Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಂ |
ಕೈಲಾಸಾಚಲ ಮಧ್ಯಸ್ಥಂ ಕಾಮಿತಾಭೀಷ್ಟದಾಯಕಮ್ |
ಬ್ರಹ್ಮಾದಿ-ಪ್ರಾರ್ಥನಾ-ಪ್ರಾಪ್ತ-ದಿವ್ಯಮಾನುಷ-ವಿಗ್ರಹಮ್ ||
ಭಕ್ತಾನುಗ್ರಹಣೈಕಾನ್ತ-ಶಾಂತ-ಸ್ವಾನ್ತ-ಸಮುಜ್ಜ್ವಲಮ್ |
ಸಂಯಜ್ಞಂ ಸಂಯಮೀಂದ್ರಾಣಾಂ ಸಾರ್ವಭೌಮಂ ಜಗದ್ಗುರುಮ್ ||
ಕಿಂಕರೀಭೂತಭಕ್ತೈನಃ ಪಂಕಜಾತವಿಶೋಷಣಮ್ |
ಧ್ಯಾಯಾಮಿ ಶಂಕರಾಚಾರ್ಯಂ ಸರ್ವಲೋಕೈಕಶಂಕರಮ್ ||
ಸ್ತೋತ್ರಂ |
ಶ್ರೀಶಂಕರಾಚಾರ್ಯವರ್ಯೋ ಬ್ರಹ್ಮಾನಂದಪ್ರದಾಯಕಃ |
ಅಜ್ಞಾನತಿಮಿರಾದಿತ್ಯಃ ಸುಜ್ಞಾನಾಮ್ಬುಧಿಚಂದ್ರಮಾ || ೧ ||
ವರ್ಣಾಶ್ರಮಪ್ರತಿಷ್ಠಾತಾ ಶ್ರೀಮಾನ್ ಮುಕ್ತಿಪ್ರದಾಯಕಃ |
ಶಿಷ್ಯೋಪದೇಶನಿರತೋ ಭಕ್ತಾಭೀಷ್ಟಪ್ರದಾಯಕಃ || ೨ ||
ಸೂಕ್ಷ್ಮತತ್ತ್ವರಹಸ್ಯಜ್ಞಃ ಕಾರ್ಯಾಕಾರ್ಯಪ್ರಬೋಧಕಃ |
ಜ್ಞಾನಮುದ್ರಾಂಚಿತಕರಃ ಶಿಷ್ಯಹೃತ್ತಾಪಹಾರಕಃ || ೩ ||
ಪರಿವ್ರಾಜಾಶ್ರಮೋದ್ಧರ್ತಾ ಸರ್ವತಂತ್ರಸ್ವತಂತ್ರಧೀಃ |
ಅದ್ವೈತಸ್ಥಾಪನಾಚಾರ್ಯಃ ಸಾಕ್ಷಾಚ್ಚಂಕರರೂಪಧೃಕ್ || ೪ ||
ಷಣ್ಮತಸ್ಥಾಪನಾಚಾರ್ಯಸ್ತ್ರಯೀಮಾರ್ಗಪ್ರಕಾಶಕಃ |
ವೇದವೇದಾಂತತತ್ತ್ವಜ್ಞೋ ದುರ್ವಾದಿಮತಖಂಡನಃ || ೫ ||
ವೈರಾಗ್ಯನಿರತಃ ಶಾಂತಃ ಸಂಸಾರಾರ್ಣವತಾರಕಃ |
ಪ್ರಸನ್ನವದನಾಂಭೋಜಃ ಪರಮಾರ್ಥಪ್ರಕಾಶಕಃ || ೬ ||
ಪುರಾಣಸ್ಮೃತಿಸಾರಜ್ಞೋ ನಿತ್ಯತೃಪ್ತೋ ಮಹಚ್ಚುಚಿಃ |
ನಿತ್ಯಾನಂದೋ ನಿರಾತಂಕೋ ನಿಸ್ಸಂಗೋ ನಿರ್ಮಲಾತ್ಮಕಃ || ೭ ||
ನಿರ್ಮಮೋ ನಿರಹಂಕಾರೋ ವಿಶ್ವವಂದ್ಯಪದಾಂಬುಜಃ |
ಸತ್ತ್ವಪ್ರಧಾನಃ ಸದ್ಭಾವಃ ಸಂಖ್ಯಾತೀತಗುಣೋಜ್ಜ್ವಲಃ || ೮ ||
ಅನಘಃ ಸಾರಹೃದಯಃ ಸುಧೀಃ ಸಾರಸ್ವತಪ್ರದಃ |
ಸತ್ಯಾತ್ಮಾ ಪುಣ್ಯಶೀಲಶ್ಚ ಸಾಂಖ್ಯಯೋಗವಿಚಕ್ಷಣಃ || ೯ ||
ತಪೋರಾಶಿರ್ಮಹಾತೇಜಾ ಗುಣತ್ರಯವಿಭಾಗವಿತ್ |
ಕಲಿಘ್ನಃ ಕಾಲಕರ್ಮಜ್ಞಸ್ತಮೋಗುಣನಿವಾರಕಃ || ೧೦ ||
ಭಗವಾನ್ ಭಾರತೀಜೇತಾ ಶಾರದಾಹ್ವಾನಪಂಡಿತಃ |
ಧರ್ಮಾಧರ್ಮವಿಭಾಗಜ್ಞೋ ಲಕ್ಷ್ಯಭೇದಪ್ರದರ್ಶಕಃ || ೧೧ ||
ನಾದಬಿಂದುಕಲಾಭಿಜ್ಞೋ ಯೋಗಿಹೃತ್ಪದ್ಮಭಾಸ್ಕರಃ |
ಅತೀಂದ್ರಿಯಜ್ಞಾನನಿಧಿರ್ನಿತ್ಯಾನಿತ್ಯವಿವೇಕವಾನ್ || ೧೨ ||
ಚಿದಾನಂದಶ್ಚಿನ್ಮಯಾತ್ಮಾ ಪರಕಾಯಪ್ರವೇಶಕೃತ್ |
ಅಮಾನುಷಚರಿತ್ರಾಢ್ಯಃ ಕ್ಷೇಮದಾಯೀ ಕ್ಷಮಾಕರಃ || ೧೩ ||
ಭವ್ಯೋ ಭದ್ರಪ್ರದೋ ಭೂರಿಮಹಿಮಾ ವಿಶ್ವರಂಜಕಃ |
ಸ್ವಪ್ರಕಾಶಃ ಸದಾಧಾರೋ ವಿಶ್ವಬಂಧುಃ ಶುಭೋದಯಃ || ೧೪ ||
ವಿಶಾಲಕೀರ್ತಿರ್ವಾಗೀಶಃ ಸರ್ವಲೋಕಹಿತೋತ್ಸುಕಃ |
ಕೈಲಾಸಯಾತ್ರಾಸಂಪ್ರಾಪ್ತಚಂದ್ರಮೌಳಿಪ್ರಪೂಜಕಃ || ೧೫ ||
ಕಾಂಚ್ಯಾಂ ಶ್ರೀಚಕ್ರರಾಜಾಖ್ಯಯಂತ್ರಸ್ಥಾಪನದೀಕ್ಷಿತಃ |
ಶ್ರೀಚಕ್ರಾತ್ಮಕತಾಟಂಕತೋಷಿತಾಂಬಾಮನೋರಥಃ || ೧೬ ||
ಶ್ರೀಬ್ರಹ್ಮಸೂತ್ರೋಪನಿಷದ್ಭಾಷ್ಯಾದಿಗ್ರಂಥಕಲ್ಪಕಃ |
ಚತುರ್ದಿಕ್ಚತುರಾಮ್ನಾಯಪ್ರತಿಷ್ಠಾತಾ ಮಹಾಮತಿಃ || ೧೭ ||
ದ್ವಿಸಪ್ತತಿಮತೋಚ್ಚೇತ್ತಾ ಸರ್ವದಿಗ್ವಿಜಯಪ್ರಭುಃ |
ಕಾಷಾಯವಸನೋಪೇತೋ ಭಸ್ಮೋದ್ಧೂಳಿತವಿಗ್ರಹಃ || ೧೮ ||
ಜ್ಞಾನಾತ್ಮಕೈಕದಂಡಾಢ್ಯಃ ಕಮಂಡಲುಲಸತ್ಕರಃ |
ಗುರುಭೂಮಂಡಲಾಚಾರ್ಯೋ ಭಗವತ್ಪಾದಸಂಜ್ಞಕಃ || ೧೯ ||
ವ್ಯಾಸಸಂದರ್ಶನಪ್ರೀತೋ ಋಷ್ಯಶೃಂಗಪುರೇಶ್ವರಃ |
ಸೌಂದರ್ಯಲಹರೀಮುಖ್ಯಬಹುಸ್ತೋತ್ರವಿಧಾಯಕಃ || ೨೦ ||
ಚತುಷ್ಷಷ್ಟಿಕಲಾಭಿಜ್ಞೋ ಬ್ರಹ್ಮರಾಕ್ಷಸಮೋಕ್ಷದಃ |
ಶ್ರೀಮನ್ಮಂಡನಮಿಶ್ರಾಖ್ಯಸ್ವಯಂಭೂಜಯಸನ್ನುತಃ || ೨೧ ||
ತೋಟಕಾಚಾರ್ಯಸಂಪೂಜ್ಯೋ ಪದ್ಮಪಾದಾರ್ಚಿತಾಂಘ್ರಿಕಃ |
ಹಸ್ತಾಮಲಕಯೋಗೀಂದ್ರಬ್ರಹ್ಮಜ್ಞಾನಪ್ರದಾಯಕಃ || ೨೨ ||
ಸುರೇಶ್ವರಾಖ್ಯಸಚ್ಚಿಷ್ಯಸನ್ನ್ಯಾಸಾಶ್ರಮದಾಯಕಃ |
ನೃಸಿಂಹಭಕ್ತಃ ಸದ್ರತ್ನಗರ್ಭಹೇರಂಬಪೂಜಕಃ || ೨೩ ||
ವ್ಯಾಖ್ಯಾಸಿಂಹಾಸನಾಧೀಶೋ ಜಗತ್ಪೂಜ್ಯೋ ಜಗದ್ಗುರುಃ || ೨೪ ||
ಇತಿ ಶ್ರೀ ಶಂಕರಾಚಾರ್ಯಾಷ್ಟೋತ್ತರಶತನಾಮಸ್ತೋತ್ರಂ ಸಂಪೂರ್ಣಂ ||
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.