Read in తెలుగు / ಕನ್ನಡ / தமிழ் / देवनागरी / English (IAST)
brahmarṣaya ūcuḥ |
namastē dēvadēvānāmādibhūta sanātana |
puruṣāya purāṇāya namastē paramātmanē || 1 ||
jarāmaraṇarōgādivihīnāyāmalātmanē |
brahmaṇāṁ patayē tubhyaṁ jagatāṁ patayē namaḥ || 2 ||
lōkālōkasvarūpāya lōkānāṁ patayē namaḥ |
śaṅkhacakragadāpadmapāṇayē viṣṇavē namaḥ || 3 ||
namō hiraṇyagarbhāya śrīpatē bhūpatē namaḥ |
namaḥ svayambhuvē tubhyaṁ sūtrātmādisvarūpiṇē || 4 ||
virāṭ prajāpatēḥ sākṣājjanakāya namō namaḥ |
viśvataijasarūpāya prājñarūpāya tē namaḥ || 5 ||
jāgratsvapnasvarūpāya namaḥ suptyātmanē namaḥ |
avasthāsākṣiṇē tubhyamavasthāvarjitācyuta || 6 ||
turīyāya viśuddhāya turyātītāya tē namaḥ |
prathamāya samastasya jagataḥ paramātmanē || 7 ||
ōṅkāraikasvarūpāya śivāya śivada prabhō |
sarvavijñānasampanna namō vijñānadāyinē || 8 ||
jagatāṁ yōnayē tubhyaṁ vēdhasē viśvarūpiṇē |
nityaśuddhāya buddhāya muktāya sukharūpiṇē || 9 ||
namō vācāmatītāya manō:’gamyāya tē namaḥ |
apramēyāya śāntāya svayambhānāya sākṣiṇē || 10 ||
namaḥ puṁsē purāṇāya śrēyaḥprāptyēkahētavē |
ākāśādiprapañcāya namastadrūpa śaṅkara || 11 ||
māyārūpāya māyāyāḥ sattāhētō janārdana |
namaḥ pradyumnarūpāya namaḥ saṅkarṣaṇātmanē || 12 ||
namō:’niruddharūpāya vāsudēvāya tē namaḥ |
yōgāya yōgagamyāya yōgināmiṣṭasiddhida || 13 ||
namastē matsyarūpāya namastē kūrmarūpiṇē |
namastubhyaṁ varāhāya nārasiṁhāya tē namaḥ || 14 ||
namō vāmanarūpāya namō rāmatrayātmanē |
namaḥ kr̥ṣṇāya sarvajña namastē kalkirūpiṇē || 15 ||
karmiṇāṁ phalarūpāya karmarūpāya tē namaḥ |
karmakartrē namastubhyaṁ namastē karmasākṣiṇē || 16 ||
namō vijñaptirūpāya namō vēdāntarūpiṇē |
guṇatrayātmanē tubhyaṁ namō nirguṇarūpiṇē || 17 ||
adbhutāyāmarēśāya śivaprāptyēkahētavē |
namō nakṣatrarūpāya namastē sōmarūpiṇē || 18 ||
namaḥ sūryātmanē tubhyaṁ namō vajradharāya tē |
namastē padmanābhāya namastē śārṅgapāṇayē || 19 ||
namastubhyaṁ viśālākṣa namaḥ śrīdhara nāyaka |
namaḥ saṁsārataptānāṁ tāpanāśaikahētavē || 20 ||
śrautasmārtaikaniṣṭhānāmacirādēva muktida |
anyēṣāmapi sarvēṣāṁ saṁsāraikapradāvyaya || 21 ||
namō:’suravimardāya namō vidyādharārcita |
kṣīrōdaśāyinē tubhyaṁ namō vaikuṇṭhavāsinē |
namō rāgābhibhūtānāṁ vairāgyaplavadāyinē || 22 ||
iti sūtasaṁhitāyāṁ śrī mahāviṣṇu stutiḥ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.