Read in తెలుగు / ಕನ್ನಡ / தமிழ் / देवनागरी / English (IAST)
ಕೃಪಾಸಮುದ್ರಂ ಸುಮುಖಂ ತ್ರಿನೇತ್ರಂ
ಜಟಾಧರಂ ಪಾರ್ವತೀವಾಮಭಾಗಮ್ |
ಸದಾಶಿವಂ ರುದ್ರಮನಂತರೂಪಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧ ||
ವಾಚಾಮತೀತಂ ಫಣಿಭೂಷಣಾಂಗಂ
ಗಣೇಶತಾತಂ ಧನದಸ್ಯ ಮಿತ್ರಮ್ |
ಕಂದರ್ಪನಾಶಂ ಕಮಲೋತ್ಪಲಾಕ್ಷಂ
ಚಿದಂಬರೇಶಂ ಹೃದಿ ಭಾವಯಾಮಿ || ೨ ||
ರಮೇಶವಂದ್ಯಂ ರಜತಾದ್ರಿನಾಥಂ
ಶ್ರೀವಾಮದೇವಂ ಭವದುಃಖನಾಶಮ್ |
ರಕ್ಷಾಕರಂ ರಾಕ್ಷಸಪೀಡಿತಾನಾಂ
ಚಿದಂಬರೇಶಂ ಹೃದಿ ಭಾವಯಾಮಿ || ೩ ||
ದೇವಾದಿದೇವಂ ಜಗದೇಕನಾಥಂ
ದೇವೇಶವಂದ್ಯಂ ಶಶಿಖಂಡಚೂಡಮ್ |
ಗೌರೀಸಮೇತಂ ಕೃತವಿಘ್ನದಕ್ಷಂ
ಚಿದಂಬರೇಶಂ ಹೃದಿ ಭಾವಯಾಮಿ || ೪ ||
ವೇದಾಂತವೇದ್ಯಂ ಸುರವೈರಿವಿಘ್ನಂ
ಶುಭಪ್ರದಂ ಭಕ್ತಿಮದಂತರಾಣಾಮ್ |
ಕಾಲಾಂತಕಂ ಶ್ರೀಕರುಣಾಕಟಾಕ್ಷಂ
ಚಿದಂಬರೇಶಂ ಹೃದಿ ಭಾವಯಾಮಿ || ೫ ||
ಹೇಮಾದ್ರಿಚಾಪಂ ತ್ರಿಗುಣಾತ್ಮಭಾವಂ
ಗುಹಾತ್ಮಜಂ ವ್ಯಾಘ್ರಪುರೀಶಮಾದ್ಯಮ್ |
ಶ್ಮಶಾನವಾಸಂ ವೃಷವಾಹನಸ್ಥಂ
ಚಿದಂಬರೇಶಂ ಹೃದಿ ಭಾವಯಾಮಿ || ೬ ||
ಆದ್ಯಂತಶೂನ್ಯಂ ತ್ರಿಪುರಾರಿಮೀಶಂ
ನಂದೀಶಮುಖ್ಯಸ್ತುತವೈಭವಾಢ್ಯಮ್ |
ಸಮಸ್ತದೇವೈಃ ಪರಿಪೂಜಿತಾಂಘ್ರಿಂ
ಚಿದಂಬರೇಶಂ ಹೃದಿ ಭಾವಯಾಮಿ || ೭ ||
ತಮೇವ ಭಾಂತಂ ಹ್ಯನುಭಾತಿಸರ್ವ-
-ಮನೇಕರೂಪಂ ಪರಮಾರ್ಥಮೇಕಮ್ |
ಪಿನಾಕಪಾಣಿಂ ಭವನಾಶಹೇತುಂ
ಚಿದಂಬರೇಶಂ ಹೃದಿ ಭಾವಯಾಮಿ || ೮ ||
ವಿಶ್ವೇಶ್ವರಂ ನಿತ್ಯಮನಂತಮಾದ್ಯಂ
ತ್ರಿಲೋಚನಂ ಚಂದ್ರಕಲಾವತಂಸಮ್ |
ಪತಿಂ ಪಶೂನಾಂ ಹೃದಿ ಸನ್ನಿವಿಷ್ಟಂ
ಚಿದಂಬರೇಶಂ ಹೃದಿ ಭಾವಯಾಮಿ || ೯ ||
ವಿಶ್ವಾಧಿಕಂ ವಿಷ್ಣುಮುಖೈರುಪಾಸ್ಯಂ
ತ್ರಿಲೋಚನಂ ಪಂಚಮುಖಂ ಪ್ರಸನ್ನಮ್ |
ಉಮಾಪತಿಂ ಪಾಪಹರಂ ಪ್ರಶಾಂತಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೦ ||
ಕರ್ಪೂರಗಾತ್ರಂ ಕಮನೀಯನೇತ್ರಂ
ಕಂಸಾರಿಮಿತ್ರಂ ಕಮಲೇಂದುವಕ್ತ್ರಮ್ |
ಕಂದರ್ಪಗಾತ್ರಂ ಕಮಲೇಶಮಿತ್ರಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೧ ||
ವಿಶಾಲನೇತ್ರಂ ಪರಿಪೂರ್ಣಗಾತ್ರಂ
ಗೌರೀಕಲತ್ರಂ ಹರಿದಂಬರೇಶಮ್ |
ಕುಬೇರಮಿತ್ರಂ ಜಗತಃ ಪವಿತ್ರಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೨ ||
ಕಳ್ಯಾಣಮೂರ್ತಿಂ ಕನಕಾದ್ರಿಚಾಪಂ
ಕಾಂತಾಸಮಾಕ್ರಾಂತನಿಜಾರ್ಧದೇಹಮ್ |
ಕಪರ್ದಿನಂ ಕಾಮರಿಪುಂ ಪುರಾರಿಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೩ ||
ಕಲ್ಪಾಂತಕಾಲಾಹಿತಚಂಡನೃತ್ತಂ
ಸಮಸ್ತವೇದಾಂತವಚೋನಿಗೂಢಮ್ |
ಅಯುಗ್ಮನೇತ್ರಂ ಗಿರಿಜಾಸಹಾಯಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೪ ||
ದಿಗಂಬರಂ ಶಂಖಸಿತಾಲ್ಪಹಾಸಂ
ಕಪಾಲಿನಂ ಶೂಲಿನಮಪ್ರಯೇಮ್ |
ನಾಗಾತ್ಮಜಾವಕ್ತ್ರಪಯೋಜಸೂರ್ಯಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೫ ||
ಸದಾಶಿವಂ ಸತ್ಪುರುಷೈರನೇಕೈಃ
ಸದಾರ್ಚಿತಂ ಸಾಮಶಿರಃ ಸುಗೀತಮ್ |
ವೈಯ್ಯಾಘ್ರಚರ್ಮಾಂಬರಮುಗ್ರಮೀಶಂ
ಚಿದಂಬರೇಶಂ ಹೃದಿ ಭಾವಯಾಮಿ || ೧೬ ||
ಚಿದಂಬರಸ್ಯ ಸ್ತವನಂ ಪಠೇದ್ಯಃ
ಪ್ರದೋಷಕಾಲೇಷು ಪುಮಾನ್ ಸ ಧನ್ಯಃ |
ಭೋಗಾನಶೇಷಾನನುಭೂಯ ಭೂಯಃ
ಸಾಯುಜ್ಯಮಪ್ಯೇತಿ ಚಿದಂಬರಸ್ಯ || ೧೭ ||
ಇತಿ ಶ್ರೀಚಿದಂಬರೇಶ್ವರ ಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ನಟರಾಜ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.