Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಶಕ್ತಿಶಿವಾವೂಚತುಃ |
ನಮಸ್ತೇ ಗಣನಾಥಾಯ ಗಣಾನಾಂ ಪತಯೇ ನಮಃ |
ಭಕ್ತಿಪ್ರಿಯಾಯ ದೇವೇಶ ಭಕ್ತೇಭ್ಯಃ ಸುಖದಾಯಕ || ೧ ||
ಸ್ವಾನಂದವಾಸಿನೇ ತುಭ್ಯಂ ಸಿದ್ಧಿಬುದ್ಧಿವರಾಯ ಚ |
ನಾಭಿಶೇಷಾಯ ದೇವಾಯ ಢುಂಢಿರಾಜಾಯ ತೇ ನಮಃ || ೨ ||
ವರದಾಭಯಹಸ್ತಾಯ ನಮಃ ಪರಶುಧಾರಿಣೇ |
ನಮಸ್ತೇ ಸೃಣಿಹಸ್ತಾಯ ನಾಭಿಶೇಷಾಯ ತೇ ನಮಃ || ೩ ||
ಅನಾಮಯಾಯ ಸರ್ವಾಯ ಸರ್ವಪೂಜ್ಯಾಯ ತೇ ನಮಃ |
ಸಗುಣಾಯ ನಮಸ್ತುಭ್ಯಂ ಬ್ರಹ್ಮಣೇ ನಿರ್ಗುಣಾಯ ಚ || ೪ ||
ಬ್ರಹ್ಮಭ್ಯೋ ಬ್ರಹ್ಮದಾತ್ರೇ ಚ ಗಜಾನನ ನಮೋಽಸ್ತು ತೇ |
ಜ್ಯೇಷ್ಠಾಯ ಚಾದಿಪೂಜ್ಯಾಯ ಜ್ಯೇಷ್ಠರಾಜಾಯ ತೇ ನಮಃ || ೫ ||
ಮಾತ್ರೇ ಪಿತ್ರೇ ಚ ಸರ್ವೇಷಾಂ ಹೇರಂಬಾಯ ನಮೋ ನಮಃ |
ಅನಾದಯೇ ಚ ವಿಘ್ನೇಶ ವಿಘ್ನಕರ್ತ್ರೇ ನಮೋ ನಮಃ || ೬ ||
ವಿಘ್ನಹರ್ತ್ರೇ ಸ್ವಭಕ್ತಾನಾಂ ಲಂಬೋದರ ನಮೋಽಸ್ತು ತೇ |
ತ್ವದೀಯಭಕ್ತಿಯೋಗೇನ ಯೋಗೀಶಾಃ ಶಾಂತಿಮಾಗತಾಃ || ೭ ||
ಕಿಂ ಸ್ತುವೋ ಯೋಗರೂಪಂ ತಂ ಪ್ರಣಮಾವಶ್ಚ ವಿಘ್ನಪ |
ತೇನ ತುಷ್ಟೋ ಭವ ಸ್ವಾಮಿನ್ನಿತ್ಯುಕ್ತ್ವಾ ತಂ ಪ್ರಣೇಮತುಃ || ೮ ||
ತಾವುತ್ಥಾಪ್ಯ ಗಣಾಧೀಶ ಉವಾಚ ತೌ ಮಹೇಶ್ವರೌ |
ಶ್ರೀಗಣೇಶ ಉವಾಚ |
ಭವತ್ಕೃತಮಿದಂ ಸ್ತೋತ್ರಂ ಮಮ ಭಕ್ತಿವಿವರ್ಧನಮ್ || ೯ ||
ಭವಿಷ್ಯತಿ ಚ ಸೌಖ್ಯಸ್ಯ ಪಠತೇ ಶೃಣ್ವತೇ ಪ್ರದಮ್ |
ಭುಕ್ತಿಮುಕ್ತಿಪ್ರದಂ ಚೈವ ಪುತ್ರಪೌತ್ರಾದಿಕಂ ತಥಾ |
ಧನಧಾನ್ಯಾದಿಕಂ ಸರ್ವಂ ಲಭತೇ ತೇನ ನಿಶ್ಚಿತಮ್ || ೧೦ ||
ಇತಿ ಶಿವಶಕ್ತಿಕೃತಂ ಶ್ರೀಗಣಾಧೀಶಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.