Read in తెలుగు / ಕನ್ನಡ / தமிழ் / देवनागरी / English (IAST)
kuvalayanibhā kauśēyārdhōrukā mukuṭōjjvalā
halamusalinī sadbhaktēbhyō varābhayadāyinī |
kapilanayanā madhyē kṣāmā kaṭhōraghanastanī
jayati jagatāṁ mātaḥ sā tē varāhamukhī tanuḥ || 1 ||
tarati vipadō ghōrā dūrātparihriyatē bhayaṁ
skhalitamatibhirbhūtaprētaiḥ svayaṁ vriyatē śriyā |
kṣapayati ripūnīṣṭē vācāṁ raṇē labhatē jayaṁ
vaśayati jagatsarvaṁ vārāhi yastvayi bhaktimān || 2 ||
stimitagatayaḥ sīdadvācaḥ paricyutahētayaḥ
kṣubhitahr̥dayāḥ sadyō naśyaddr̥śō galitaujasaḥ |
bhayaparavaśā bhagnōtsāhāḥ parāhatapauruṣāḥ
bhagavati purastvadbhaktānāṁ bhavanti virōdhinaḥ || 3 ||
kisalayamr̥durhastaḥ kliśyēta kandukalīlayā
bhagavati mahābhāraḥ krīḍāsarōruhamēva tē |
tadapi musalaṁ dhatsē hastē halaṁ samayadruhāṁ
harasi ca tadāghātaiḥ prāṇānahō tava sāhasam || 4 ||
janani niyatasthānē tvadvāmadakṣiṇapārśvayō-
-rmr̥dubhujalatāmandōkṣēpapravātitacāmarē |
satatamuditē guhyācāradruhāṁ rudhirāsavai-
-rupaśamayatāṁ śatrūn sarvānubhē mama daivatē || 5 ||
haratu duritaṁ kṣētrādhīśaḥ svaśāsanavidviṣāṁ
rudhiramadirāmattaḥ prāṇōpahārabalipriyaḥ |
aviratacaṭatkurvaddaṁṣṭrāsthikōṭiraṭanmukhō
bhagavati sa tē caṇḍōccaṇḍaḥ sadā purataḥ sthitaḥ || 6 ||
kṣubhitamakarairvīcīhastōparuddhaparasparai-
-ścaturudadhibhiḥ krāntā kalpāntadurlalitōdakaiḥ |
janani kathamuttiṣṭhēt pātālasarpabilādilā
tava tu kuṭilē daṁṣṭrākōṭī na cēdavalambanam || 7 ||
tamasi bahulē śūnyāṭavyāṁ piśācaniśācara-
-pramathakalahē cōravyāghrōragadvipasaṅkaṭē |
kṣubhitamanasaḥ kṣudrasyaikākinō:’pi kutō bhayaṁ
sakr̥dapi mukhē mātastvannāma sannihitaṁ yadi || 8 ||
viditavibhavaṁ hr̥dyaiḥ padyairvarāhamukhīstavaṁ
sakalaphaladaṁ pūrṇaṁ mantrākṣarairimamēva yaḥ |
paṭhati sa paṭuḥ prāpnōtyāyuściraṁ kavitāṁ priyāṁ
sutasukhadhanārōgyaṁ kīrtiṁ śriyaṁ jayamurvarām || 9 ||
iti śrī varāhamukhī stavaḥ |
See more śrī vārāhī stōtrāṇi for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.