Read in తెలుగు / ಕನ್ನಡ / தமிழ் / English (IAST)
<< ನಾರಾಯಣೀಯಂ ಪಞ್ಚಚತ್ವಾರಿಂಶದಶಕಮ್
ಷಟ್ಚತ್ವಾರಿಂಶದಶಕಮ್ (೪೬) – ವಿಶ್ವರೂಪದರ್ಶನಮ್
ಅಯಿ ದೇವ ಪುರಾ ಕಿಲ ತ್ವಯಿ ಸ್ವಯಮುತ್ತಾನಶಯೇ ಸ್ತನನ್ಧಯೇ |
ಪರಿಜೃಂಭಣತೋ ವ್ಯಪಾವೃತೇ ವದನೇ ವಿಶ್ವಮಚಷ್ಟ ವಲ್ಲವೀ || ೪೬-೧ ||
ಪುನರಪ್ಯಥ ಬಾಲಕೈಃ ಸಮಂ ತ್ವಯಿ ಲೀಲಾನಿರತೇ ಜಗತ್ಪತೇ |
ಫಲಸಞ್ಚಯವಞ್ಚನಕೃಧಾ ತವ ಮೃದ್ಭೋಜನಮೂಚುರರ್ಭಕಾಃ || ೪೬-೨ ||
ಅಯಿ ತೇ ಪ್ರಲಯಾವಧೌ ವಿಭೋ ಕ್ಷಿತಿತೋಯಾದಿಸಮಸ್ತಭಕ್ಷಿಣಃ |
ಮೃದುಪಾಶನತೋ ರುಜಾ ಭವೇದಿತಿ ಭೀತಾ ಜನನೀ ಚುಕೋಪ ಸಾ || ೪೬-೩ ||
ಅಯಿ ದುರ್ವಿನಯಾತ್ಮಕ ತ್ವಯಾ ಕಿಮು ಮೃತ್ಸಾ ಬತ ವತ್ಸ ಭಕ್ಷಿತಾ |
ಇತಿ ಮಾತೃಗಿರಂ ಚಿರಂ ವಿಭೋ ವಿತಥಾಂ ತ್ವಂ ಪ್ರತಿಜಜ್ಞಿಷೇ ಹಸನ್ || ೪೬-೪ ||
ಅಯಿ ತೇ ಸಕಲೈರ್ವಿನಿಶ್ಚಿತೇ ವಿಮತಿಶ್ಚೇದ್ವದನಂ ವಿದಾರ್ಯತಾಮ್ |
ಇತಿ ಮಾತೃವಿಭರ್ತ್ಸಿತೋ ಮುಖಂ ವಿಕಸತ್ಪದ್ಮನಿಭಂ ವ್ಯದಾರಯಃ || ೪೬-೫ ||
ಅಪಿ ಮೃಲ್ಲವದರ್ಶನೋತ್ಸುಕಾಂ ಜನನೀಂ ತಾಂ ಬಹು ತರ್ಪಯನ್ನಿವ |
ಪೃಥಿವೀಂ ನಿಖಿಲಾಂ ನ ಕೇವಲಂ ಭುವನಾನ್ಯಪ್ಯಖಿಲಾನ್ಯದೀದೃಶಃ || ೪೬-೬ ||
ಕುಹಚಿದ್ವನಮಂಬುಧಿಃ ಕ್ವಚಿತ್ ಕ್ವಚಿದಭ್ರಂ ಕುಹಚಿದ್ರಸಾತಲಮ್ |
ಮನುಜಾ ದನುಜಾಃ ಕ್ವಚಿತ್ಸುರಾ ದದೃಶೇ ಕಿಂ ನ ತದಾ ತ್ವದಾನನೇ || ೪೬-೭ ||
ಕಲಶಾಂಬುಧಿಶಾಯಿನಂ ಪುನಃ ಪರವೈಕುಣ್ಠಪದಾಧಿವಾಸಿನಮ್ |
ಸ್ವಪುರಶ್ಚ ನಿಜಾರ್ಭಕಾತ್ಮಕಂ ಕತಿಧಾ ತ್ವಾಂ ನ ದದರ್ಶ ಸಾ ಮುಖೇ || ೪೬-೮ ||
ವಿಕಸದ್ಭುವನೇ ಮುಖೋದರೇ ನನು ಭೂಯೋಽಪಿ ತಥಾವಿಧಾನನಃ |
ಅನಯಾ ಸ್ಫುಟಮೀಕ್ಷಿತೋ ಭವಾನನವಸ್ಥಾಂ ಜಗತಾಂ ಬತಾತನೋತ್ || ೪೬-೯ ||
ಧೃತತತ್ತ್ವಧಿಯಂ ತದಾ ಕ್ಷಣಂ ಜನನೀಂ ತಾಂ ಪ್ರಣಯೇನ ಮೋಹಯನ್ |
ಸ್ತನಮಂಬ ದಿಶೇತ್ಯುಪಾಸಜನ್ ಭಗವನ್ನದ್ಭುತಬಾಲ ಪಾಹಿ ಮಾಮ್ || ೪೬-೧೦ ||
ಇತಿ ಷಟ್ಚತ್ವಾರಿಂಶದಶಕಂ ಸಮಾಪ್ತಮ್ |
ನಾರಾಯಣೀಯಂ ಸಪ್ತಚತ್ವಾರಿಂಶದಶಕಮ್ >>
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.