇತಮ್ || ೭ ||
ತಿಥಿ ವಾರ ನಕ್ಷತ್ರಾದಿ ಯೋಗ ಕರಣ ರೂಪಿಣೀಮ್ |
ಕಾಲಚಕ್ರಾತ್ಮಿಕಾಂ ಧ್ಯಾಯೇತ್ ಕಾಲಸ್ಯೋಲ್ಲಾಸಿನೀಂ ಸದಾ || ೮ ||
ಯಾ ದೇವಿ ಸರ್ವಭೂತೇಷು ಬುದ್ಧಿರೂಪೇಣ ಸಂಸ್ಥಿತಾ |
ನಮಸ್ತಸ್ಯೈ ನಮಸ್ತಸ್ಯೈ ನಮಸ್ತಸ್ಯೈ ನಮೋ ನಮಃ || ೯ ||
ಫಲಶ್ರುತಿಃ –
ಸ್ಮೃತಿಮಾತ್ರಾ ಹಿ ವಿದ್ಯೈಷ ಭೋಗಮೋಕ್ಷಪ್ರದಾಯಿನಿ |
ಸರ್ವಕಾಮರಹಸ್ಯಾರ್ಥಾಃ ಸ್ಮರಣಾತ್ ಪಾಪನಾಶಿನಿ || ೧ ||
ಅಪಸ್ಮಾರ ಜ್ವರ ವ್ಯಾಧಿ ಮೃತ್ಯು ಕ್ಷಾಮಾದಿಜೇ ಭಯೇ |
ಆಪತ್ಕಾಲೇ ಗೃಹಭಯೇ ವ್ಯಸನೇಷ್ವಾಭಿಚಾರಿಕೇ || ೨ ||
ಅನ್ಯೇಷ್ವಪಿ ಚ ದೋಷೇಷು ಮಾಲಾಮಂತ್ರಂ ಸ್ಮರೇನ್ನರಃ |
ಸರ್ವೋಪದ್ರವನಿರ್ಮುಕ್ತೋ ಸಾಕ್ಷಾತ್ ಶಿವಮಯೋ ಭವೇತ್ || ೩ ||
ಮಾಲಾಮಂತ್ರಮಿದಂ ಗುಹ್ಯಂ ಪೂರ್ಣಾನಂದಪ್ರಕೀರ್ತಿತಮ್ |
ಏಕವಾರಜಪಧ್ಯಾನಾತ್ ಸರ್ವಪೂಜಾಫಲಂ ಲಭೇತ್ || ೪ ||
ಸರ್ವಬಾಧಾಪ್ರಶಮನಂ ಧಾನ್ಯಗೋತ್ರಧನೋಚ್ಚಯಃ |
ಪ್ರತ್ಯಂಗಿರಾ ಪ್ರಸಾದೇನ ಭವಿಷ್ಯತಿ ನ ಸಂಶಯಃ || ೫ ||
ಬ್ರಾಹ್ಮೀ ನಾರಾಯಣೀ ರೌದ್ರೀ ಉಗ್ರಕೃತ್ಯಾ ಮಹಾಕೃತಿಃ |
ಭದ್ರಕಾಳ್ಯಃ ಪ್ರಸಾದೇನ ಸರ್ವತ್ರ ವಿಜಯೀ ಭವೇತ್ || ೬ ||
ಇತಿ ಶ್ರೀ ಪ್ರತ್ಯಂಗಿರಾ ಖಡ್ಗಮಾಲಾ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.