Sri Govinda Damodara Stotram – ಶ್ರೀ ಗೋವಿಂದ ದಾಮೋದರ ಸ್ತೋತ್ರಂ

Read in తెలుగు / ಕನ್ನಡ / தமிழ் / देवनागरी / English (IAST)

ಸ್ತೋತ್ರನಿಧಿ → ಶ್ರೀ ಕೃಷ್ಣ ಸ್ತೋತ್ರಗಳು → ಶ್ರೀ ಗೋವಿಂದ ದಾಮೋದರ ಸ್ತೋತ್ರಂ

ಶ್ರೀಕೃಷ್ಣ ಗೋವಿಂದ ಹರೇ ಮುರಾರೇ
ಹೇ ನಾಥ ನಾರಾಯಣ ವಾಸುದೇವ |
ಜಿಹ್ವೇ ಪಿಬಸ್ವಾಮೃತಮೇತದೇವ
ಗೋವಿಂದ ದಾಮೋದರ ಮಾಧವೇತಿ || ೧

ವಿಕ್ರೇತುಕಾಮಾಖಿಲಗೋಪಕನ್ಯಾ
ಮುರಾರಿಪಾದಾರ್ಪಿತಚಿತ್ತವೃತ್ತಿಃ |
ದಧ್ಯಾದಿಕಂ ಮೋಹವಶಾದವೋಚತ್
ಗೋವಿಂದ ದಾಮೋದರ ಮಾಧವೇತಿ || ೨

ಗೃಹೇ ಗೃಹೇ ಗೋಪವಧೂಕದಂಬಾಃ
ಸರ್ವೇ ಮಿಲಿತ್ವಾ ಸಮವಾಪ್ಯ ಯೋಗಮ್ |
ಪುಣ್ಯಾನಿ ನಾಮಾನಿ ಪಠಂತಿ ನಿತ್ಯಂ
ಗೋವಿಂದ ದಾಮೋದರ ಮಾಧವೇತಿ || ೩

ಸುಖಂ ಶಯಾನಾ ನಿಲಯೇ ನಿಜೇಽಪಿ
ನಾಮಾನಿ ವಿಷ್ಣೋಃ ಪ್ರವದಂತಿ ಮರ್ತ್ಯಾಃ |
ತೇ ನಿಶ್ಚಿತಂ ತನ್ಮಯತಾಂ ವ್ರಜಂತಿ
ಗೋವಿಂದ ದಾಮೋದರ ಮಾಧವೇತಿ || ೪

ಜಿಹ್ವೇ ಸದೈವಂ ಭಜ ಸುಂದರಾಣಿ
ನಾಮಾನಿ ಕೃಷ್ಣಸ್ಯ ಮನೋಹರಾಣಿ |
ಸಮಸ್ತ ಭಕ್ತಾರ್ತಿವಿನಾಶನಾನಿ
ಗೋವಿಂದ ದಾಮೋದರ ಮಾಧವೇತಿ || ೫

ಸುಖಾವಸಾನೇ ಇದಮೇವ ಸಾರಂ
ದುಃಖಾವಸಾನೇ ಇದಮೇವ ಜ್ಞೇಯಮ್ |
ದೇಹಾವಸಾನೇ ಇದಮೇವ ಜಾಪ್ಯಂ
ಗೋವಿಂದ ದಾಮೋದರ ಮಾಧವೇತಿ || ೬

ಜಿಹ್ವೇ ರಸಜ್ಞೇ ಮಧುರಪ್ರಿಯೇ ತ್ವಂ
ಸತ್ಯಂ ಹಿತಂ ತ್ವಾಂ ಪರಮಂ ವದಾಮಿ |
ಅವರ್ಣಯೇಥಾ ಮಧುರಾಕ್ಷರಾಣಿ
ಗೋವಿಂದ ದಾಮೋದರ ಮಾಧವೇತಿ || ೭

ತ್ವಾಮೇವ ಯಾಚೇ ಮಮ ದೇಹಿ ಜಿಹ್ವೇ
ಸಮಾಗತೇ ದಂಡಧರೇ ಕೃತಾಂತೇ |
ವಕ್ತವ್ಯಮೇವಂ ಮಧುರಂ ಸುಭಕ್ತ್ಯಾ
ಗೋವಿಂದ ದಾಮೋದರ ಮಾಧವೇತಿ || ೮

ಶ್ರೀಕೃಷ್ಣ ರಾಧಾವರ ಗೋಕುಲೇಶ
ಗೋಪಾಲ ಗೋವರ್ಧನನಾಥ ವಿಷ್ಣೋ |
ಜಿಹ್ವೇ ಪಿಬಸ್ವಾಮೃತಮೇತದೇವ
ಗೋವಿಂದ ದಾಮೋದರ ಮಾಧವೇತಿ || ೯

---

ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.