Read in తెలుగు / ಕನ್ನಡ / தமிழ் / देवनागरी / English (IAST)
surālayapradhāne tu devadevaṁ maheśvaram |
śailādhirājatanayā saṅgrahe tamuvāca ha || 1 ||
śrīdevyuvāca |
parameṣṭhin paraṁ dhāma pradhāna parameśvara |
nāmnāṁ sahasraṁ bagalāmukhyāśca brūhi vallabha || 2 ||
īśvara uvāca |
śṛṇu devi pravakṣyāmi nāmadheyaṁ sahasrakam |
parabrahmāstravidyāyāścaturvargaphalapradam || 3 ||
guhyādguhyataraṁ devi sarvasiddhaikavanditam |
atiguptatarā vidyā sarvatantreṣu gopitā || 4 ||
viśeṣataḥ kaliyuge mahāsiddhyaughadāyinī |
gopanīyaṁ gopanīyaṁ gopanīyaṁ prayatnataḥ || 5 ||
aprakāśyamidaṁ satyaṁ svayoniriva suvrate |
rodhinī vighnasaṅghānāṁ mohinī parayoṣitām || 6 ||
stambhinī rājasainyānāṁ vādinī paravādinām |
purā caikārṇave ghore kāle paramabhairavaḥ || 7 ||
sundarīsahito devaḥ keśavaḥ kleśanāśanaḥ |
uragāsanamāsīno yoganidrāmupāgamat || 8 ||
nidrākāle ca te kāle mayā proktaṁ sanātanaḥ |
mahāstambhakaraṁ devi stotraṁ vā śatanāmakam || 9 ||
sahasranāma paramaṁ vada devasya kasyacit |
śrībhagavānuvāca |
śṛṇu śaṅkara deveśa paramātirahasyakam || 10 ||
ato’haṁ yatprasādena viṣṇuḥ sarveśvareśvaraḥ |
gopanīyaṁ prayatnena prakāśāt siddhihānikṛt || 11 ||
viniyogaḥ –
asya śrīpītāmbarī bagalāmukhī sahasranāmastotramantrasya bhagavān sadāśiva ṛṣiḥ anuṣṭup chandaḥ śrījagadvaśyakarī pītāmbarī bagalāmukhī devatā sarvābhīṣṭasiddhyarthe jape viniyogaḥ ||
dhyānam –
pītāmbaraparīdhānāṁ pīnonnatapayodharām |
jaṭāmukuṭaśobhāḍhyāṁ pītabhūmisukhāsanām || 12 ||
śatrorjihvāṁ mudgaraṁ ca bibhratīṁ paramāṁ kalām |
sarvāgamapurāṇeṣu vikhyātāṁ bhuvanatraye || 13 ||
sṛṣṭisthitivināśānāmādibhūtāṁ maheśvarīm |
gopyā sarvaprayatnena śṛṇu tāṁ kathayāmi te || 14 ||
jagadvidhvaṁsinīṁ devīmajarā’marakāriṇīm |
tāṁ namāmi mahāmāyāṁ mahadaiśvaryadāyinīm || 15 ||
mūlamantravyākhya –
praṇavaṁ pūrvamuddhṛtya sthiramāyāṁ tato vadet |
bagalāmukhī sarveti duṣṭānāṁ vācameva ca || 16 ||
mukhaṁ padaṁ stambhayeti jihvāṁ kīlaya buddhimat |
vināśayeti tāraṁ ca sthiramāyāṁ tato vadet || 17 ||
vahnipriyāṁ tato mantraścaturvargaphalapradaḥ |
stotram –
brahmāstraṁ brahmavidyā ca brahmamātā sanātanī || 18 ||
brahmeśī brahmakaivalyaṁ bagalā brahmacāriṇī |
nityānandā nityasiddhā nityarūpā nirāmayā || 19 ||
sandhāriṇī mahāmāyā kaṭākṣakṣemakāriṇī |
kamalā vimalā nīlaratnakāntiguṇāśritā || 20 ||
kāmapriyā kāmaratā kāmakāmasvarūpiṇī |
maṅgalā vijayā jāyā sarvamaṅgalakāriṇī || 21 ||
kāminī kāminīkāmyā kāmukā kāmacāriṇī |
kāmapriyā kāmaratā kāmākāmasvarūpiṇī || 22 ||
kāmākhyā kāmabījasthā kāmapīṭhanivāsinī |
kāmadā kāmahā kālī kapālī ca karālikā || 23 ||
kaṁsāriḥ kamalā kāmā kailāseśvaravallabhā |
kātyāyanī keśavā ca karuṇā kāmakelibhuk || 24 ||
kriyā kīrtiḥ kṛttikā ca kāśikā mathurā śivā |
kālākṣī kālikā kālī dhavalānanasundarī || 25 ||
khecarī ca khamūrtiśca kṣudrā’kṣudrakṣudhāvarā |
khaḍgahastā khaḍgaratā khaḍginī kharparapriyā || 26 ||
gaṅgā gaurī gāminī ca gītā gotravivardhinī |
godharā gokarā godhā gandharvapuravāsinī || 27 ||
gandharvā gandharvakalā gopanī garuḍāsanā |
govindabhāvā govindā gāndhārī gandhamādinī || 28 ||
gaurāṅgī gopikāmūrtirgopīgoṣṭhanivāsinī |
gandhā gajendragāmānyā gadādharapriyā grahā || 29 ||
ghoraghorā ghorarūpā ghanaśroṇī ghanaprabhā |
daityendraprabalā ghaṇṭāvādinī ghoranisvanā || 30 ||
ḍākinyumā upendrā ca urvaśī uragāsanā |
uttamā unnatā unnā uttamasthānavāsinī || 31 ||
cāmuṇḍā muṇḍikā caṇḍī caṇḍadarpahareti ca |
ugracaṇḍā caṇḍacaṇḍā caṇḍadaityavināśinī || 32 ||
caṇḍarūpā pracaṇḍā ca caṇḍācaṇḍaśarīriṇī |
caturbhujā pracaṇḍā ca carācaranivāsinī || 33 ||
kṣatraprāyaḥ śirovāhā chalāchalatarā chalī |
kṣatrarūpā kṣatradharā kṣatriyakṣayakāriṇī || 34 ||
jayā ca jayadurgā ca jayantī jayadā parā |
jāyinī jayinī jyotsnājaṭādharapriyā’jitā || 35 ||
jitendriyā jitakrodhā jayamānā janeśvarī |
jitamṛtyurjarātītā jāhnavī janakātmajā || 36 ||
jhaṅkārā jhañjharījhaṇṭā jhaṅkārījhakaśobhinī |
jhakhājhameśā jhaṅkārīyonikalyāṇadāyinī || 37 ||
jharjharā jhamurījhārā jharājharatarā parā |
jhañjhājhametā jhaṅkārījhaṇākalyāṇadāyinī || 38 ||
ṅamanāmānasīcintyā ṅamunāśaṅkarapriyā |
ṭaṅkārīṭiṭikā ṭīkāṭaṅkinī ca ṭavargagā || 39 ||
ṭāpāṭopā ṭaṭapatiṣṭamanī ṭamanapriyā |
ṭhakāradhāriṇī ṭhīkāṭhaṅkarī ṭhikarapriyā || 40 ||
ṭhekaṭhāsā ṭhakaratīṭhāminī ṭhamanapriyā |
ḍārahā ḍākinī ḍārāḍāmarā ḍāmarapriyā || 41 ||
ḍakhinīḍaḍayuktā ca ḍamarūkaravallabhā |
ḍhakkāḍhakkīḍhakkanādā ḍholaśabdaprabodhinī || 42 ||
ḍhāminī ḍhāmanaprītā ḍhagatantraprakāśinī |
anekarūpiṇī ambā aṇimāsiddhidāyinī || 43 ||
āmantriṇī aṇukarī aṇumadbhānusaṁsthitā |
tārātantravatī tantratattvarūpā tapasvinī || 44 ||
taraṅgiṇī tattvaparā tantrikā tantravigrahā |
taporūpā tattvadātrī tapaḥprītipradharṣiṇī || 45 ||
tantrayantrārcanaparā talātalanivāsinī |
talpadā tvalpadā kāmāsthirā sthiratarā sthitiḥ || 46 ||
sthāṇupriyā sthitiparā sthitāsthānapradāyinī |
digambarā dayārūpā dāvāgnidamanī damā || 47 ||
durgā durgaparādevī duṣṭadaityavināśinī |
damanapramadā daityadayādānaparāyaṇā || 48 ||
durgārtināśinī dāntā dambhinī dambhavarjitā |
digambarapriyā dambhā daityadambhavidāriṇī || 49 ||
damanāśanasaundaryā dānavendravināśinī |
dayādharā ca damanī darbhapatravilāsinī || 50 ||
dharaṇīdhāriṇī dhātrī dharādharadharapriyā |
dharādharasutā devī sudharmā dharmacāriṇī || 51 ||
dharmajñā dhavalā dhūlā dhanadā dhanavardhinī |
dhīrā’dhīrā dhīratarā dhīrasiddhipradāyinī || 52 ||
dhanvantaridharādhīrā dhyeyadhyānasvarūpiṇī |
nārāyaṇī nārasiṁhī nityānandā narottamā || 53 ||
naktā’naktavatī nityā nīlajīmūtasannibhā |
nīlāṅgī nīlavastrā ca nīlaparvatavāsinī || 54 ||
sunīlapuṣpakhacitā nīlajambūsamaprabhā |
nityākhyā ṣoḍaśī vidyā nityā’nityasukhāvahā || 55 ||
narmadā nandanānandā nandānandavivardhinī |
yaśodānandatanayā nandanodyānavāsinī || 56 ||
nāgāntakā nāgavṛddhā nāgapatnī ca nāginī |
namitāśeṣajanatā namaskāravatī namaḥ || 57 ||
pītāmbarā pārvatī ca pītāmbaravibhūṣitā |
pītamālyāmbaradharā pītābhā piṅgamūrdhajā || 58 ||
pītapuṣpārcanaratā pītapuṣpasamarcitā |
paraprabhā pitṛpatiḥ parasainyavināśinī || 59 ||
paramā paratantrā ca paramantrā parātparā |
parāvidyā parāsiddhiḥ parāsthānapradāyinī || 60 ||
puṣpā puṣpavatī nityā puṣpamālāvibhūṣitā |
purātanā pūrvaparā parasiddhipradāyinī || 61 ||
pītānitambinī pītā pīnonnatapayastanī |
premāpramadhyamāśeṣā padmapatravilāsinī || 62 ||
padmāvatī padmanetrā padmā padmamukhī parā |
padmāsanā padmapriyā padmarāgasvarūpiṇī || 63 ||
pāvanī pālikā pātrī paradā varadā śivā |
pretasaṁsthā parānandā parabrahmasvarūpiṇī || 64 ||
jineśvarapriyā devī paśuraktaratapriyā |
paśumāṁsapriyā’parṇā parāmṛtaparāyaṇā || 65 ||
pāśinī pāśikā cāpi paśughnī paśubhāṣiṇī |
phullāravindavadanī phullotpalaśarīriṇī || 66 ||
parānandapradā vīṇā paśupāśavināśinī |
phūtkārā phūtparā pheṇī phullendīvaralocanā || 67 ||
phaṭmantrā sphaṭikā svāhā sphoṭā ca phaṭsvarūpiṇī |
sphāṭikāghuṭikā ghorā sphaṭikādrisvarūpiṇī || 68 ||
varāṅganā varadharā vārāhī vāsukī varā |
bindusthā bindunīvāṇī binducakranivāsinī || 69 ||
vidyādharī viśālākṣī kāśīvāsijanapriyā |
vedavidyā virūpākṣī viśvayugbahurūpiṇī || 70 ||
brahmaśaktirviṣṇuśaktiḥ pañcavaktrā śivapriyā |
vaikuṇṭhavāsinī devī vaikuṇṭhapadadāyinī || 71 ||
brahmarūpā viṣṇurūpā parabrahmamaheśvarī |
bhavapriyā bhavodbhavā bhavarūpā bhavottamā || 72 ||
bhavapārā bhavādhārā bhāgyavatpriyakāriṇī |
bhadrā subhadrā bhavadā śumbhadaityavināśinī || 73 ||
bhavānī bhairavī bhīmā bhadrakālī subhadrikā |
bhaginī bhagarūpā ca bhagamānā bhagottamā || 74 ||
bhagapriyā bhagavatī bhagavāsā bhagākarā |
bhagasṛṣṭā bhāgyavatī bhagarūpā bhagāsinī || 75 ||
bhagaliṅgapriyā devī bhagaliṅgaparāyaṇā |
bhagaliṅgasvarūpā ca bhagaliṅgavinodinī || 76 ||
bhagaliṅgaratā devī bhagaliṅganivāsinī |
bhagamālā bhagakalā bhagādhārā bhagāmbarā || 77 ||
bhagavegā bhagābhūṣā bhagendrā bhāgyarūpiṇī |
bhagaliṅgāṅgasambhogā bhagaliṅgāsavāvahā || 78 ||
bhagaliṅgasamādhuryā bhagaliṅganiveśitā |
bhagaliṅgasupūjā ca bhagaliṅgasamanvitā || 79 ||
bhagaliṅgaviraktā ca bhagaliṅgasamāvṛtā |
mādhavī mādhavīmānyā madhurā madhumāninī || 80 ||
mandahāsā mahāmāyā mohinī mahaduttamā |
mahāmohā mahāvidyā mahāghorā mahāsmṛtiḥ || 81 ||
manasvinī mānavatī modinī madhurānanā |
menakā māninī mānyā maṇiratnavibhūṣaṇā || 82 ||
mallikāmaulikāmālā mālādharamadottamā |
madanāsundarī medhā madhumattā madhupriyā || 83 ||
mattahaṁsāsamonnāsā mattasiṁhamahāsanī |
mahendravallabhā bhīmā maulyaṁ ca mithunātmajā || 84 ||
mahākālyā mahākālī mahābuddhirmahotkaṭā |
māheśvarī mahāmāyā mahiṣāsuraghātinī || 85 ||
madhurākīrtimattā ca mattamātaṅgagāminī |
madapriyā māṁsaratā mattayukkāmakāriṇī || 86 ||
maithunyavallabhā devī mahānandā mahotsavā |
marīcirmāratirmāyā manobuddhipradāyinī || 87 ||
mohā mokṣā mahālakṣmīrmahatpadapradāyinī |
yamarūpā ca yamunā jayantī ca jayapradā || 88 ||
yāmyā yamavatī yuddhā yadoḥ kulavivardhinī |
ramā rāmā rāmapatnī ratnamālāratipriyā || 89 ||
ratnasiṁhāsanasthā ca ratnābharaṇamaṇḍitā |
ramaṇī ramaṇīyā ca ratyārasaparāyaṇā || 90 ||
ratānandā ratavatī raghūṇāṁ kulavardhinī |
ramaṇāriparibhrājyā raidhā rādhikaratnajā || 91 ||
rāvīrasasvarūpā ca rātrirājasukhāvahā |
ṛtujā ṛtudā ṛddhā ṛturūpā ṛtupriyā || 92 ||
raktapriyā raktavatī raṅgiṇī raktadantikā |
lakṣmīrlajjā latikā ca līlālagnānitākṣiṇī || 93 ||
līlā līlāvatī lomaharṣāhlādanapaṭṭikā |
brahmasthitā brahmarūpā brahmaṇā vedavanditā || 94 ||
brahmodbhavā brahmakalā brahmāṇī brahmabodhinī |
vedāṅganā vedarūpā vanitā vinatāvasā || 95 ||
bālā ca yuvatī vṛddhā brahmakarmaparāyaṇā |
vindhyasthā vindhyavāsī ca binduyugbindubhūṣaṇā || 96 ||
vidyāvatī vedadhārī vyāpikā barhiṇīkalā |
vāmācārapriyā vahnirvāmācāraparāyaṇā || 97 ||
vāmācāraratā devī vāmadevapriyottamā |
buddhendriyā vibuddhā ca buddhācaraṇamālinī || 98 ||
bandhamocanakartrī ca vāruṇā varuṇālayā |
śivā śivapriyā śuddhā śuddhāṅgī śuklavarṇikā || 99 ||
śuklapuṣpapriyā śuklā śivadharmaparāyaṇā |
śuklasthā śuklinī śuklarūpā śuklapaśupriyā || 100 ||
śukrasthā śukriṇī śukrā śukrarūpā ca śukrikā |
ṣaṇmukhī ca ṣaḍaṅgā ca ṣaṭcakravinivāsinī || 101 ||
ṣaḍgranthiyuktā ṣoḍhā ca ṣaṇmātā ca ṣaḍātmikā |
ṣaḍaṅgayuvatī devī ṣaḍaṅgaprakṛtirvaśī || 102 ||
ṣaḍānanā ṣaḍrasā ca ṣaṣṭhī ṣaṣṭheśvarīpriyā |
ṣaḍjavādā ṣoḍaśī ca ṣoḍhānyāsasvarūpiṇī || 103 ||
ṣaṭcakrabhedanakarī ṣaṭcakrasthasvarūpiṇī |
ṣoḍaśasvararūpā ca ṣaṇmukhī ṣaṭpadānvitā || 104 || [ṣaḍradānvitā]
sanakādisvarūpā ca śivadharmaparāyaṇā |
siddhasaptasvarī śuddhā suramātā surottamā || 105 || [svarottamā]
siddhavidyā siddhamātā siddhā’siddhasvarūpiṇī |
harā haripriyāhārā hariṇī hārayuk tathā || 106 ||
harirūpā haridharā hariṇākṣī haripriyā |
hetupriyā heturatā hitā’hitasvarūpiṇī || 107 ||
kṣamā kṣamāvatī kṣītā kṣudraghaṇṭāvibhūṣaṇā |
kṣayaṅkarī kṣitīśā ca kṣīṇamadhyasuśobhanā || 108 ||
ajānantā aparṇā ca ahalyā śeṣaśāyinī |
svāntargatā ca sādhūnāmantarānandarūpiṇī || 109 ||
arūpā amalā cārdhā anantaguṇaśālinī |
svavidyā vidyakāvidyā vidyā cārvīndulocanā || 110 ||
aparājitā jātavedā ajapā amarāvatī |
alpā svalpā analpādyā aṇimāsiddhidāyinī || 111 ||
aṣṭasiddhipradā devī rūpalakṣaṇasamyutā |
aravindamukhā devī bhogasaukhyapradāyinī || 112 ||
ādividyā ādibhūtā ādisiddhipradāyinī |
sītkārarūpiṇī devī sarvāsanavibhūṣitā || 113 ||
indrapriyā ca indrāṇī indraprasthanivāsinī |
indrākṣī indravajrā ca indramadyokṣaṇī tathā || 114 ||
īlākāmanivāsā ca īśvarīśvaravallabhā |
jananī ceśvarī dīnā bhedā ceśvarakarmakṛt || 115 ||
umā kātyāyanī ūrdhvā mīnā cottaravāsinī |
umāpatipriyā devī śivā coṅkārarūpiṇī || 116 ||
uragendraśiroratnā uragoragavallabhā |
udyānavāsinīmālā praśastamaṇibhūṣaṇā || 117 ||
ūrdhvadantottamāṅgī ca uttamā cordhvakeśinī |
umāsiddhipradā yā ca uragāsanasaṁsthitā || 118 ||
ṛṣiputrī ṛṣicchandā ṛṣisiddhipradāyinī |
utsavotsavasīmantā kāmikā ca guṇānvitā || 119 ||
elā ekāravidyā ca eṇīvidyādharā tathā |
oṅkāravalayopetā oṅkāraparamākalā || 120 ||
oṁvadavadavāṇī ca oṅkārākṣaramaṇḍitā |
aindrī kuliśahastā ca oṁlokaparavāsinī || 121 ||
oṅkāramadhyabījā ca oṁnamorūpadhāriṇī |
parabrahmasvarūpā ca aṁśukāṁśukavallabhā || 122 ||
oṅkārā aḥphaṭ mantrā ca akṣākṣaravibhūṣitā |
amantrā mantrarūpā ca padaśobhāsamanvitā || 123 ||
praṇavoṅkārarūpā ca praṇavoccārabhāk punaḥ |
hrīṅkārarūpā hrīṅkārī vāgbījākṣarabhūṣaṇā || 124 ||
hṛllekhā siddhiyogā ca hṛtpadmāsanasaṁsthitā |
bījākhyā netrahṛdayā hrīmbījā bhuvaneśvarī || 125 ||
klīṅkāmarājā klinnā ca caturvargaphalapradā |
klīṅklīṅklīṁrūpikā devī krīṅkrīṅkrīṁnāmadhāriṇī || 126 ||
kamalāśaktibījā ca pāśāṅkuśavibhūṣitā |
śrīṁśrīṅkārā mahāvidyā śraddhā śraddhāvatī tathā || 127 ||
oṁ aiṁ klīṁ hrīṁ śrīṁ parā ca klīṅkārī paramā kalā |
hrīṁ klīṁ śrīṅkārasvarūpā sarvakarmaphalapradā || 128 ||
sarvāḍhyā sarvadevī ca sarvasiddhipradā tathā |
sarvajñā sarvaśaktiśca vāgvibhūtipradāyinī || 129 ||
sarvamokṣapradā devī sarvabhogapradāyinī |
guṇendravallabhā vāmā sarvaśaktipradāyinī || 130 ||
sarvānandamayī caiva sarvasiddhipradāyinī |
sarvacakreśvarī devī sarvasiddheśvarī tathā || 131 ||
sarvapriyaṅkarī caiva sarvasaukhyapradāyinī |
sarvānandapradā devī brahmānandapradāyinī || 132 ||
manovāñchitadātrī ca manobuddhisamanvitā |
akārādikṣakārāntā durgā durgārtināśinī || 133 ||
padmanetrā sunetrā ca svadhā svāhā vaṣaṭkarī |
svavargā devavargā ca tavargā ca samanvitā || 134 ||
antasthā veśmarūpā ca navadurgā narottamā |
tattvasiddhipradā nīlā tathā nīlapatākinī || 135 ||
nityarūpā niśākārī stambhinī mohinīti ca |
vaśaṅkarī tathoccāṭī unmādī karṣiṇīti ca || 136 ||
mātaṅgī madhumattā ca aṇimā laghimā tathā |
siddhā mokṣapradā nityā nityānandapradāyinī || 137 ||
raktāṅgī raktanetrā ca raktacandanabhūṣitā |
svalpasiddhiḥ sukalpā ca divyacāraṇaśukrabhā || 138 ||
saṅkrāntiḥ sarvavidyā ca saptavāsarabhūṣitā | [sasyavāsara-]
prathamā ca dvitīyā ca tṛtīyā ca caturthikā || 139 ||
pañcamī caiva ṣaṣṭhī ca viśuddhā saptamī tathā |
aṣṭamī navamī caiva daśamyekādaśī tathā || 140 ||
dvādaśī trayodaśī ca caturdaśyatha pūrṇimā |
amāvāsyā tathā pūrvā uttarā paripūrṇimā || 141 ||
khaḍginī cakriṇī ghorā gadinī śūlinī tathā |
bhuśuṇḍī cāpinī bāṇā sarvāyudhavibhūṣaṇā || 142 ||
kuleśvarī kulavatī kulācāraparāyaṇā |
kulakarmasuraktā ca kulācārapravardhinī || 143 ||
kīrtiḥ śrīśca ramā rāmā dharmāyai satataṁ namaḥ |
kṣamā dhṛtiḥ smṛtirmedhā kalpavṛkṣanivāsinī || 144 ||
ugrā ugraprabhā gaurī vedavidyāvibodhinī |
sādhyā siddhā susiddhā ca viprarūpā tathaiva ca || 145 ||
kālī karālī kālyā ca kāladaityavināśinī |
kaulinī kālikī caiva kacaṭatapavargikā || 146 ||
jayinī jayayuktā ca jayadā jṛmbhiṇī tathā |
srāviṇī drāviṇī devī bheruṇḍā vindhyavāsinī || 147 || [bharuṇḍā]
jyotirbhūtā ca jayadā jvālāmālāsamākulā |
bhinnābhinnaprakāśā ca vibhinnā bhinnarūpiṇī || 148 ||
aśvinī bharaṇī caiva nakṣatrasambhavānilā |
kāśyapī vinatākhyātā ditijā ditireva ca || 149 ||
kīrtiḥ kāmapriyā devī kīrtyakīrtivivardhinī |
sadyomāṁsasamālabdhā sadyaśchinnāsiśaṅkarā || 150 ||
dakṣiṇā cottarā pūrvā paścimā dik tathaiva ca |
agninairṛtivāyavyā īśānyādik tathā smṛtā || 151 ||
ūrdhvāṅgādhogatā śvetā kṛṣṇā raktā ca pītakā |
caturvargā caturvarṇā caturmātrātmikākṣarā || 152 ||
caturmukhī caturvedā caturvidyā caturmukhā |
caturgaṇā caturmātā caturvargaphalapradā || 153 ||
dhātrīvidhātrīmithunā nārīnāyakavāsinī |
surāmudā mudavatī modinī menakātmajā || 154 ||
ūrdhvakālī siddhikālī dakṣiṇākālikā śivā |
nīlasarasvatī sā tvaṁ bagalā chinnamastakā || 155 ||
sarveśvarī siddhavidyā parā paramadevatā |
hiṅgulā hiṅgulāṅgī ca hiṅgulādharavāsinī || 156 ||
hiṅgulottamavarṇābhā hiṅgulābharaṇā ca sā |
jāgratī ca jaganmātā jagadīśvaravallabhā || 157 ||
janārdanapriyā devī jayayuktā jayapradā |
jagadānandakarī ca jagadāhlādakāriṇī || 158 ||
jñānadānakarī yajñā jānakī janakapriyā |
jayantī jayadā nityā jvaladagnisamaprabhā || 159 ||
vidyādharā ca bimboṣṭhī kailāsācalavāsinī |
vibhavā vaḍavāgniśca agnihotraphalapradā || 160 ||
mantrarūpā parā devī tathaiva gururūpiṇī |
gayā gaṅgā gomatī ca prabhāsā puṣkarā’pi ca || 161 ||
vindhyācalaratā devī vindhyācalanivāsinī |
bahū bahusundarī ca kaṁsāsuravināśinī || 162 ||
śūlinī śūlahastā ca vajrā vajraharā’pi ca |
durgā śivā śāntikarī brahmāṇī brāhmaṇapriyā || 163 ||
sarvalokapraṇetrī ca sarvarogaharā’pi ca |
maṅgalā śobhanā śuddhā niṣkalā paramā kalā || 164 ||
viśveśvarī viśvamātā lalitāvāsitānanā |
sadāśivā umā kṣemā caṇḍikā caṇḍavikramā || 165 ||
sarvadevamayī devī sarvāgamabhayāpahā |
brahmeśaviṣṇunamitā sarvakalyāṇakāriṇī || 166 ||
yoginī yogamātā ca yogīndrahṛdayasthitā |
yogijāyā yogavatī yogīndrānandayoginī || 167 ||
indrādinamitā devī īśvarī ceśvarapriyā |
viśuddhidā bhayaharā bhaktadveṣibhayaṅkarī || 168 ||
bhavaveṣā kāminī ca bheruṇḍā bhayakāriṇī |
balabhadrapriyākārā saṁsārārṇavatāriṇī || 169 ||
pañcabhūtā sarvabhūtā vibhūtirbhūtidhāriṇī |
siṁhavāhā mahāmohā mohapāśavināśinī || 170 ||
mandurā madirā mudrā’mudrā mudgaradhāriṇī |
sāvitrī ca mahādevī parapriyavināyikā || 171 ||
yamadūtī ca piṅgākṣī vaiṣṇavī śaṅkarī tathā |
candrapriyā candraratā candanāraṇyavāsinī || 172 ||
candanendrasamāyuktā caṇḍadaityavināśinī |
sarveśvarī yakṣiṇī ca kirātī rākṣasī tathā || 173 ||
mahābhogavatī devī mahāmokṣapradāyinī |
viśvahantrī viśvarūpā viśvasaṁhārakāriṇī || 174 ||
dhātrī ca sarvalokānāṁ hitakāraṇakāminī |
kamalā sūkṣmadā devī dhātrī haravināśinī || 175 ||
surendrapūjitā siddhā mahātejovatīti ca |
parārūpavatī devī trailokyākarṣakāriṇī || 176 ||
phalaśrutiḥ –
iti te kathitaṁ devi pītānāmasahasrakam |
paṭhedvā pāṭhayedvāpi sarvasiddhirbhavet priye || 177 ||
iti te viṣṇunā proktaṁ mahāstambhakaraṁ param |
prātaḥ kāle ca madhyāhne sandhyākāle ca pārvati || 178 ||
ekacittaḥ paṭhedetat sarvasiddhirbhaviṣyati |
ekavāraṁ paṭhedyastu sarvapāpakṣayo bhavet || 179 ||
dvivāraṁ prapaṭhedyastu vighneśvarasamo bhavet |
trivāraṁ paṭhanāddevi sarvaṁ siddhyati sarvathā || 180 ||
stavasyā’sya prabhāveṇa sākṣādbhavati suvrate |
mokṣārthī labhate mokṣaṁ dhanārthī labhate dhanam || 181 ||
vidyārthī labhate vidyāṁ tarkavyākaraṇānvitām |
mahitvaṁ vatsarāntācca śatruhāniḥ prajāyate || 182 ||
kṣoṇīpatirvaśastasya smaraṇe sadṛśo bhavet |
yaḥ paṭhet sarvadā bhaktyā śreyastu bhavati priye || 183 ||
gaṇādhyakṣapratinidhiḥ kavikāvyaparo varaḥ |
gopanīyaṁ prayatnena jananījāravatsadā || 184 ||
hetuyukto bhavennityaṁ śaktiyuktaḥ sadā bhavet |
ya idaṁ paṭhate nityaṁ śivena sadṛśo bhavet || 185 ||
jīvan dharmārthabhogī syānmṛto mokṣapatirbhavet |
satyaṁ satyaṁ mahādevi satyaṁ satyaṁ na saṁśayaḥ || 186 ||
stavasyāsya prabhāveṇa devena saha modate |
sucittāśca surāḥ sarve stavarājasya kīrtanāt || 187 ||
pītāmbaraparīdhānā pītagandhānulepanā |
paramodayakīrtiḥ syāt smarataḥ surasundari || 188 ||
iti śrīutkaṭaśambare nāgendraprayāṇatantre ṣoḍaśasahasre viṣṇuśaṅkarasaṁvāde śrī bagalāmukhī sahasranāma stotram ||
See more śrī bagalāmukhī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.