Read in తెలుగు / ಕನ್ನಡ / தமிழ் / देवनागरी / English (IAST)
आचम्य । प्राणानायम्य । देशकालौ सङ्कीर्त्य । गणपति स्मरणं कृत्वा ।
पुनः सङ्कल्पं –
अद्य पूर्वोक्त एवं गुणविशेषण विशिष्ठायां शुभतिथौ मम अङ्गारक ग्रहपीडापरिहारार्थं अङ्गारक ग्रहदेवता प्रसाद द्वारा आयुरारोग्य ऐश्वर्यादि उत्तमफलावाप्त्यर्थं मम सङ्कल्पित मनोवाञ्छाफलसिद्ध्यर्थं यथा सङ्ख्याकं अङ्गारक ग्रहस्य न्यासपूर्वक वेदोक्त मन्त्रजपं करिष्ये ॥
– अङ्गारक मन्त्रः –
अग्निर्मूर्धैत्यस्य मन्त्रस्य विरूप ऋषिः निचृद्गायत्री छन्दः भौमो देवता ककुदिति बीजं भौम प्रीत्यर्थे जपे विनियोगः ।
न्यासः –
ओं विरूप ऋषये नमः शिरसि ।
ओं निचृद्गायत्री छन्दसे नमः मुखे ।
ओं भौम देवतायै नमः हृदये ।
ओं ककुदिति बीजाय नमः गुह्ये ।
ओं भौम प्रीत्यर्थे जपे विनियोगाय नमः सर्वाङ्गे ।
करन्यासः –
ओं अग्निर्मूर्धेति अङ्गुष्ठाभ्यां नमः ।
ओं दिवः ककुदिति तर्जनीभ्यां नमः ।
ओं पतिः पृथिव्या अयमिति मध्यमाभ्यां नमः ।
ओं अपामिति अनामिकाभ्यां नमः ।
ओं रेतांसीति कनिष्ठिकाभ्यां नमः ।
ओं जिन्वतीति करतलकरपृष्ठाभ्यां नमः ।
हृदयादिन्यासः –
ओं अग्निर्मूर्धेति हृदयाय नमः ।
ओं दिवः ककुदिति शिरसे स्वाहा ।
ओं पतिः पृथिव्या अयमिति शिखायै वषट् ।
ओं अपामिति कवचाय हुम् ।
ओं रेतांसीति नेत्रत्रयाय वौषट् ।
ओं जिन्वतीति अस्त्राय फट् ।
ध्यानम् –
रक्ताम्बरो रक्तवपुः किरीटी
चतुर्भुजो मेषगमो गदाभृत् ।
धरासुतः शक्तिधरश्च शूली
सदा मम स्याद्वरदः प्रशान्तः ॥
लमित्यादि पञ्चपूजां कुर्यात् ॥
(य।वे।३-१२)
ओं अ॒ग्निर्मू॒र्धा दि॒वः क॒कुत्पति॑: पृथि॒व्याऽ अ॒यम् ।
अ॒पाग्ं रेता॑ग्ंसि जिन्वति ॥
ओं भौमाय नमः ।
समर्पणम् –
गुह्याति गुह्य गोप्ता त्वं गृहाणास्मत्कृतं जपम् ।
सिद्धिर्भवतु मे देव त्वत्प्रसादान्मयि स्थिर ॥
अनेन मया कृत अङ्गारक ग्रहस्य मन्त्र जपेन अङ्गारक सुप्रीतो सुप्रसन्नो वरदो भवन्तु ।
ओं शान्तिः शान्तिः शान्तिः ।
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.