Read in తెలుగు / ಕನ್ನಡ / தமிழ் / देवनागरी / English (IAST)
ಭವಾಂಭೋಧಿಪಾರಂ ನಯಂತಂ ಸ್ವಭಕ್ತಾ-
-ನ್ಕೃಪಾಪೂರಪೂರ್ಣೈರಪಾಂಗೈಃ ಸ್ವಕೀಯೈಃ |
ಸಮಸ್ತಾಗಮಾಂತಪ್ರಗೀತಾಪದಾನಂ
ಸದಾ ದಕ್ಷಿಣಾಸ್ಯಂ ತಮಾರಾಧಯೇಽಹಮ್ || ೧ ||
ಚತುರ್ವಿಂಶದರ್ಣಸ್ಯ ಮಂತ್ರೋತ್ತಮಸ್ಯ
ಪ್ರಜಾಪಾದ್ದೃಢಂ ವಶ್ಯಭಾವಂ ಸಮೇತ್ಯ |
ಪ್ರಯಚ್ಛತ್ಯರಂ ಯಶ್ಚ ವಿದ್ಯಾಮಮೋಘಾಂ
ಸದಾ ದಕ್ಷಿಣಾಸ್ಯಂ ತಮಾರಾಧಯೇಽಹಮ್ || ೨ ||
ಜಡಾಯಾಪಿ ವಿದ್ಯಾಂ ಪ್ರಯಚ್ಛಂತಮಾಶು
ಪ್ರಪನ್ನಾರ್ತಿವಿಧ್ವಂಸದಕ್ಷಾಭಿಧಾನಮ್ |
ಜರಾಜನ್ಮಮೃತ್ಯೂನ್ ಹರಂತಂ ಪ್ರಮೋದಾತ್
ಸದಾ ದಕ್ಷಿಣಾಸ್ಯಂ ತಮಾರಾಧಯೇಽಹಮ್ || ೩ ||
ಯಮಾರಾಧ್ಯ ಪದ್ಮಾಕ್ಷಪದ್ಮೋದ್ಭವಾದ್ಯಾಃ
ಸುರಾಗ್ರ್ಯಾಃ ಸ್ವಕಾರ್ಯೇಷು ಶಕ್ತಾ ಬಭೂವುಃ |
ರಮಾಭಾರತೀಪಾರ್ವತೀಸ್ತೂಯಮಾನಂ
ಸದಾ ದಕ್ಷಿಣಾಸ್ಯಂ ತಮಾರಾಧಯೇಽಹಮ್ || ೪ ||
ಸುಧಾಸೂತಿಬಾಲೋಲ್ಲಸನ್ಮೌಳಿಭಾಗಂ
ಸುಧಾಕುಂಭಮಾಲಾಲಸತ್ಪಾಣಿಪದ್ಮಮ್ |
ಸಪುತ್ರಂ ಸದಾರಂ ಸಶಿಷ್ಯಂ ಸವಾಹಂ
ಸದಾ ದಕ್ಷಿಣಾಸ್ಯಂ ತಮಾರಾಧಯೇಽಹಮ್ || ೫ ||
ಗಜಾಸ್ಯಾಗ್ನಿಭೂಸೇವ್ಯಪಾದಾರವಿಂದಂ
ಗಜಾಶ್ವಾದಿಸಂಪತ್ತಿಹೇತುಪ್ರಣಾಮಮ್ |
ನಿಜಾನಂದವಾರಾಶಿರಾಕಾಸುಧಾಂಶುಂ
ಶುಚೀಂದ್ವರ್ಕನೇತ್ರಂ ಭಜೇ ದಕ್ಷಿಣಾಸ್ಯಮ್ || ೬ ||
ಗುಣಾನ್ಷಟ್ಶಮಾದೀನಿಹಾಮುತ್ರ ಭೋಗೇ
ವಿರಕ್ತಿಂ ವಿವೇಕಂ ಧ್ರುವಾನಿತ್ಯಯೋಶ್ಚ |
ಮುಮುಕ್ಷಾಂ ಚ ಶೀಘ್ರಂ ಲಭೇತ ಪ್ರಸಾದಾತ್
ತಮಾನಂದಕಂದಂ ಭಜೇ ದಕ್ಷಿಣಾಸ್ಯಮ್ || ೭ ||
ಜಡೋ ಜನ್ಮಮೂಕೋಽಪಿ ಯನ್ಮಂತ್ರಜಪ್ತುಃ
ಕರಸ್ಪರ್ಶನಾತ್ಸ್ಯಾತ್ಸುರಾಚಾರ್ಯತುಲ್ಯಃ |
ತಮಜ್ಞಾನವಾರಾನ್ನಿಧೇರ್ವಾಡವಾಗ್ನಿಂ
ಮುದಾ ಸರ್ವಕಾಲಂ ಭಜೇ ದಕ್ಷಿಣಾಸ್ಯಮ್ || ೮ ||
ಜಹೌ ಮೃತ್ಯುಭೀತಿಂ ಯದೀಯಾಂಘ್ರಿಪದ್ಮಂ
ಸದಾ ಪೂಜಯಿತ್ವಾ ಮೃಕಂಡೋಸ್ತನೂಜಃ |
ತಮದ್ರೀಂದ್ರಕನ್ಯಾಸಮಾಶ್ಲಿಷ್ಟದೇಹಂ
ಕೃಪಾವಾರಿರಾಶಿಂ ಭಜೇ ದಕ್ಷಿಣಾಸ್ಯಮ್ || ೯ ||
ಪುರಾ ಕಾಮಯಾನಾ ಪತಿಂ ಸ್ವಾನುರೂಪಾಂ
ಚರಿತ್ವಾ ತಪೋ ದುಷ್ಕರಂ ಶೈಲಕನ್ಯಾ |
ಅವಾಪಾದರಾದ್ಯಾ ರುಚಾ ಕಾಮಗರ್ವಂ
ಹರಂತಂ ತಮಂತರ್ಭಜೇ ದಕ್ಷಿಣಾಸ್ಯಮ್ || ೧೦ ||
ಯದೀಯಾಂಘ್ರಿಸೇವಾಪರಾಣಾಂ ನರಾಣಾಂ
ಸುಸಾಧ್ಯಾ ಭವೇಯುರ್ಜವಾತ್ಸರ್ವಯೋಗಾಃ |
ಹಠಾದ್ಯಾಃ ಶಿವಾಂತಾ ಯಮಾದ್ಯಂಗಯುಕ್ತಾ
ಮುದಾ ಸಂತತಂ ತಂ ಭಜೇ ದಕ್ಷಿಣಾಸ್ಯಮ್ || ೧೧ ||
ವಟಾಗಸ್ಯ ಮೂಲೇ ವಸಂತಂ ಸುರಸ್ತ್ರೀ-
-ಕದಂಬೈಃ ಸದಾ ಸೇವ್ಯಮಾನಂ ಪ್ರಮೋದಾತ್ |
ವರಾನ್ ಕಾಮಿತಾನ್ನಮ್ರಪಂಕ್ತ್ಯೈ ದಿಶಂತಂ
ದಯಾಜನ್ಮಭೂಮಿಂ ಭಜೇ ದಕ್ಷಿಣಾಸ್ಯಮ್ || ೧೨ ||
ವಿಧೂತಾಭಿಮಾನೈಸ್ತನೌ ಚಕ್ಷುರಾದಾ-
-ವಹಂತ್ವೇನ ಸಂಪ್ರಾಪ್ಯಮೇಕಾಗ್ರಚಿತ್ತೈಃ |
ಯತೀಂದ್ರೈರ್ಗುರುಶ್ರೇಷ್ಠವಿಜ್ಞಾತತತ್ತ್ವೈ-
-ರ್ಮಹಾವಾಕ್ಯಗೂಢಂ ಭಜೇ ದಕ್ಷಿಣಾಸ್ಯಮ್ || ೧೩ ||
ಶುಕಾದ್ಯಾ ಮುನೀಂದ್ರಾ ವಿರಕ್ತಾಗ್ರಗಣ್ಯಾಃ
ಸಮಾರಾಧ್ಯ ಯಂ ಬ್ರಹ್ಮವಿದ್ಯಾಮವಾಪುಃ |
ತಮಲ್ಪಾರ್ಚನಾತುಷ್ಟಚೇತೋಽಂಬುಜಾತಂ
ಚಿದಾನಂದರೂಪಂ ಭಜೇ ದಕ್ಷಿಣಾಸ್ಯಮ್ || ೧೪ ||
ಶ್ರುತೇರ್ಯುಕ್ತಿತಶ್ಚಿಂತನಾದ್ಧ್ಯಾನಯೋಗಾ-
-ದ್ಭವೇದ್ಯಸ್ಯ ಸಾಕ್ಷಾತ್ಕೃತಿಃ ಪುಣ್ಯಭಾಜಾಮ್ |
ಅಖಂಡಂ ಸದಾನಂದಚಿದ್ರೂಪಮಂತಃ
ಸದಾಹಂ ಮುದಾ ತಂ ಭಜೇ ದಕ್ಷಿಣಾಸ್ಯಮ್ || ೧೫ ||
ಸುವರ್ಣಾದ್ರಿಚಾಪಂ ರಮಾನಾಥಬಾಣಂ
ದಿನೇಶೇಂದುಚಕ್ರಂ ಧರಾಸ್ಯಂದನಾಗ್ರ್ಯಮ್ |
ವಿಧಿಂ ಸಾರಥಿಂ ನಾಗನಾಥಂ ಚ ಮೌರ್ವೀಂ
ಪ್ರಕುರ್ವಾಣಮೀಶಂ ಭಜೇ ದಕ್ಷಿಣಾಸ್ಯಮ್ || ೧೬ ||
ಕರಾಂಭೋರುಹೈಃ ಪುಸ್ತಕಂ ಬೋಧಮುದ್ರಾಂ
ಸುಧಾಪೂರ್ಣಕುಂಭಂ ಸ್ರಜಂ ಮೌಕ್ತಿಕಾನಾಮ್ |
ದಧಾನಂ ಧರಾಧೀಶಮೌಲೌ ಶಯಾನಂ
ಶಶಾಂಕಾರ್ಧಚೂಡಂ ಭಜೇ ದಕ್ಷಿಣಾಸ್ಯಮ್ || ೧೭ ||
ಕಲಾದಾನದಕ್ಷಂ ತುಲಾಶೂನ್ಯವಕ್ತ್ರಂ
ಶಿಲಾದಾತ್ಮಜೇಡ್ಯಂ ವಲಾರಾತಿಪೂಜ್ಯಮ್ |
ಜಲಾದ್ಯಷ್ಟಮೂರ್ತಿಂ ಕಲಾಲಾಪಯುಕ್ತಂ
ಫಲಾಲಿಂ ದಿಶಂತಂ ಭಜೇ ದಕ್ಷಿಣಾಸ್ಯಮ್ || ೧೮ ||
ಯದಾಲೋಕಮಾತ್ರಾನ್ನತಾನಾಂ ಹೃದಬ್ಜೇ
ಶಮಾದ್ಯಾ ಗುಣಾಃ ಸತ್ವರಂ ಸಂಭವಂತಿ |
ಪ್ರಣಮ್ರಾಲಿಚೇತಃಸರೋಜಾತಭಾನುಂ
ಗುರುಂ ತಂ ಸುರೇಡ್ಯಂ ನಮಾಮೋ ಭಜಾಮಃ || ೧೯ ||
ಪಿನದ್ಧಾನಿ ಭಕ್ತ್ಯಾಖ್ಯಸೂತ್ರೇಣ ಕಂಠೇ
ಸದೇಮಾನಿ ರತ್ನಾನಿ ಧತ್ತೇ ದೃಢಂ ಯಃ |
ಮುದಾ ಮುಕ್ತಿಕಾಂತಾ ದ್ರುತಂ ತಂ ವೃಣೀತೇ
ಸ್ವಯಂ ಶಾಂತಿದಾಂತಿಪ್ರಮುಖ್ಯಾಲಿಯುಕ್ತಾ || ೨೦ ||
ಇತಿ ಶ್ರೀಜಗದ್ಗುರು ಶ್ರೀಸಚ್ಚಿದಾನಂದ ಶಿವಾಭಿನವ ನೃಸಿಂಹ ಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ದಕ್ಷಿಣಾಸ್ಯ ಭುಜಂಗಪ್ರಯಾತ ಸ್ತುತಿಃ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.