Read in తెలుగు / ಕನ್ನಡ / தமிழ் / देवनागरी / English (IAST)
ನಮಸ್ತಸ್ಮೈ ಗಣೇಶಾಯ ಸರ್ವವಿಘ್ನವಿನಾಶಿನೇ |
ಕಾರ್ಯಾರಂಭೇಷು ಸರ್ವೇಷು ಪೂಜಿತೋ ಯಃ ಸುರೈರಪಿ || ೧ ||
ಪಾರ್ವತ್ಯುವಾಚ |
ಭಗವನ್ ದೇವದೇವೇಶ ಲೋಕಾನುಗ್ರಹಕಾರಕಃ |
ಇದಾನೀಂ ಶ್ರೋತೃಮಿಚ್ಛಾಮಿ ಕವಚಂ ಯತ್ಪ್ರಕಾಶಿತಮ್ || ೨ ||
ಏಕಾಕ್ಷರಸ್ಯ ಮಂತ್ರಸ್ಯ ತ್ವಯಾ ಪ್ರೀತೇನ ಚೇತಸಾ |
ವದೈತದ್ವಿಧಿವದ್ದೇವ ಯದಿ ತೇ ವಲ್ಲಭಾಸ್ಮ್ಯಹಮ್ || ೩ ||
ಈಶ್ವರ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ನಾಖ್ಯೇಯಮಪಿ ತೇ ಧ್ರುವಮ್ |
ಏಕಾಕ್ಷರಸ್ಯ ಮಂತ್ರಸ್ಯ ಕವಚಂ ಸರ್ವಕಾಮದಮ್ || ೪ ||
ಯಸ್ಯ ಸ್ಮರಣಮಾತ್ರೇಣ ನ ವಿಘ್ನಾಃ ಪ್ರಭವಂತಿ ಹಿ |
ತ್ರಿಕಾಲಮೇಕಕಾಲಂ ವಾ ಯೇ ಪಠಂತಿ ಸದಾ ನರಾಃ || ೫ ||
ತೇಷಾಂ ಕ್ವಾಪಿ ಭಯಂ ನಾಸ್ತಿ ಸಂಗ್ರಾಮೇ ಸಂಕಟೇ ಗಿರೌ |
ಭೂತವೇತಾಲರಕ್ಷೋಭಿರ್ಗ್ರಹೈಶ್ಚಾಪಿ ನ ಬಾಧ್ಯತೇ || ೬ ||
ಇದಂ ಕವಚಮಜ್ಞಾತ್ವಾ ಯೋ ಜಪೇದ್ಗಣನಾಯಕಮ್ |
ನ ಚ ಸಿದ್ಧಿಮವಾಪ್ನೋತಿ ಮೂಢೋ ವರ್ಷಶತೈರಪಿ || ೭ ||
ಅಘೋರೋ ಮೇ ಯಥಾ ಮಂತ್ರೋ ಮಂತ್ರಾಣಾಮುತ್ತಮೋತ್ತಮಃ |
ತಥೇದಂ ಕವಚಂ ದೇವಿ ದುರ್ಲಭಂ ಭುವಿ ಮಾನವೈಃ || ೮ ||
ಗೋಪನೀಯಂ ಪ್ರಯತ್ನೇನ ನಾಜ್ಯೇಯಂ ಯಸ್ಯ ಕಸ್ಯಚಿತ್ |
ತವ ಪ್ರೀತ್ಯಾ ಮಹೇಶಾನಿ ಕವಚಂ ಕಥ್ಯತೇಽದ್ಭುತಮ್ || ೯ ||
ಏಕಾಕ್ಷರಸ್ಯ ಮಂತ್ರಸ್ಯ ಗಣಕಶ್ಚರ್ಷಿರೀರಿತಃ |
ತ್ರಿಷ್ಟುಪ್ ಛಂದಸ್ತು ವಿಘ್ನೇಶೋ ದೇವತಾ ಪರಿಕೀರ್ತಿತಾ || ೧೦ ||
ಗಂ ಬೀಜಂ ಶಕ್ತಿರೋಂಕಾರಃ ಸರ್ವಕಾಮಾರ್ಥಸಿದ್ಧಯೇ |
ಸರ್ವವಿಘ್ನವಿನಾಶಾಯ ವಿನಿಯೋಗಸ್ತು ಕೀರ್ತಿತಃ || ೧೧ ||
ಧ್ಯಾನಮ್ |
ರಕ್ತಾಂಭೋಜಸ್ವರೂಪಂ ಲಸದರುಣಸರೋಜಾಧಿರೂಢಂ ತ್ರಿನೇತ್ರಂ
ಪಾಶಂ ಚೈವಾಂಕುಶಂ ವಾ ವರದಮಭಯದಂ ಬಾಹುಭಿರ್ಧಾರಯಂತಮ್ |
ಶಕ್ತ್ಯಾ ಯುಕ್ತಂ ಗಜಾಸ್ಯಂ ಪೃಥುತರಜಠರಂ ನಾಗಯಜ್ಞೋಪವೀತಂ
ದೇವಂ ಚಂದ್ರಾರ್ಧಚೂಡಂ ಸಕಲಭಯಹರಂ ವಿಘ್ನರಾಜಂ ನಮಾಮಿ || ೧೨ ||
ಕವಚಮ್ |
ಗಣೇಶೋ ಮೇ ಶಿರಃ ಪಾತು ಫಾಲಂ ಪಾತು ಗಜಾನನಃ |
ನೇತ್ರೇ ಗಣಪತಿಃ ಪಾತು ಗಜಕರ್ಣಃ ಶ್ರುತೀ ಮಮ || ೧೩ ||
ಕಪೋಲೌ ಗಣನಾಥಸ್ತು ಘ್ರಾಣಂ ಗಂಧರ್ವಪೂಜಿತಃ |
ಮುಖಂ ಮೇ ಸುಮುಖಃ ಪಾತು ಚಿಬುಕಂ ಗಿರಿಜಾಸುತಃ || ೧೪ ||
ಜಿಹ್ವಾಂ ಪಾತು ಗಣಕ್ರೀಡೋ ದಂತಾನ್ ರಕ್ಷತು ದುರ್ಮುಖಃ |
ವಾಚಂ ವಿನಾಯಕಃ ಪಾತು ಕಂಠಂ ಪಾತು ಮದೋತ್ಕಟಃ || ೧೫ ||
ಸ್ಕಂಧೌ ಪಾತು ಗಜಸ್ಕಂಧೋ ಬಾಹೂ ಮೇ ವಿಘ್ನನಾಶನಃ |
ಹಸ್ತೌ ರಕ್ಷತು ಹೇರಂಬೋ ವಕ್ಷಃ ಪಾತು ಮಹಾಬಲಃ || ೧೬ ||
ಹೃದಯಂ ಮೇ ಗಣಪತಿರುದರಂ ಮೇ ಮಹೋದರಃ |
ನಾಭಿಂ ಗಂಭೀರಹೃದಯೋ ಪೃಷ್ಠಂ ಪಾತು ಸುರಪ್ರಿಯಃ || ೧೭ ||
ಕಟಿಂ ಮೇ ವಿಕಟಃ ಪಾತು ಗುಹ್ಯಂ ಮೇ ಗುಹಪೂಜಿತಃ |
ಊರೂ ಮೇ ಪಾತು ಕೌಮಾರಂ ಜಾನುನೀ ಚ ಗಣಾಧಿಪಃ || ೧೮ ||
ಜಂಘೇ ಜಯಪ್ರದಃ ಪಾತು ಗುಲ್ಫೌ ಮೇ ಧೂರ್ಜಟಿಪ್ರಿಯಃ |
ಚರಣೌ ದುರ್ಜಯಃ ಪಾತು ಸಾಂಗಂ ಮೇ ಗಣನಾಯಕಃ || ೧೯ ||
ಆಮೋದೋ ಮೇಽಗ್ರತಃ ಪಾತು ಪ್ರಮೋದಃ ಪಾತು ಪೃಷ್ಠತಃ |
ದಕ್ಷಿಣೇ ಪಾತು ಸಿದ್ಧೀಶೋ ವಾಮೇ ವಿದ್ಯಾಧರಾರ್ಚಿತಃ || ೨೦ ||
ಪ್ರಾಚ್ಯಾಂ ರಕ್ಷತು ಮಾಂ ನಿತ್ಯಂ ಚಿಂತಾಮಣಿವಿನಾಯಕಃ |
ಆಗ್ನೇಯ್ಯಾಂ ವಕ್ರತುಂಡೋ ಮೇ ದಕ್ಷಿಣಸ್ಯಾಮುಮಾಸುತಃ || ೨೧ ||
ನೈರೃತ್ಯಾಂ ಸರ್ವವಿಘ್ನೇಶೋ ಪಾತು ನಿತ್ಯಂ ಗಣೇಶ್ವರಃ |
ಪ್ರತೀಚ್ಯಾಂ ಸಿದ್ಧಿದಃ ಪಾತು ವಾಯವ್ಯಾಂ ಗಜಕರ್ಣಕಃ || ೨೨ ||
ಕೌಬೇರ್ಯಾಂ ಸರ್ವಸಿದ್ಧೀಶೋ ಈಶಾನ್ಯಾಮೀಶನಂದನಃ |
ಊರ್ಧ್ವಂ ವಿನಾಯಕಃ ಪಾತು ಅಧೋ ಮೂಷಕವಾಹನಃ || ೨೩ ||
ದಿವಾ ಗೋಕ್ಷೀರಧವಳಃ ಪಾತು ನಿತ್ಯಂ ಗಜಾನನಃ |
ರಾತ್ರೌ ಪಾತು ಗಣಕ್ರೀಡೋ ಸಂಧ್ಯಯೋ ಸುರವಂದಿತಃ || ೨೪ ||
ಪಾಶಾಂಕುಶಾಭಯಕರಃ ಸರ್ವತಃ ಪಾತು ಮಾಂ ಸದಾ |
ಗ್ರಹಭೂತಪಿಶಾಚೇಭ್ಯೋ ಪಾತು ನಿತ್ಯಂ ಗಣೇಶ್ವರಃ || ೨೫ ||
ಸತ್ತ್ವಂ ರಜಸ್ತಮೋ ವಾಚಂ ಬುದ್ಧಿಂ ಜ್ಞಾನಂ ಸ್ಮೃತಿಂ ದಯಾಮ್ |
ಧರ್ಮಂ ಚತುರ್ವಿಧಂ ಲಕ್ಷ್ಮೀಂ ಲಜ್ಜಾಂ ಕೀರ್ತಿಂ ಕುಲಂ ವಪುಃ || ೨೬ ||
ಧನಧಾನ್ಯಗೃಹಾನ್ದಾರಾನ್ ಪುತ್ರಾನ್ಪೌತ್ರಾನ್ ಸಖೀಂಸ್ತಥಾ |
ಏಕದಂತೋಽವತು ಶ್ರೀಮಾನ್ ಸರ್ವತಃ ಶಂಕರಾತ್ಮಜಃ || ೨೭ ||
ಸಿದ್ಧಿದಂ ಕೀರ್ತಿದಂ ದೇವಿ ಪ್ರಪಠೇನ್ನಿಯತಃ ಶುಚಿಃ |
ಏಕಕಾಲಂ ದ್ವಿಕಾಲಂ ವಾ ತ್ರಿಕಾಲಂ ವಾಪಿ ಭಕ್ತಿತಃ || ೨೮ ||
ನ ತಸ್ಯ ದುರ್ಲಭಂ ಕಿಂಚಿತ್ ತ್ರಿಷು ಲೋಕೇಷು ವಿದ್ಯತೇ |
ಸರ್ವಪಾಪವಿನಿರ್ಮುಕ್ತೋ ಜಾಯತೇ ಭುವಿ ಮಾನವಃ || ೨೯ ||
ಯಂ ಯಂ ಕಾಮಯತೇ ಮರ್ತ್ಯಃ ಸುದುರ್ಲಭಮನೋರಥಮ್ |
ತಂ ತಂ ಪ್ರಾಪ್ನೋತಿ ಸಕಲಂ ಷಣ್ಮಾಸಾನ್ನಾತ್ರ ಸಂಶಯಃ || ೩೦ ||
ಮೋಹನಸ್ತಂಭನಾಕರ್ಷಮಾರಣೋಚ್ಚಾಟನಂ ವಶಮ್ |
ಸ್ಮರಣಾದೇವ ಜಾಯಂತೇ ನಾತ್ರ ಕಾರ್ಯಾ ವಿಚಾರಣಾ || ೩೧ ||
ಸರ್ವವಿಘ್ನಹರೇದ್ದೇವೀಂ ಗ್ರಹಪೀಡಾನಿವಾರಣಮ್ |
ಸರ್ವಶತ್ರುಕ್ಷಯಕರಂ ಸರ್ವಾಪತ್ತಿನಿವಾರಣಮ್ || ೩೨ ||
ಧೃತ್ವೇದಂ ಕವಚಂ ದೇವಿ ಯೋ ಜಪೇನ್ಮಂತ್ರಮುತ್ತಮಮ್ |
ನ ವಾಚ್ಯತೇ ಸ ವಿಘ್ನೌಘೈಃ ಕದಾಚಿದಪಿ ಕುತ್ರಚಿತ್ || ೩೩ ||
ಭೂರ್ಜೇ ಲಿಖಿತ್ವಾ ವಿಧಿವದ್ಧಾರಯೇದ್ಯೋ ನರಃ ಶುಚಿಃ |
ಏಕಬಾಹೋ ಶಿರಃ ಕಂಠೇ ಪೂಜಯಿತ್ವಾ ಗಣಾಧಿಪಮ್ || ೩೪ ||
ಏಕಾಕ್ಷರಸ್ಯ ಮಂತ್ರಸ್ಯ ಕವಚಂ ದೇವಿ ದುರ್ಲಭಮ್ |
ಯೋ ಧಾರಯೇನ್ಮಹೇಶಾನಿ ನ ವಿಘ್ನೈರಭಿಭೂಯತೇ || ೩೫ ||
ಗಣೇಶಹೃದಯಂ ನಾಮ ಕವಚಂ ಸರ್ವಸಿದ್ಧಿದಮ್ |
ಪಠೇದ್ವಾ ಪಾಠಯೇದ್ವಾಪಿ ತಸ್ಯ ಸಿದ್ಧಿಃ ಕರೇ ಸ್ಥಿತಾ || ೩೬ ||
ನ ಪ್ರಕಾಶ್ಯಂ ಮಹೇಶಾನಿ ಕವಚಂ ಯತ್ರ ಕುತ್ರಚಿತ್ |
ದಾತವ್ಯಂ ಭಕ್ತಿಯುಕ್ತಾಯ ಗುರುದೇವಪರಾಯ ಚ || ೩೭ ||
ಇತಿ ಶ್ರೀರುದ್ರಯಾಮಲೇ ಪಾರ್ವತೀಪರಮೇಶ್ವರ ಸಂವಾದೇ ಶ್ರೀ ಗಣೇಶ ಹೃದಯ ಕವಚಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.