Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರಿತಜನಪರಿಪಾಲಂ ರಾಮಕಾರ್ಯಾನುಕೂಲಂ
ಧೃತಶುಭಗುಣಜಾಲಂ ಯಾತುತಂತ್ವಾರ್ತಿಮೂಲಮ್ |
ಸ್ಮಿತಮುಖಸುಕಪೋಲಂ ಪೀತಪಾಟೀರಚೇಲಂ
ಪತಿನತಿನುತಿಲೋಲಂ ನೌಮಿ ವಾತೇಶಬಾಲಮ್ || ೧ ||
ದಿನಕರಸುತಮಿತ್ರಂ ಪಂಚವಕ್ತ್ರಂ ತ್ರಿನೇತ್ರಂ
ಶಿಶುತನುಕೃತಚಿತ್ರಂ ರಾಮಕಾರುಣ್ಯಪಾತ್ರಮ್ |
ಅಶನಿಸದೃಶಗಾತ್ರಂ ಸರ್ವಕಾರ್ಯೇಷು ಜೈತ್ರಂ
ಭವಜಲಧಿವಹಿತ್ರಂ ಸ್ತೌಮಿ ವಾಯೋಃ ಸುಪುತ್ರಮ್ || ೨ ||
ಮುಖವಿಜಿತಶಶಾಂಕಂ ಚೇತಸಾ ಪ್ರಾಪ್ತಲಂಕಂ
ಗತನಿಶಿಚರಶಂಕಂ ಕ್ಷಾಲಿತಾತ್ಮೀಯಪಂಕಮ್ |
ನಗಕುಸುಮವಿಟಂಕಂ ತ್ಯಕ್ತಶಾಪಾಖ್ಯಶೃಂಕಂ
ರಿಪುಹೃದಯಲಟಂಕಂ ನೌಮಿ ರಾಮಧ್ವಜಾಂಕಮ್ || ೩ ||
ದಶರಥಸುತದೂತಂ ಸೌರಸಾಸ್ಯೋದ್ಗಗೀತಂ
ಹತಶಶಿರಿಪುಸೂತಂ ತಾರ್ಕ್ಷ್ಯವೇಗಾತಿಪಾತಮ್ |
ಮಿತಸಗರಜಖಾತಂ ಮಾರ್ಗಿತಾಶೇಷಕೇತಂ
ನಯನಪಥಗಸೀತಂ ಭಾವಯೇ ವಾತಜಾತಮ್ || ೪ ||
ನಿಗದಿತಸುಖಿರಾಮಂ ಸಾಂತ್ವಿತೈಕ್ಷ್ವಾಕುವಾಮಂ
ಕೃತವಿಪಿನವಿರಾಮಂ ಸರ್ವರಕ್ಷೋಽತಿಭೀಮಮ್ |
ರಿಪುಕುಲಕಲಿಕಾಮಂ ರಾವಣಾಖ್ಯಾಬ್ಜಸೋಮಂ
ಮತರಿಪುಬಲಸೀಮಂ ಚಿಂತಯೇ ತಂ ನಿಕಾಮಮ್ || ೫ ||
ನಿಹತನಿಖಿಲಶೂರಃ ಪುಚ್ಛವಹ್ನಿಪ್ರಚಾರೋ
ದ್ರುತಗತಪರತೀರಃ ಕೀರ್ತಿತಾಶೇಷಸಾರಃ |
ಸಮಸಿತಮಧುಧಾರೋ ಜಾತಪಂಪಾವತಾರೋ
ನತರಘುಕುಲವೀರಃ ಪಾತು ವಾಯೋಃ ಕುಮಾರಃ || ೬ ||
ಕೃತರಘುಪತಿತೋಷಃ ಪ್ರಾಪ್ತಸೀತಾಂಗಭೂಷಃ
ಕಥಿತಚರಿತಶೇಷಃ ಪ್ರೋಕ್ತಸೀತೋಕ್ತಭಾಷಃ |
ಮಿಲಿತಸಖಿಹನೂಷಃ ಸೇತುಜಾತಾಭಿಲಾಷಃ
ಕೃತನಿಜಪರಿಪೋಷಃ ಪಾತು ಕೀನಾಶವೇಷಃ || ೭ ||
ಕ್ಷಪಿತಬಲಿವಿಪಕ್ಷೋ ಮುಷ್ಟಿಪಾತಾರ್ತರಕ್ಷೋ
ರವಿಜನಪರಿಮೋಕ್ಷೋ ಲಕ್ಷ್ಮಣೋದ್ಧಾರದಕ್ಷಃ |
ಹೃತಮೃತಿಪರಪಕ್ಷೋ ಜಾತಸೀತಾಪರೋಕ್ಷೋ
ವಿರಮಿತರಣದೀಕ್ಷಃ ಪಾತು ಮಾಂ ಪಿಂಗಳಾಕ್ಷಃ || ೮ ||
ಸುಖಿತಸುಹೃದನೀಕಃ ಪುಷ್ಪಯಾನಪ್ರತೀಕಃ
ಶಮಿತಭರತಶೋಕೋ ದೃಷ್ಟರಾಮಾಭಿಷೇಕಃ |
ಸ್ಮೃತಪತಿಸುಖಿಸೇಕೋ ರಾಮಭಕ್ತಪ್ರವೇಕಃ
ಪವನಸುಕೃತಪಾಕಃ ಪಾತು ಮಾಂ ವಾಯುತೋಕಃ || ೯ ||
ಅಷ್ಟಾಶ್ರೀಕೃತನವರತ್ನಪದ್ಮಮಾಲಾಂ
ಭಕ್ತ್ಯಾ ಶ್ರೀಹನುಮದುರಃಸ್ಥಲೇ ನಿಬದ್ಧಾಮ್ |
ಸಂಗೃಹ್ಯ ಪ್ರಯತಮನಾ ಜಪೇತ್ ಸದಾ ಯಃ
ಸೋಽಭೀಷ್ಟಂ ಹರಿವರತೋ ಲಭೇತ ಶೀಘ್ರಮ್ || ೧೦ ||
ಇತಿ ಶ್ರೀ ಹನುಮಾನ್ ನವರತ್ನಪದ್ಯಮಾಲಾ ||
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.