Read in తెలుగు / ಕನ್ನಡ / தமிழ் / देवनागरी / English (IAST)
ஸதா³ பா³லரூபாபி விக்⁴நாத்³ரிஹந்த்ரீ
மஹாத³ந்திவக்த்ராபி பஞ்சாஸ்யமாந்யா ।
விதீ⁴ந்த்³ராதி³ம்ருக்³யா க³ணேஶாபி⁴தா⁴ மே
வித⁴த்தாம் ஶ்ரியம் காபி கல்யாணமூர்தி꞉ ॥ 1 ॥
ந ஜாநாமி ஶப்³த³ம் ந ஜாநாமி சார்த²ம்
ந ஜாநாமி பத்³யம் ந ஜாநாமி க³த்³யம் ।
சிதே³கா ஷடா³ஸ்யா ஹ்ருதி³ த்³யோததே மே
முகா²ந்நி꞉ஸரந்தே கி³ரஶ்சாபி சித்ரம் ॥ 2 ॥
மயூராதி⁴ரூட⁴ம் மஹாவாக்யகூ³ட⁴ம்
மநோஹாரிதே³ஹம் மஹச்சித்தகே³ஹம் ।
மஹீதே³வதே³வம் மஹாவேத³பா⁴வம்
மஹாதே³வபா³லம் ப⁴ஜே லோகபாலம் ॥ 3 ॥
யதா³ ஸம்நிதா⁴நம் க³தா மாநவா மே
ப⁴வாம்போ⁴தி⁴பாரம் க³தாஸ்தே ததை³வ ।
இதி வ்யஞ்ஜயந்ஸிந்து⁴தீரே ய ஆஸ்தே
தமீடே³ பவித்ரம் பராஶக்திபுத்ரம் ॥ 4 ॥
யதா²ப்³தே⁴ஸ்தரங்கா³ லயம் யாந்தி துங்கா³-
-ஸ்ததை²வாபத³꞉ ஸம்நிதௌ⁴ ஸேவதாம் மே ।
இதீவோர்மிபங்க்தீர்ந்ருணாம் த³ர்ஶயந்தம்
ஸதா³ பா⁴வயே ஹ்ருத்ஸரோஜே கு³ஹம் தம் ॥ 5 ॥
கி³ரௌ மந்நிவாஸே நரா யே(அ)தி⁴ரூடா⁴-
-ஸ்ததா³ பர்வதே ராஜதே தே(அ)தி⁴ரூடா⁴꞉ ।
இதீவ ப்³ருவந்க³ந்த⁴ஶைலாதி⁴ரூட⁴꞉
ஸ தே³வோ முதே³ மே ஸதா³ ஷண்முகோ²(அ)ஸ்து ॥ 6 ॥
மஹாம்போ⁴தி⁴தீரே மஹாபாபசோரே
முநீந்த்³ராநுகூலே ஸுக³ந்தா⁴க்²யஶைலே ।
கு³ஹாயாம் வஸந்தம் ஸ்வபா⁴ஸா லஸந்தம்
ஜநார்திம் ஹரந்தம் ஶ்ரயாமோ கு³ஹம் தம் ॥ 7 ॥
லஸத்ஸ்வர்ணகே³ஹே ந்ருணாம் காமதோ³ஹே
ஸுமஸ்தோமஸஞ்ச²ந்நமாணிக்யமஞ்சே ।
ஸமுத்³யத்ஸஹஸ்ரார்கதுல்யப்ரகாஶம்
ஸதா³ பா⁴வயே கார்திகேயம் ஸுரேஶம் ॥ 8 ॥
ரணத்³த⁴ம்ஸகே மஞ்ஜுளே(அ)த்யந்தஶோணே
மநோஹாரிலாவண்யபீயூஷபூர்ணே ।
மந꞉ஷட்பதோ³ மே ப⁴வக்லேஶதப்த꞉
ஸதா³ மோத³தாம் ஸ்கந்த³ தே பாத³பத்³மே ॥ 9 ॥
ஸுவர்ணாப⁴தி³வ்யாம்ப³ரைர்பா⁴ஸமாநாம்
க்வணத்கிங்கிணீமேக²லாஶோப⁴மாநாம் ।
லஸத்³தே⁴மபட்டேந வித்³யோதமாநாம்
கடிம் பா⁴வயே ஸ்கந்த³ தே தீ³ப்யமாநாம் ॥ 10 ॥
புலிந்தே³ஶகந்யாக⁴நாபோ⁴க³துங்க³-
-ஸ்தநாலிங்க³நாஸக்தகாஶ்மீரராக³ம் ।
நமஸ்யாம்யஹம் தாரகாரே தவோர꞉
ஸ்வப⁴க்தாவநே ஸர்வதா³ ஸாநுராக³ம் ॥ 11 ॥
விதௌ⁴ க்லுப்தத³ண்டா³ந்ஸ்வலீலாத்⁴ருதாண்டா³-
-ந்நிரஸ்தேப⁴ஶுண்டா³ந்த்³விஷத்காலத³ண்டா³ன் ।
ஹதேந்த்³ராரிஷண்டா³ன் ஜக³த்ராணஶௌண்டா³-
-ந்ஸதா³ தே ப்ரசண்டா³ன் ஶ்ரயே பா³ஹுத³ண்டா³ன் ॥ 12 ॥
ஸதா³ ஶாரதா³꞉ ஷண்ம்ருகா³ங்கா யதி³ ஸ்யு꞉
ஸமுத்³யந்த ஏவ ஸ்தி²தாஶ்சேத்ஸமந்தாத் ।
ஸதா³ பூர்ணபி³ம்பா³꞉ கலங்கைஶ்ச ஹீநா-
-ஸ்ததா³ த்வந்முகா²நாம் ப்³ருவே ஸ்கந்த³ ஸாம்யம் ॥ 13 ॥
ஸ்பு²ரந்மந்த³ஹாஸை꞉ ஸஹம்ஸாநி சஞ்ச-
-த்கடாக்ஷாவளீப்⁴ருங்க³ஸங்கோ⁴ஜ்ஜ்வலாநி ।
ஸுதா⁴ஸ்யந்தி³பி³ம்பா³த⁴ராணீஶஸூநோ
தவாலோகயே ஷண்முகா²ம்போ⁴ருஹாணி ॥ 14 ॥
விஶாலேஷு கர்ணாந்ததீ³ர்கே⁴ஷ்வஜஸ்ரம்
த³யாஸ்யந்தி³ஷு த்³வாத³ஶஸ்வீக்ஷணேஷு ।
மயீஷத்கடாக்ஷ꞉ ஸக்ருத்பாதிதஶ்சே-
-த்³ப⁴வேத்தே த³யாஶீல கா நாம ஹாநி꞉ ॥ 15 ॥
ஸுதாங்கோ³த்³ப⁴வோ மே(அ)ஸி ஜீவேதி ஷட்³தா⁴
ஜபந்மந்த்ரமீஶோ முதா³ ஜிக்⁴ரதே யான் ।
ஜக³த்³பா⁴ரப்⁴ருத்³ப்⁴யோ ஜக³ந்நாத² தேப்⁴ய꞉
கிரீடோஜ்ஜ்வலேப்⁴யோ நமோ மஸ்தகேப்⁴ய꞉ ॥ 16 ॥
ஸ்பு²ரத்³ரத்நகேயூரஹாராபி⁴ராம-
-ஶ்சலத்குண்ட³லஶ்ரீலஸத்³க³ண்ட³பா⁴க³꞉ ।
கடௌ பீதவாஸா꞉ கரே சாருஶக்தி꞉
புரஸ்தாந்மமாஸ்தாம் புராரேஸ்தநூஜ꞉ ॥ 17 ॥
இஹாயாஹி வத்ஸேதி ஹஸ்தாந்ப்ரஸார்யா-
-ஹ்வயத்யாத³ராச்ச²ங்கரே மாதுரங்காத் ।
ஸமுத்பத்ய தாதம் ஶ்ரயந்தம் குமாரம்
ஹராஶ்லிஷ்டகா³த்ரம் ப⁴ஜே பா³லமூர்திம் ॥ 18 ॥
குமாரேஶஸூநோ கு³ஹ ஸ்கந்த³ ஸேநா-
-பதே ஶக்திபாணே மயூராதி⁴ரூட⁴ ।
புலிந்தா³த்மஜாகாந்த ப⁴க்தார்திஹாரின்
ப்ரபோ⁴ தாரகாரே ஸதா³ ரக்ஷ மாம் த்வம் ॥ 19 ॥
ப்ரஶாந்தேந்த்³ரியே நஷ்டஸஞ்ஜ்ஞே விசேஷ்டே
கபோ²த்³கா³ரிவக்த்ரே ப⁴யோத்கம்பிகா³த்ரே ।
ப்ரயாணோந்முகே² மய்யநாதே² ததா³நீம்
த்³ருதம் மே த³யாளோ ப⁴வாக்³ரே கு³ஹ த்வம் ॥ 20 ॥
க்ருதாந்தஸ்ய தூ³தேஷு சண்டே³ஷு கோபா-
-த்³த³ஹச்சி²ந்த்³தி⁴ பி⁴ந்த்³தீ⁴தி மாம் தர்ஜயத்ஸு ।
மயூரம் ஸமாருஹ்ய மா பை⁴ரிதி த்வம்
புர꞉ ஶக்திபாணிர்மமாயாஹி ஶீக்⁴ரம் ॥ 21 ॥
ப்ரணம்யாஸக்ருத்பாத³யோஸ்தே பதித்வா
ப்ரஸாத்³ய ப்ரபோ⁴ ப்ரார்த²யே(அ)நேகவாரம் ।
ந வக்தும் க்ஷமோ(அ)ஹம் ததா³நீம் க்ருபாப்³தே⁴
ந கார்யாந்தகாலே மநாக³ப்யுபேக்ஷா ॥ 22 ॥
ஸஹஸ்ராண்ட³போ⁴க்தா த்வயா ஶூரநாமா
ஹதஸ்தாரக꞉ ஸிம்ஹவக்த்ரஶ்ச தை³த்ய꞉ ।
மமாந்தர்ஹ்ருதி³ஸ்த²ம் மந꞉க்லேஶமேகம்
ந ஹம்ஸி ப்ரபோ⁴ கிம் கரோமி க்வ யாமி ॥ 23 ॥
அஹம் ஸர்வதா³ து³꞉க²பா⁴ராவஸந்நோ
ப⁴வான் தீ³நப³ந்து⁴ஸ்த்வத³ந்யம் ந யாசே ।
ப⁴வத்³ப⁴க்திரோத⁴ம் ஸதா³ க்லப்தபா³த⁴ம்
மமாதி⁴ம் த்³ருதம் நாஶயோமாஸுத த்வம் ॥ 24 ॥
அபஸ்மாரகுஷ்ட²க்ஷயார்ஶ꞉ ப்ரமேஹ-
-ஜ்வரோந்மாத³கு³ள்மாதி³ரோகா³ மஹாந்த꞉ ।
பிஶாசாஶ்ச ஸர்வே ப⁴வத்பத்ரபூ⁴திம்
விளோக்ய க்ஷணாத்தாரகாரே த்³ரவந்தே ॥ 25 ॥
த்³ருஶி ஸ்கந்த³மூர்தி꞉ ஶ்ருதௌ ஸ்கந்த³கீர்தி-
-ர்முகே² மே பவித்ரம் ஸதா³ தச்சரித்ரம் ।
கரே தஸ்ய க்ருத்யம் வபுஸ்தஸ்ய ப்⁴ருத்யம்
கு³ஹே ஸந்து லீநா மமாஶேஷபா⁴வா꞉ ॥ 26 ॥
முநீநாமுதாஹோ ந்ருணாம் ப⁴க்திபா⁴ஜா-
-மபீ⁴ஷ்டப்ரதா³꞉ ஸந்தி ஸர்வத்ர தே³வா꞉ ।
ந்ருணாமந்த்யஜாநாமபி ஸ்வார்த²தா³நே
கு³ஹாத்³தே³வமந்யம் ந ஜாநே ந ஜாநே ॥ 27 ॥
களத்ரம் ஸுதா ப³ந்து⁴வர்க³꞉ பஶுர்வா
நரோ வாத² நாரீ க்³ருஹே யே மதீ³யா꞉ ।
யஜந்தோ நமந்த꞉ ஸ்துவந்தோ ப⁴வந்தம்
ஸ்மரந்தஶ்ச தே ஸந்து ஸர்வே குமார ॥ 28 ॥
ம்ருகா³꞉ பக்ஷிணோ த³ம்ஶகா யே ச து³ஷ்டா-
-ஸ்ததா² வ்யாத⁴யோ பா³த⁴கா யே மத³ங்கே³ ।
ப⁴வச்ச²க்திதீக்ஷ்ணாக்³ரபி⁴ந்நா꞉ ஸுதூ³ரே
விநஶ்யந்து தே சூர்ணிதக்ரௌஞ்சஶைல ॥ 29 ॥
ஜநித்ரீ பிதா ச ஸ்வபுத்ராபராத⁴ம்
ஸஹேதே ந கிம் தே³வஸேநாதி⁴நாத² ।
அஹம் சாதிபா³லோ ப⁴வான் லோகதாத꞉
க்ஷமஸ்வாபராத⁴ம் ஸமஸ்தம் மஹேஶ ॥ 30 ॥
நம꞉ கேகிநே ஶக்தயே சாபி துப்⁴யம்
நமஶ்சா²க³ துப்⁴யம் நம꞉ குக்குடாய ।
நம꞉ ஸிந்த⁴வே ஸிந்து⁴தே³ஶாய துப்⁴யம்
புந꞉ ஸ்கந்த³மூர்தே நமஸ்தே நமோ(அ)ஸ்து ॥ 31 ॥
ஜயாநந்த³பூ⁴மம் ஜயாபாரதா⁴மம்
ஜயாமோக⁴கீர்தே ஜயாநந்த³மூர்தே ।
ஜயாநந்த³ஸிந்தோ⁴ ஜயாஶேஷப³ந்தோ⁴
ஜய த்வம் ஸதா³ முக்திதா³நேஶஸூநோ ॥ 32 ॥
பு⁴ஜங்கா³க்²யவ்ருத்தேந க்லப்தம் ஸ்தவம் ய꞉
படே²த்³ப⁴க்தியுக்தோ கு³ஹம் ஸம்ப்ரணம்ய ।
ஸ புத்ராந்களத்ரம் த⁴நம் தீ³ர்க⁴மாயு-
-ர்லபே⁴த்ஸ்கந்த³ஸாயுஜ்யமந்தே நர꞉ ஸ꞉ ॥ 33 ॥
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீஸுப்³ரஹ்மண்யபு⁴ஜங்க³ம் ॥
மேலும் ஶ்ரீ ஸுப்ரஹ்மண்ய ஸ்தோத்திரங்கள் பார்க்க.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.