Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀದೇವ್ಯುವಾಚ |
ದೇವ ದೇವ ಮಹಾದೇವ ಸರ್ವಜ್ಞ ಕರುಣಾನಿಧೇ |
ಪ್ರತ್ಯಂಗಿರಾಯಾಃ ಕವಚಂ ಸರ್ವರಕ್ಷಾಕರಂ ನೃಣಾಮ್ || ೧ ||
ಜಗನ್ಮಂಗಳಕಂ ನಾಮ ಪ್ರಸಿದ್ಧಂ ಭುವನತ್ರಯೇ |
ಸರ್ವರಕ್ಷಾಕರಂ ನೄಣಾಂ ರಹಸ್ಯಮಪಿ ತದ್ವದ || ೨ ||
ಶ್ರೀಶಿವ ಉವಾಚ |
ಶೃಣು ಕಳ್ಯಾಣಿ ವಕ್ಷ್ಯಾಮಿ ಕವಚಂ ಶತ್ರುನಿಗ್ರಹಮ್ |
ಪರಪ್ರೇಷಿತಕೃತ್ಯಾದಿ ತಂತ್ರಶಲ್ಯಾದಿಭಕ್ಷಣಮ್ || ೩ ||
ಮಹಾಭಿಚಾರಶಮನಂ ಸರ್ವಕಾರ್ಯಪ್ರದಂ ನೃಣಾಮ್ |
ಪರಸೇನಾಸಮೂಹೇ ಚ ರಾಜ್ಞಾಮುದ್ದಿಶ್ಯ ಮಂಡಲಾತ್ || ೪ ||
ಜಪಮಾತ್ರೇಣ ದೇವೇಶಿ ಸಮ್ಯಗುಚ್ಚಾಟನಂ ಭವೇತ್ |
ಸರ್ವತಂತ್ರಪ್ರಶಮನಂ ಕಾರಾಗೃಹವಿಮೋಚನಮ್ || ೫ ||
ಕ್ಷಯಾಪಸ್ಮಾರಕುಷ್ಠಾದಿ ತಾಪಜ್ವರನಿವಾರಣಮ್ |
ಪುತ್ರದಂ ಧನದಂ ಶ್ರೀದಂ ಪುಣ್ಯದಂ ಪಾಪನಾಶನಮ್ || ೬ ||
ವಶ್ಯಪ್ರದಂ ಮಹಾರಾಜ್ಞಾಂ ವಿಶೇಷಾಚ್ಛತ್ರುನಾಶನಮ್ |
ಸರ್ವರಕ್ಷಾಕರಂ ಶೂನ್ಯಗ್ರಹಪೀಡಾವಿನಾಶನಮ್ || ೭ ||
ಬಿಂದುತ್ರಿಕೋಣಂ ತ್ವಥ ಪಂಚಕೋಣಂ
ದಳಾಷ್ಟಕಂ ಷೋಡಶಪತ್ರಯುಕ್ತಮ್ |
ಮಹೀಪುರೇಣಾವೃತಮಂಬುಜಾಕ್ಷೀ
ಲಿಖೇನ್ಮನೋರಂಜನಮಗ್ರತೋಪಿ || ೮ ||
ಮಹೀಪುರಾತ್ವೂರ್ವಮೇವ ದ್ವಾತ್ರಿಂಶತ್ಪತ್ರಮಾಲಿಖೇತ್ |
ಅಂತರೇ ಭೂಪುರಂ ಲೇಖ್ಯಂ ಕೋಣಾಗ್ರೇ ಕ್ಷಾಂ ಸಮಾಲಿಖೇತ್ || ೯ ||
ಭದ್ರಕಾಳೀಮನುಂ ಲೇಖ್ಯಂ ಮಂತ್ರಂ ಪ್ರತ್ಯಂಗಿರಾತ್ಮಕಮ್ |
ಭದ್ರಕಾಳ್ಯುಕ್ತಮಾರ್ಗೇಣ ಪೂಜ್ಯಾಂ ಪ್ರತ್ಯಂಗಿರಾಂ ಶಿವಾಮ್ || ೧೦ ||
ರಕ್ತಪುಷ್ಪೈಃ ಸಮಭ್ಯರ್ಚ್ಯ ಕವಚಂ ಜಪಮಾಚರೇತ್ |
ಸಕೃತ್ಪಠನಮಾತ್ರೇಣ ಸರ್ವಶತ್ರೂನ್ ವಿನಾಶಯೇತ್ || ೧೧ ||
ಶತ್ರವಶ್ಚ ಪಲಾಯಂ ತೇ ತಸ್ಯ ದರ್ಶನಮಾತ್ರತಃ |
ಮಾಸಮಾತ್ರಂ ಜಪೇದ್ದೇವಿ ಸರ್ವಶತ್ರೂನ್ ವಿನಾಶಯೇತ್ || ೧೨ ||
ಅಥ ಕವಚಮ್ –
ಯಾಂ ಕಲ್ಪಯಂತೀ ಪ್ರದಿಶಂ ರಕ್ಷೇತ್ಕಾಳೀ ತ್ವಥರ್ವಣೀ |
ರಕ್ಷೇತ್ಕರಾಳಾತ್ವಾಗ್ನೇಯ್ಯಾಂ ಸದಾ ಮಾಂ ಸಿಂಹವಾಹಿನೀ || ೧೩ ||
ಯಾಮ್ಯಾಂ ದಿಶಂ ಸದಾ ರಕ್ಷೇತ್ಕಕ್ಷಜ್ವಾಲಾಸ್ವರೂಪಿಣೀ |
ನೈರೃತ್ಯಾಂ ರಕ್ಷತು ಸದಾ ಮಾಸ್ಮಾನೃಚ್ಛೋ ಅನಾಗಸಃ || ೧೪ ||
ವಾರುಣ್ಯಾಂ ರಕ್ಷತು ಮಮ ಪ್ರಜಾಂ ಚ ಪುರುಷಾರ್ಥಿನೀ |
ವಾಯವ್ಯಂ ರಕ್ಷಾತು ಸದಾ ಯಾತುಧಾನ್ಯೋ ಮಮಾಖಿಲಾಃ || ೧೫ ||
ದಂಷ್ಟ್ರಾಕರಾಳವದನಾ ಕೌಬೇರ್ಯಾಂ ಬಡಬನಲಾ |
ಈಶಾನ್ಯಾಂ ಮೇ ಸದಾ ರಕ್ಷೇದ್ವೀರಾಂಶ್ಚಾನ್ಯಾನ್ನಿಬರ್ಹಯ || ೧೬ ||
ಉಗ್ರಾ ರಕ್ಷೇದಧೋಭಾಗೇ ಮಾಯಾಮಂತ್ರಸ್ವರೂಪಿಣೀ |
ಊರ್ಧ್ವಂ ಕಪಾಲಿನೀ ರಕ್ಷೇತ್ ಕ್ಷಂ ಹ್ರೀಂ ಹುಂ ಫಟ್ ಸ್ವರೂಪಿಣೀ || ೧೭ ||
ಅಧೋ ಮೇ ವಿದಶಂ ರಕ್ಷೇತ್ಕುರುಕುಳ್ಲಾ ಕಪಾಲಿನೀ |
ವಿಪ್ರಚಿತ್ತಾ ಸದಾ ರಕ್ಷೇತ್ ದಿವಾರಾತ್ರಂ ವಿರೋಧಿನೀ || ೧೮ ||
ಕುರುಕುಳ್ಲಾ ತು ಮೇ ಪುತ್ರಾನ್ ಬಾಂಧವಾನುಗ್ರರೂಪಿಣೀ |
ಪ್ರಭಾದೀಪ್ತ ಗೃಹಾ ರಕ್ಷೇತ್ ಮಾತಾಪುತ್ರಾನ್ ಸಮಾತೃಕಾನ್ || ೧೯ ||
ಸ್ವಭೃತ್ಯಾನ್ ಮೇ ಸದಾ ರಕ್ಷೇತ್ಪಾಯಾತ್ ಸಾ ಮೇ ಪಶೂನ್ ಸದಾ |
ಅಜಿತಾ ಮೇ ಸದಾ ರಕ್ಷೇದಪರಾಜಿತ ಕಾಮದಾ || ೨೦ ||
ಕೃತ್ಯಾ ರಕ್ಷೇತ್ಸದಾಪ್ರಾಣಾನ್ ತ್ರಿನೇತ್ರಾ ಕಾಳರಾತ್ರಿಕಾ |
ಫಾಲಂ ಪಾತು ಮಹಾಕ್ರೂರಾ ಪಿಂಗಕೇಶೀ ಶಿರೋರುಹಾನ್ || ೨೧ ||
ಭ್ರುವೌ ಮೇ ಕ್ರೂರವದನಾ ಪಾಯಾಚ್ಚಂಡೀ ಪ್ರಚಂಡಿಕಾ |
ಶ್ರೋತ್ರಯೋರ್ಯುಗಳಂ ಪಾತು ತದಾ ಮೇ ಶಂಖಕುಂಡಲಾ || ೨೨ ||
ಪ್ರೇತಚಿತ್ಯಾಸನಾ ದೇವೀ ಪಾಯಾನ್ನೇತ್ರಯುಗ್ಮಂ ಮಮ |
ಮಮ ನಾಸಾಪುಟದ್ವಂದ್ವಂ ಬ್ರಹ್ಮರೋಚಿಷ್ಣ್ವಮಿತ್ರಹಾ || ೨೩ ||
ಕಪೋಲಂ ಮೇ ಸದಾ ಪಾತು ಭೃಗವಶ್ಚಾಪ ಸೇಧಿರೇ |
ಊರ್ಧ್ವೋಷ್ಠಂ ತು ಸದಾ ಪಾತು ರಥಸ್ಯೇವ ವಿಭುರ್ಧಿಯಾ || ೨೪ ||
ಅಧರೋಷ್ಠಂ ಸದಾ ಪಾತು ಆಜ್ಞಾತಸ್ತೇ ವಶೋ ಜನಃ |
ದಂತಪಂಕ್ತಿದ್ವಯಂ ಪಾತು ಬ್ರಹ್ಮರೂಪಾ ಕರಾಳಿನೀ || ೨೫ ||
ವಾಚಂ ವಾಗೀಶ್ವರೀ ರಕ್ಷೇದ್ರಸನಾಂ ಜನನೀ ಮಮ |
ಚುಬುಕಂ ಪಾತು ಮೇಂದ್ರಾಣೀ ತನೂಂ ಋಚ್ಛಸ್ವ ಹೇಳಿಕಾ || ೨೬ ||
ಕರ್ಣಸ್ಥಾನಂ ಮಮ ಸದಾ ರಕ್ಷತಾಂ ಕಂಬುಕಂಧರಾ |
ಕಂಠಧ್ವನಿಂ ಸದಾ ಪಾತು ನಾದಬ್ರಹ್ಮಮಯೀ ಮಮ || ೨೭ ||
ಜಠರಂ ಮೇಂಗಿರಃ ಪುತ್ರೀ ಮೇ ವಕ್ಷಃ ಪಾತು ಕಾಂಚನೀ |
ಪಾತು ಮೇ ಭುಜಯೋರ್ಮೂಲಂ ಜಾತವೇದಸ್ವರೂಪಿಣೀ || ೨೮ ||
ದಕ್ಷಿಣಂ ಮೇ ಭುಜಂ ಪಾತು ಸತತಂ ಕಾಳರಾತ್ರಿಕಾ |
ವಾಮಂ ಭುಜಂ ವಾಮಕೇಶೀ ಪರಾಯಂತೀ ಪರಾವತೀ || ೨೯ ||
ಪಾತು ಮೇ ಕೂರ್ಪರದ್ವಂದ್ವಂ ಮನಸ್ತತ್ವಾಭಿಧಾ ಸತೀ |
ವಾಚಂ ವಾಗೀಶ್ವರೀ ರಕ್ಷೇದ್ರಸನಾಂ ಜನನೀ ಮಮ || ೩೦ ||
ವಜ್ರೇಶ್ವರೀ ಸದಾ ಪಾತು ಪ್ರಕೋಷ್ಠಯುಗಳಂ ಮಮ |
ಮಣಿದ್ವಯಂ ಸದಾ ಪಾತು ಧೂಮ್ರಾ ಶತ್ರುಜಿಘಾಂಸಯಾ || ೩೧ ||
ಪಾಯಾತ್ಕರತಲದ್ವಂದ್ವಂ ಕದಂಬವನವಾಸಿನೀ |
ವಾಮಪಾಣ್ಯಂಗುಳೀ ಪಾತು ಹಿನಸ್ತಿ ಪರಶಾಸನಮ್ || ೩೨ ||
ಸವ್ಯಪಾಣ್ಯಂಗುಳೀ ಪಾತು ಯದವೈಷಿ ಚತುಷ್ಪದೀ |
ನಾಭಿಂ ನಿತ್ಯಾ ಸದಾ ಪಾತು ಜ್ವಾಲಾಭೈರವರೂಪಿಣೀ || ೩೩ ||
ಪಂಚಾಸ್ಯಪೀಠನಿಲಯಾ ಪಾತು ಮೇ ಪಾರ್ಶ್ವಯೋರ್ಯುಗಮ್ |
ಪೃಷ್ಠಂ ಪ್ರಜ್ಞೇಶ್ವರೀ ಪಾತು ಕಟಿಂ ಪೃಥುನಿತಂಬಿನೀ || ೩೪ ||
ಗುಹ್ಯಮಾನಂದರೂಪಾವ್ಯಾದಂಡಂ ಬ್ರಹ್ಮಾಂಡನಾಯಕೀ |
ಪಾಯಾನ್ಮಮ ಗುದಸ್ಥಾನಮಿಂದುಮೌಳಿಮನಃ ಶುಭಾ || ೩೫ ||
ಬೀಜಂ ಮಮ ಸದಾ ಪಾತು ದುರ್ಗಾ ದುರ್ಗಾರ್ತಿಹಾರಿಣೀ |
ಊರೂ ಮೇ ಪಾತು ಕ್ಷಾಂತಾತ್ಮಾ ತ್ವಂ ಪ್ರತ್ಯಸ್ಯ ಸ್ವಮೃತ್ಯವೇ || ೩೬ ||
ವನದುರ್ಗಾ ಸದಾ ಪಾತು ಜಾನುನೀ ವನವಾಸಿನೀ |
ಜಂಘಿಕಾಂಡದ್ವಯಂ ಪಾತು ಯಶ್ಚಜಾಮೀಶ ಪಾತು ನಃ || ೩೭ ||
ಗುಲ್ಫಯೋರ್ಯುಗಳಂ ಪಾತು ಯೋಽಸ್ಮಾನ್ದ್ವೇಷ್ಟಿ ವಧಸ್ವ ತಮ್ |
ಪದದ್ವಂದ್ವಂ ಸದಾವ್ಯಾನ್ಮೇ ಪದಾವಿಸ್ಫಾರ್ಯ ತಚ್ಛಿರಃ || ೩೮ ||
ಅಭಿಪ್ರೇಹಿ ಸಹಸ್ರಾಕ್ಷಂ ಪಾದಯೋರ್ಯುಗಳಂ ಮಮ |
ಪಾಯಾನ್ಮಮ ಪದದ್ವಂದ್ವಂ ದಹನ್ನಗ್ನಿರಿವ ಹ್ರದಮ್ || ೩೯ ||
ಸರ್ವಾಂಗಂ ಸರ್ವದಾ ಪಾತು ಸರ್ವಪ್ರಕೃತಿರೂಪಿಣೀ |
ಮಂತ್ರಂ ಪ್ರತ್ಯಂಗಿರಾ ದೇವೀ ಕೃತ್ಯಾಶ್ಚ ಸಹೃದೋ ಸುಹೃತ್ || ೪೦ ||
ಪರಾಭಿಚಾರಕೃತ್ಯಾತ್ಮ ಸಮಿದ್ಧಂ ಜಾತವೇದಸಮ್ |
ಪರಪ್ರೇಷಿತಶಲ್ಯಾತ್ಮೇ ತಮಿತೋ ನಾಶಯಾಮಸಿ || ೪೧ ||
ವೃಕ್ಷಾದಿ ಪ್ರತಿರೂಪಾತ್ಮಾ ಶಿವಂ ದಕ್ಷಿಣತಃ ಕೃಧಿ |
ಅಭಯಂ ಸತತಂ ಪಶ್ಚಾದ್ಭದ್ರಮುತ್ತರತೋ ಗೃಹೇ || ೪೨ ||
ಭೂತಪ್ರೇತಪಿಶಾಚಾದ್ಯಾನ್ ಪ್ರೇಷಿತಾನ್ ಜಹಿ ಮಾಂ ಪ್ರತಿ |
ಭೂತಪ್ರೇತಪಿಶಾಚಾದಿ ಪರತಂತ್ರವಿನಾಶಿನೀ || ೪೩ ||
ಪರಾಭಿಚಾರಶಮನೀ ಧಾರಣಾತ್ಸರ್ವಸಿದ್ಧಿದಾಮ್ |
ಭೂರ್ಜಪತ್ರೇ ಸ್ವರ್ಣಪತ್ರೇ ಲಿಖಿತ್ವಾ ಧಾರಯೇದ್ಯದಿ || ೪೪ ||
ಸರ್ವಸಿದ್ಧಿಮವಾಪ್ನೋತಿ ಸರ್ವತ್ರ ವಿಜಯೀ ಭವೇತ್ |
ಏಕಾವೃತ್ತಿಂ ಜಪೇದ್ದೇವಿ ಸರ್ವಋಗ್ಜಪದಾ ಭವೇತ್ || ೪೫ ||
ಭದ್ರಕಾಳೀ ಪ್ರಸನ್ನಾಽಭೂದಭೀಷ್ಟಫಲದಾ ಭವೇತ್ |
ಬಂದೀಗೃಹೇ ಸಪ್ತರಾತ್ರಂ ಚೋರದ್ರವ್ಯೇಽಷ್ಟರಾತ್ರಕಮ್ || ೪೬ ||
ಮಹಾಜ್ವರೇ ಸಪ್ತರಾತ್ರಂ ಉಚ್ಚಾಟೇ ಮಾಸಮಾತ್ರಕಮ್ |
ಮಹಾವ್ಯಾಧಿನಿವೃತ್ತಿಃ ಸ್ಯಾನ್ಮಂಡಲಂ ಜಪಮಾಚರೇತ್ || ೪೭ ||
ಪುತ್ರಕಾರ್ಯೇ ಮಾಸಮಾತ್ರಂ ಮಹಾಶತ್ರುತ್ವಮಂಡಲಾತ್ |
ಯುದ್ಧಕಾರ್ಯೇ ಮಂಡಲಂ ಸ್ಯಾದ್ಧಾರ್ಯಂ ಸರ್ವೇಷು ಕರ್ಮಸು || ೪೮ ||
ಅಸ್ಮಿನ್ಯಜ್ಞೇ ಸಮಾವಾಹ್ಯ ರಕ್ತಪುಷ್ಪೈಃ ಸಮರ್ಚಯೇತ್ |
ನತ್ವಾ ನ ಕುರ್ತು ಮರ್ಹಾಸಿ ಇಷುರೂಪೇ ಗೃಹಾತ್ಸದಾ || ೪೯ ||
ಶಾಸ್ತಾಲಯೇ ಚತುಷ್ಪಥೇ ಸ್ವಗೃಹೇ ಗೇಹಳೀಸ್ಥಲೇ |
ನಿಖನೇದ್ಯಂ ತ್ರಿಶಲ್ಯಾದಿ ತದರ್ಥಂ ಪ್ರಾಪಯಾಶುಮೇ || ೫೦ ||
ಮಾಸೋಚ್ಛಿಷ್ಟಶ್ಚ ದ್ವಿಪದಮೇತತ್ಕಿಂಚಿಚ್ಚತುಷ್ಪದಮ್ |
ಮಾಜ್ಞಾತಿರನುಜಾನಸ್ಯಾನ್ಮಾಸಾವೇಶಿ ಪ್ರವೇಶಿನಃ || ೫೧ ||
ಬಲೇ ಸ್ವಪ್ನಸ್ಥಲೇ ರಕ್ಷೇದ್ಯೋ ಮೇ ಪಾಪಂ ಚಿಕೀರ್ಷತಿ |
ಆಪಾದಮಸ್ತಕಂ ರಕ್ಷೇತ್ತಮೇವ ಪ್ರತಿಧಾವತು || ೫೨ ||
ಪ್ರತಿಸರ ಪ್ರತಿಧಾವ ಕುಮಾರೀವ ಪಿತುರ್ಗೃಹಮ್ |
ಮೂರ್ಧಾನಮೇಷಾಂ ಸ್ಫೋಟಯ ವಧಾಮ್ಯೇಷಾಂ ಕುಲೇ ಜಹೀ || ೫೩ ||
ಯೇ ಮೇ ಮನಸಾ ವಾಚಾ ಯಶ್ಚ ಪಾಪಂ ಚಿಕೀರ್ಷತಿ |
ತತ್ಸರ್ವಂ ರಕ್ಷತಾಂ ದೇವೀ ಜಹಿ ಶತ್ರೂನ್ ಸದಾ ಮಮ || ೫೪ ||
ಖಟ್ ಫಟ್ ಜಹಿ ಮಹಾಕೃತ್ಯೇ ವಿಧೂಮಾಗ್ನಿ ಸಮಪ್ರಭೇ |
ದೇವಿ ದೇವಿ ಮಹಾದೇವಿ ಮಮ ಶತ್ರೂನ್ವಿನಾಶಯ || ೫೫ ||
ತ್ರಿಕಾಲಂ ರಕ್ಷ ಮಾಂ ದೇವಿ ಪಠತಾಂ ಪಾಪನಾಶನಮ್ |
ಸರ್ವಶತ್ರುಕ್ಷಯಕರಂ ಸರ್ವವ್ಯಾಧಿವಿನಾಶನಮ್ || ೫೬ ||
ಇದಂ ತು ಕವಚಂ ಜ್ಞಾತ್ವಾ ಜಪೇತ್ಪ್ರತ್ಯಂಗಿರಾ ಋಚಮ್ |
ಶತಲಕ್ಷಂ ಪ್ರಜಪ್ತ್ವಾಪಿ ತಸ್ಯ ವಿದ್ಯಾ ನ ಸಿಧ್ಯತಿ || ೫೭ ||
ಮಂತ್ರಸ್ವರೂಪಕವಚಮೇಕಕಾಲಂ ಪಠೇದ್ಯದಿ |
ಭದ್ರಕಾಳೀ ಪ್ರಸನ್ನಾತ್ಮಾ ಸರ್ವಭೀಷ್ಟಂ ದದಾತಿ ಹಿ || ೫೮ ||
ಮಹಾಪನ್ನೋ ಮಹಾರೋಗೀ ಮಹಾಗ್ರಂಥ್ಯಾದಿಪೀಡಿನೇ |
ಕವಚಂ ಪ್ರಥಮಂ ಜಪ್ತ್ವಾ ಪಶ್ಚಾದೃಗ್ಜಪಮಾಚರೇತ್ || ೫೯ ||
ಪಕ್ಷಮಾತ್ರಾತ್ ಸರ್ವರೋಗಾ ನಶ್ಯಂತ್ಯೇವ ಹಿ ನಿಶ್ಚಯಮ್ |
ಮಹಾಧನಪ್ರದಂ ಪುಂಸಾಂ ಮಹಾದುಃಸ್ವಪ್ನನಾಶನಮ್ || ೬೦ ||
ಸರ್ವಮಂಗಳದಂ ನಿತ್ಯಂ ವಾಂಛಿತಾರ್ಥಫಲಪ್ರದಮ್ |
ಕೃತ್ಯಾದಿ ಪ್ರೇಷಿತೇ ಗ್ರಸ್ತೇ ಪುರಸ್ತಾಜ್ಜುಹುಯಾದ್ಯದಿ || ೬೧ ||
ಪ್ರೇಷಿತಂ ಪ್ರಾಪ್ಯ ಝಡಿತಿ ವಿನಾಶಂ ಪ್ರದದಾತಿ ಹಿ |
ಸ್ವಗೃಹ್ಯೋಕ್ತವಿಧಾನೇನ ಪ್ರತಿಷ್ಠಾಪ್ಯ ಹೂತಾಶನಮ್ || ೬೨ ||
ತ್ರಿಕೋಣಕುಂಡೇ ಚಾವಾಹ್ಯ ಷೋಡಶೈರುಪಚಾರತಃ |
ಯೋ ಮೇ ಕರೋತಿ ಮಂತ್ರೇಣ ಖಟ್ ಫಟ್ ಜಹೀತಿ ಮಂತ್ರತಃ || ೬೩ ||
ಹುನೇದಯುತಮಾತ್ರೇಣ ಯಂತ್ರಸ್ಯ ಪುರತೋ ದ್ವಿಜಃ |
ಕ್ಷಣಾದಾವೇಶಮಾಪ್ನೋತಿ ಭೂತಗ್ರಸ್ತಕಳೇಬರೇ || ೬೪ ||
ವಿಭೀತಕಮಪಾಮಾರ್ಗಂ ವಿಷವೃಕ್ಷಸಮುದ್ಭವಮ್ |
ಗುಳೂಚೀಂ ವಿಕತಂ ಕಾಂತಮಂಕೋಲಂ ನಿಂಬವೃಕ್ಷಕಮ್ || ೬೫ ||
ತ್ರಿಕಟುಂ ಸರ್ಷಪಂ ಶಿಗ್ರುಂ ಲಶುನಂ ಭ್ರಾಮಕಂ ಫಲಮ್ |
ಪಂಚ ಋಗ್ಭಿಃ ಸುಸಂಪಾದ್ಯ ಆಚಾರ್ಯಸಹಿತಃ ಶುಚಿಃ || ೬೬ ||
ದಿನಮೇಕ ಸಹಸ್ರಂ ತು ಹುನೇದ್ಧ್ಯಾನ ಪುರಃ ಸರಃ |
ಸರ್ವಾರಿಷ್ಟಃ ಸರ್ವಶಾಂತಿಃ ಭವಿಷ್ಯತಿ ನ ಸಂಶಯಃ || ೬೭ ||
ಶತ್ರುಕೃತ್ಯೇ ಚೈವಮೇವ ಹುನೇದ್ಯದಿ ಸಮಾಹಿತಃ |
ಸ ಶತ್ರುರ್ಮಿತ್ರಪುತ್ರಾದಿಯುಕ್ತೋ ಯಮಪುರೀಂ ವ್ರಜೇತ್ || ೬೮ ||
ಬ್ರಹ್ಮಾಽಪಿ ರಕ್ಷಿತುಂ ನೈವ ಶಕ್ತಿಃ ಪ್ರತಿನಿವರ್ತನೇ |
ಮಹತ್ಕಾರ್ಯಸಮಾಯೋಗೇ ಏವಮೇವಂ ಸಮಾಚರೇತ್ || ೬೯ ||
ತತ್ಕಾರ್ಯಂ ಸಫಲಂ ಪ್ರಾಪ್ಯ ವಾಂಛಿತಾನ್ ಲಭತೇ ಸುಧೀಃ |
ಇದಂ ರಹಸ್ಯಂ ದೇವೇಶಿ ಮಂತ್ರಯುಕ್ತಂ ತವಾನಘೇ || ೭೦ ||
ಶಿಷ್ಯಾಯ ಭಕ್ತಿಯುಕ್ತಾಯ ವಕ್ತವ್ಯಂ ನಾನ್ಯಮೇವ ಹಿ |
ನಿಕುಂಭಿಳಾಮಿಂದ್ರಜಿತಾ ಕೃತಂ ಜಯ ರಿಪುಕ್ಷಯೇ || ೭೧ ||
ಇತಿ ಶ್ರೀಮಹಾಲಕ್ಷ್ಮೀತಂತ್ರೇ ಪ್ರತ್ಯಕ್ಷಸಿದ್ಧಿಪ್ರದೇ ಉಮಾಮಹೇಶ್ವರ ಸಂವಾದೇ ಶ್ರೀ ಶಂಕರೇಣ ವಿರಚಿತೇ ಶ್ರೀ ಪ್ರತ್ಯಂಗಿರಾ ಕವಚಮ್ ||
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.