Read in తెలుగు
// శ్లోకాలు – తాత్పర్యం //
(హిందూ ధర్మంలో బిల్వ వృక్షం సాక్షాత్తు శ్రీ మహాలక్ష్మి స్వరూపంగా, శివ స్వరూపంగా భావించబడుతుంది. శివారాధనలో బిల్వపత్రం లేని పూజ అసంపూర్ణం. సాధకుడు తనలోని త్రిగుణాలను (సత్వ, రజో, తమో) శివునికి అర్పించి, నిర్గుణ స్థితిని పొందడానికి సంకేతంగా ఈ బిల్వ దళాలను సమర్పిస్తారు. ఫలశ్రుతి: పాప విముక్తి, యజ్ఞ ఫలం, శివలోక ప్రాప్తి)
త్రిదళం త్రిగుణాకారం త్రినేత్రం చ త్రియాయుధమ్ |
త్రిజన్మపాపసంహారం ఏకబిల్వం శివార్పణమ్ || ౧ ||
మూడు ఆకులు (దళాలు) కలిగి ఉన్నట్టి, సత్వ-రజో-తమో గుణాలకు రూపమైనట్టి, మూడు కన్నులు కలిగినట్టి (శివ స్వరూపమైన), త్రిశూలాది ఆయుధాలకు సంకేతమైనట్టి, మూడు జన్మల పాపాలను సంహరించేటట్టి ఈ ఒక్క బిల్వ దళాన్ని శివునికి అర్పించుచున్నాను.
త్రిశాఖైర్బిల్వపత్రైశ్చ హ్యచ్ఛిద్రైః కోమలైః శుభైః |
శివపూజాం కరిష్యామి ఏకబిల్వం శివార్పణమ్ || ౨ ||
మూడు శాఖలు కలిగినవి, చిరుగులు లేనివి (అచ్ఛిద్రము), కోమలమైనవి మరియు శుభప్రదమైనవి అయిన బిల్వ పత్రములతో నేను శివపూజ చేస్తున్నాను. అట్టి ఒక్క బిల్వ దళాన్ని శివునికి అర్పించుచున్నాను.
అఖండబిల్వపత్రేణ పూజితే నందికేశ్వరే |
శుద్ధ్యంతి సర్వపాపేభ్యః ఏకబిల్వం శివార్పణమ్ || ౩ ||
అఖండమైన (తుంచబడని) బిల్వ పత్రముతో నందికేశ్వరుని పూజించినట్లయితే, మనుషులు సమస్త పాపముల నుండి శుద్ధి పొందుతారు. అట్టి ఒక్క బిల్వ దళాన్ని శివునికి అర్పించుచున్నాను.
సాలగ్రామశిలామేకాం జాతు విప్రాయ యోఽర్పయేత్ |
సోమయజ్ఞమహాపుణ్యం ఏకబిల్వం శివార్పణమ్ || ౪ ||
ఒక సాలగ్రామ శిలను ఎవరైనా విజ్ఞుడైన విప్రునికి (బ్రాహ్మణునికి) దానం చేస్తే ఎంత పుణ్యం లభిస్తుందో, సోమ యజ్ఞం చేస్తే ఎంత మహా పుణ్యం లభిస్తుందో.. అంతటి పుణ్యం ఈ ఒక్క బిల్వ దళాన్ని సమర్పించడం వల్ల లభిస్తుంది.
దంతికోటిసహస్రాణి వాజపేయశతాని చ |
కోటికన్యామహాదానాం ఏకబిల్వం శివార్పణమ్ || ౫ ||
కోటి ఏనుగులను దానం చేసినా (దంతి కోటి), వంద వాజపేయ యజ్ఞాలు చేసినా, కోటి కన్యాదానాలు చేసినా కలిగే మహా పుణ్యం.. ఈ ఒక్క బిల్వ దళాన్ని శివునికి అర్పించడం వల్ల లభిస్తుంది.
పార్వత్యాః స్వేదసంజాతం మహాదేవస్య చ ప్రియమ్ |
బిల్వవృక్షం నమస్యామి ఏకబిల్వం శివార్పణమ్ || ౬ ||
పార్వతీదేవి స్వేద బిందువు నుండి ఉద్భవించినట్టి, మహాదేవునికి అత్యంత ప్రీతికరమైనట్టి బిల్వ వృక్షానికి నమస్కరిస్తున్నాను. అట్టి ఒక్క బిల్వ దళాన్ని శివునికి అర్పించుచున్నాను.
దర్శనం బిల్వవృక్షస్య స్పర్శనం పాపనాశనమ్ |
అఘోరపాపసంహారం ఏకబిల్వం శివార్పణమ్ || ౭ ||
బిల్వ వృక్షాన్ని దర్శించడం వల్ల మరియు స్పర్శించడం వల్ల పాపాలు నాశనమౌతాయి. అతి భయంకరమైన అఘోర పాపాలను కూడా సంహరించే అట్టి ఒక్క బిల్వ దళాన్ని శివునికి అర్పించుచున్నాను.
మూలతో బ్రహ్మరూపాయ మధ్యతో విష్ణురూపిణే |
అగ్రతః శివరూపాయ ఏకబిల్వం శివార్పణమ్ || ౮ ||
బిల్వ వృక్షం యొక్క మూలమున (వేర్ల యందు) బ్రహ్మ దేవుడు, మధ్య భాగమున విష్ణువు, అగ్ర భాగమున (కొనల యందు) శివుడు నివసిస్తారు. అట్టి త్రిమూర్తి స్వరూపమైన ఒక్క బిల్వ దళాన్ని శివునికి అర్పించుచున్నాను.
బిల్వాష్టకమిదం పుణ్యం యః పఠేచ్ఛివసన్నిధౌ |
సర్వపాపవినిర్ముక్తః శివలోకమవాప్నుయాత్ || ౯ ||
ఈ పుణ్యప్రదమైన బిల్వాష్టకాన్ని ఎవరైతే శివ సన్నిధిలో పఠిస్తారో, వారు సమస్త పాపముల నుండి విముక్తులై శివలోకాన్ని పొందుతారు.
ఇతి బిల్వాష్టకమ్ ||
మరిన్ని శ్రీ శివ స్తోత్రాలు , వివిధ స్తోత్రాలు చూడండి.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.