Read in తెలుగు / ಕನ್ನಡ / தமிழ் / देवनागरी / English (IAST)
sūta uvāca |
sahasrādityasaṅkāśaṃ śivaṃ sāmbaṃ sanātanam |
praṇamya nāradaḥ prāha vinamro natakandharaḥ || 1 ||
śrīnārada uvāca |
bhagavan sāmba tattvajña sarvaduḥkhāpahāraka |
śrīmatpītāmbarādevyāḥ pañjaraṃ puṇyadaṃ satām || 2 ||
prakāśaya vibho nātha kṛpāṃ kṛtvā mamopari |
yadyahaṃ tava pādābjadhūlidhūsarito’bhavat || 3 ||
viniyogaḥ –
asya śrīmadbagalāmukhī pītāmbarā pañjararūpastotramantrasya bhagavān nārada ṛṣiḥ anuṣṭup chandaḥ jagadvaśyakarī śrīpītāmbarābagalāmukhī devatā hlīṃ bījaṃ svāhā śaktiḥ klīṃ kīlakaṃ mama parasainya mantra tantra yantrādi kṛtyakṣayārthaṃ śrīmatpītāmbarābagalāmukhī devatā prītyarthe jape viniyogaḥ ||
ṛṣyādi nyāsaḥ –
bhagavān nārada ṛṣaye namaḥ śirasi |
anuṣṭup chandase namaḥ mukhe |
jagadvaśyakarī śrīpītāmbarā bagalāmukhī devatāyai namaḥ hṛdaye |
hlīṃ bījāya namaḥ dakṣiṇastane |
svāhā śaktaye namo vāmastane |
klīṃ kīlakāya namo nābhau |
mama parasainya mantra tantra yantrādi kṛtyakṣayārthaṃ śrīmatpītāmbarābagalāmukhī devatā prītyarthe jape viniyogaḥ namaḥ sarvāṅge |
karanyāsaḥ –
hlāṃ aṅguṣṭhābhyāṃ namaḥ |
hlīṃ tarjanībhyāṃ namaḥ |
hlūṃ madhyamābhyāṃ namaḥ |
hlaiṃ anāmikābhyāṃ namaḥ |
hlauṃ kaniṣṭhikābhyāṃ namaḥ |
hlaḥ karatalakarapṛṣṭhābhyāṃ namaḥ |
aṅganyāsaḥ –
hlāṃ hṛdayāya namaḥ |
hlīṃ śirase svāhā |
hlūṃ śikhāyai vaṣaṭ |
hlaiṃ kavacāya hum |
hlauṃ netratrayāya vauṣaṭ |
hlaḥ astrāya phaṭ |
mūlamantreṇa karanyāsaḥ –
oṃ hlīṃ aṅguṣṭhābhyāṃ namaḥ |
oṃ bagalāmukhi tarjanībhyāṃ namaḥ |
oṃ sarvaduṣṭānāṃ madhyamābhyāṃ namaḥ |
oṃ vācaṃ mukhaṃ padaṃ stambhaya anāmikābhyāṃ namaḥ |
oṃ jihvāṃ kīlaya kaniṣṭhikābhyāṃ namaḥ |
oṃ buddhiṃ vināśaya hlīṃ oṃ svāhā karatalakarapṛṣṭhābhyāṃ namaḥ ||
mūlamantreṇa aṅganyāsaḥ –
oṃ hlīṃ hṛdayāya namaḥ |
oṃ bagalāmukhi śirase svāhā |
oṃ sarvaduṣṭānāṃ śikhāyai vaṣaṭ |
oṃ vācaṃ mukhaṃ padaṃ stambhaya kavacāya hum |
oṃ jihvāṃ kīlaya netratrayāya vauṣaṭ |
oṃ buddhiṃ vināśaya hlīṃ oṃ svāhā astrāya phaṭ ||
dhyānam –
madhye sudhābdhimaṇimaṇḍaparatnavedyāṃ
siṃhāsanoparigatāṃ paripītavarṇām |
pītāmbarābharaṇamālyavibhūṣitāṅgīṃ
devīṃ smarāmi dhṛtamudgaravairijihvām ||
mānasopacārapūjā –
śrīpītāmbarāyai namaḥ laṃ pṛthivyātmakaṃ gandhaṃ parikalpayāmi |
śrīpītāmbarāyai namaḥ haṃ ākāśātmakaṃ puṣpaṃ parikalpayāmi |
śrīpītāmbarāyai namaḥ yaṃ vāyvātmakaṃ dhūpaṃ parikalpayāmi |
śrīpītāmbarāyai namaḥ raṃ vahnyātmakaṃ dīpaṃ parikalpayāmi |
śrīpītāmbarāyai namaḥ vaṃ amṛtātmakaṃ naivedyaṃ parikalpayāmi ||
iti sampūjya yonimudrāṃ evaṃ mudgaramudrāṃ pradarśya pañjaraṃ nyaset ||
pañjara stotram-
śrīśiva uvāca |
pañjaraṃ tat pravakṣyāmi devyāḥ pāpapraṇāśanam |
yaṃ praviśya ca bādhante bāṇairapi narāḥ kvacit || 1 ||
oṃ aiṃ hlīṃ śrīṃ śrīmat pītāmbarādevī bagalā buddhivardhinī |
pātu māmaniśaṃ sākṣāt sahasrārkasamadyutiḥ || 2 ||
oṃ aiṃ hlīṃ śrīṃ śikhādipādaparyantaṃ vajrapañjaradhāriṇī |
brahmāstrasañjñā yā devī pītāmbaravibhūṣitā || 3 ||
oṃ aiṃ hlīṃ śrīṃ bagalā māmavatyatra mūrdhabhāgaṃ maheśvarī |
kāmāṅkuśakalā pātu bagalā śāstrabodhinī || 4 ||
oṃ aiṃ hlīṃ śrīṃ pītāmbarā sahasrākṣā lalāṭaṃ kāmitārthadā |
pātu māṃ bagalā nityaṃ pītāmbarasudhāriṇī || 5 ||
oṃ aiṃ hlīṃ śrīṃ karṇayoścaiva yugapad atiratnaprapūjitā |
pātu māṃ bagalādevī nāsikāṃ me guṇākarā || 6 ||
oṃ aiṃ hlīṃ śrīṃ pītapuṣpaiḥ pītavastraiḥ pūjitā vedadāyinī |
pātu māṃ bagalā nityaṃ brahmaviṣṇvādisevitā || 7 ||
oṃ aiṃ hlīṃ śrīṃ pītāmbarā prasannāsyā netrayoryugapad bhruvau |
pātu māṃ bagalā nityaṃ baladā pītavastradhṛk || 8 ||
oṃ aiṃ hlīṃ śrīṃ adharoṣṭhau tathā dantān jihvāṃ ca mukhagāṃ mama |
pātu māṃ bagalādevī pītāmbarasudhāriṇī || 9 ||
oṃ aiṃ hlīṃ śrīṃ gale haste tathā bāhvoḥ yugapad buddhidā satām |
pātu māṃ bagalādevī divyasraganulepanā || 10 ||
oṃ aiṃ hlīṃ śrīṃ hṛdaye ca stanau nābhau karāvapi kṛśodarī |
pātu māṃ bagalā nityaṃ pītavastraghanāvṛtā || 11 ||
jaṅghāyāṃ ca tathā corvorgulphayoścātiveginī |
anuktamapi yat sthānaṃ tvak keśa nakha lomakam || 12 ||
asṛṅ māṃsaṃ tathā’sthīni sandhayaścāpi me parā |
tāḥ sarvā bagalādevī rakṣenme ca manoharā || 13 ||
phalaśrutiḥ –
ityetadvaradaṃ gopyaṃ kalāvapi viśeṣataḥ |
pañjaraṃ bagalādevyāḥ ghoradāridryanāśanam |
pañjaraṃ yaḥ paṭhedbhaktyā sa vighnairnābhibhūtaye || 14 ||
avyāhatagatiścāsya brahmaviṣṇvādisatpure |
svarge martye ca pātāle nā’rayastaṃ kadācana || 15 ||
na bādhante naravyāghraṃ pañjarasthaṃ kadācana |
ato bhaktaiḥ kaulikaiśca svarakṣārthaṃ sadaiva hi || 16 ||
paṭhanīyaṃ prayatnena sarvā’narthavināśanam |
mahādāridryaśamanaṃ sarvamāṅgalyavardhanam || 17 ||
vidyāvinayasatsaukhyaṃ mahāsiddhikaraṃ param |
idaṃ brahmāstravidyāyāḥ pañjaraṃ sādhu gopitam || 18 ||
paṭhet smareddhyānasaṃsthaḥ sa jayenmaraṇaṃ naraḥ |
yaḥ pañjaraṃ praviśyaiva mantraṃ japati vai bhuvi || 19 ||
kauliko’kauliko vā’pi vyāsavadvicaredbhuvi |
candrasūryasamo bhūtvā vasetkalpāyutaṃ divi || 20 ||
śrīsūta uvāca |
iti kathitamaśeṣaṃ śreyasāmādibījaṃ
bhavaśataduritaghnaṃ dhvastamohāndhakāram |
smaraṇamatiśayena prāptirevātra martyaḥ
yadi viśati sadā vai pañjaraṃ paṇḍitaḥ syāt || 21 ||
iti śrī pītāmbarā pañjara stotram ||
See more śrī bagalāmukhī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.